NG'ANG'UTYET 14:13 - BUKUIT NE TILIL

¹³ Ak kiagas kutit kobunu kipsengwet kole, Sir ile, Boiboen ichek che begu eng’ Kiptaiyat koboch nguno: ee, mwaei Tamirmiriet, kole si kobiit komuuny eng’ boisionikwak, amu isubi ichek boisionikwak.

Bukuit Ne Tilil

¹³ Ak ki agas kutit kobunu kipsengwet kole, “Sir ile: Poiboen icheek che pegu eng' Kiptaiyat kobooch nguno.” Mwaei Kabuuset ne Tiliil kole, “Ee, imuunyi icheek eng' poisyonikwak, amu isubi icheek `poisyonikwak.”

BUKUIT NE TILIIL Sireet ne Dutero Kanon

¹³ Ak ki agas kutit kobunu kipsengwet kole, “Sir ile: Poiboen icheek che pegu eng' Kiptaiyat kobooch nguno.” Mwaei Kabuuset ne Tiliil kole, “Ee, imuunyi icheek eng' poisyonikwak, amu isubi icheek `poisyonikwak.”

NG'ANG'UTYET 14:13 ပူးပေါင်းရင်းမြစ်များ

TIENWOGIKAL 19:11

Kogeny eng’ choto kitigoni otwogeng’ung’: Mitei melekto ne o ngerib choto.

TIENWOGIKAL 85:13

Wendi imanda kondoe inendet; Ak kochopchin oret kakwautikyik.

ISAIAH 35:10

ak koweek bikab Jehovah che kigitiach, ak kobwa Sion kotienonu; ak kotebe baragunywa boiboiyetab koigeny: nyoru kagasetab ge ak boiboiyet, ak komwei arogenet ak tigenoik.

DANIEL 12:13

Ago ui inye oldang’ung’ agoi koit kagesunet: amu imuunyi, ak tun itononi eng’ komostang’ung’, eng’ kagesunetab betusiechoto.

MATAYO 3:17

ogeero, kimong’une kutit kipsengwet, kole, Ni ko Werinnyu, chamanennyu, abaibai mising’ eng’ inendet.

LUKA 16:25

Ago kile Abraham, Weri, ibwat ile kingota isobe ko kiinyoru tuguguk che miach, ki u noto Lasaro, kinyoru tuguk che yaach: ago nguno kigoigoi inendet eng’ yu, ago inye, imi ng’wanindo ne o.

LUKA 16:9

Ak amwawok ale, Oyachige choronok eng’ oretab magornatosiek che ma bo imanda; si ye tun igesgei, ko tun kotaachak eng’ gorik che bo koigeny.

ROMANIK 14:8

Amu ngesoptosi, kesoptosi eng’ Kiptaiyat, ak ngebegu, kebegu eng’ Kiptaiyat: noto anyun, ngesoptosi anan ngebegu, kebo Kiptaiyat.

1 KORINTOEK 15:18

Noto anyun, icheget che kigoruiyo eng’ Kristo ko kigolusyo.

1 KORINTOEK 15:20

Ago kiging’eet anyun Kristo komong’ eng’ che kibek, tongoaniat ne bo icheget che ruitos.

1 KORINTOEK 15:58

Noto anyun, che kitupche che achame, ogimegitu, among’ king’eak, oyae otese kotugul boisietab Kiptaiyat, amu ongen ole ma bo buch boisieng’wong’ ne uui eng’ Kiptaiyat.

2 KORINTOEK 5:8

amwae ale, ki nyigonen, ak kemache kele, kaigai kemande eng’ borto, ak ketebi koboto Kiptaiyat.

PILIPIK 2:17

Ee, agot ngerong’ja baragutab kaptisisiet ak otisietab kayaneng’wong’, ko abaibai, ak agasige kobotok okwek tugul:

1 THESSALONIKEK 4:14

Amu ngiyani kele kime Jesu ak kong’eet kogeny, ko u noto anyun eng’ icheget che ruitos eng’ Jesu, imutu Jehovah koboto inendet.

