NG'ANG'UTYET 14:10 - BUKUIT NE TILIL

¹⁰ koeei agine divaik che bo koromnatetab Jehovah, che kigichob ama kiburuch eng’ kikombetab nereknatennyi; ak kinyalili eng’ mat ak koik che laldos eng’ taitab malaikaisiek che tililen, ak eng’ taitab Aruet:

Bukuit Ne Tilil

¹⁰ koeei agine divaik che po koroomnatetap Kamuktaindet, che ki kichop ama kiburuch eng' kigombetap nereeknatennyi; ak kinyaliili eng' maat ak koik che laldos eng' taitap malaikaisyek che tiliileen, ak eng' taitap Aarwet:

BUKUIT NE TILIIL Sireet ne Dutero Kanon

¹⁰ koeei agine divaik che po koroomnatetap Kamuktaindet, che ki kichop ama kiburuch eng' kigombetap nereeknatennyi; ak kinyaliili eng' maat ak koik che laldos eng' taitap malaikaisyek che tiliileen, ak eng' taitap Aarwet:

NG'ANG'UTYET 14:10 ပူးပေါင်းရင်းမြစ်များ

TAUNET 19:24

Eng’ yoto anyun kotumji Jehovah Sodom ak Gomora koik che laldos ak mat che bunu Jehovah eng’ kipsengwet;

Kitabuutap JOB 18:15

Menyei emainnyi kit ne ma nenyi: Kiseere meng’otennyi koik che laldos.

Kitabuutap JOB 21:20

Ingogeer konyekyik ng’emisiennyi, Ak ingoee neregekab Inendet ne bo Kamuktaet.

TIENWOGIKAL 11:6

Rong’jin kiptengeginik mestonok; Egu mat ak tuguk che laldos che u munyeik ak usonet ne beelsei, kebebertab kikombenywa.

TIENWOGIKAL 37:34

Igen Jehovah, ak isub orennyi, Ak koeetin inam emet: Ye kiwong’u kiptengeginik igeere.

TIENWOGIKAL 52:6

Keerei che bo imanda, ak koiywei, Ak kororechi inendet kole,

TIENWOGIKAL 60:3

Kiiborji biguk tuguk che koromen: Kiigonech kee divaik che kibogiti.

TIENWOGIKAL 73:10

Eng’ noto anyun, weeksei bikyik oli: Ak lugui ichek beek che nyiitotin.

TIENWOGIKAL 75:8

Amu mitei kikombet eutab Jehovah, ak kutu divaik; Ak kigiburuch che chang’ che terotin, ak korong’u inendet choto: Iman, irurunyi misigikwak kiptengeginik tugul che bo ng’ony ak koeei.

TIENWOGIKAL 91:8

Ago igeere eng’ konyeguk, Igeere melektab kiptengeginik.

ISAIAH 29:9

Ogenisie ak okwong’ie; oyai ko u ye omache, ak ogorie: kabogityo, ago ma eng’ divaik; terterioti, ago ma eng’ maiyek.

ISAIAH 30:33

Amu kigechob Topet koboch keny; ee, kigechopchi laitoriat; kigoyai kolooit kwo ng’ony ak kotebeesit: karurugutiennyi ko mat ak kwenik che chang’; inaami kabusetab Jehovah, ne kergei ak koik che laldos, che isururu.

ISAIAH 34:9

Ak kewal kererusiekyik koek manget, ak kewal temburiekyik koek koik che laldos, ak koek emennyi manget ne lalei.

ISAIAH 51:17

Ng’eet, ng’eet, tonon, ee Jerusalem, ne kiiee kikombetab neregek che koromen che bo Jehovah eng’ eunnyi; kiiee tabetab kikombet ne bo terteriotet icholol.

JEREMIA 25:27

Ak ilenji ichek, Kamwa Jehovah ne bo lugosiek, Kamuktaindetab Israel, ko u ni kole: Oee ak obogitye, ak ong’ung’u, ak obutye, ama ong’eetosi kogeny, amu rotwetab chok ne ayogu konyo kwenung’wong’.

JEREMIA 49:12

Amu mwaei Jehovah ko u ni kole: Ogeero, eeisei iman che kima ko