1 THESSALONIKEK 4:16

Amu chorugei Kiptaiyat inendet eng’ kipsengwet, koboto twegunet ne o, ak kutitab malaikaiyat ne o, ak iriagetab Jehovah: ak isib kong’eetos che kibek eng’ Kristo:

1 THESSALONIKEK 5:10

ne kimechech, si ngegosu anan ngeruitosi, kesoptosi koboto inendet.

1 TIMOTEO 5:24

Toogunotin tengekwogikab bik alak, indoe kobendi kiruoget; ak che bo bik alak agichek kosubi ichek.

1 TIMOTEO 5:25

Ko u noto agine mitei boisionik che miach che toogunotin; ak che ma u choto ko maimugaksei koung’ogis.

NG'ANG'UTYET 1:11

kole, Sirji bukuit tuguk che igeere, ak iyokyi kanisosiek tisab; iyokyi Epeso, ak Smurna, ak Pergamo, ak Tuatera, ak Sarde, ak Piladelpia, ak Laodikia.

NG'ANG'UTYET 10:4

Ak ye kingo kagobolyo tulosiek tisabu, amach asir: ak kiagas kutit ne bunu kipsengwet kole, Ng’och tuguk che kamwa tulosiek tisabu, amesir.

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

NG'ANG'UTYET 11:19

Ak kigiyat hekalutab Jehovah eng’ kipsengwet; ak kitook eng’ hekalunnyi moingetab arorutiennyi; ak kibiit kalyelosiek, ak kutuswek, ak tulosiek, ak botanetab ng’ony, ak koik che eechen che bo ropta.

NG'ANG'UTYET 16:17

Ak kirong’ji malaikaiyat ne bo tisab tabennyi soet; ak kimong’ kutit ne o eng’ hekalut, kobun ng’echeretab laitornatet, kole, Kagosulda:

NG'ANG'UTYET 19:9

Ak kolenja, Sir ile, Boiboen ichek che keguurjin igortab katunisietab Aruet. Ak kilenja, Chu ko ng’alekab iman che bo Jehovah.

NG'ANG'UTYET 2:1

Sirji malaikaiyat ne bo kaniset ne mi Epeso, ilenji: Mwaei tuguchu inendet ne namei kecheik tisab eng’ eunnyi ne bo tai, inendet ne wendote kwenutab kelyek tisab che bo taisiek che bo tahabu:

NG'ANG'UTYET 2:7

Inendet ne tinyei itit, kogas kit ne mwachin Tamirmiriet kanisosiek. Inendet ne iterteri, agochini koam che bo ketitab sobondo ne mi Paradis ne bo Jehovah.

NG'ANG'UTYET 20:6

Baibai ak ko tilil ne tinyei yamdaet eng’ ng’eetyet ne bo tai: mabou ichek meet ne bo aeng’; ago egu ichek tisiikab Jehovah ak ko bo Kristo, ak kolaitoran ak inendet kenyisiek elfut agenge.

NG'ANG'UTYET 21:5

Ak kimwa inendet ne tebe ng’echeretab laitornatet, kole, Ogeero, ayae tuguk tugul koleelagitu. Ak kile, Sir: amu ng’alechu ko che kiyani ak ko bo iman.

NG'ANG'UTYET 22:17

Ak mwaei Tamirmiriet ak mureret kole, Nyo. Ak inendet ne kasei, komwa kole, Nyo. Ak inendet ne amei melelda, konyo; ak inendet ne machei, koib beekab sobon buch.

NG'ANG'UTYET 6:11

Ak kigigochi age tugul eng’ ichek ngoriet ne leel; ak kelenji ko ta komuuny ne matia, kot kosulda koitetab che otwogik koboto ichek, ak tupchosiekwak, che tun kibarei ko u icheget.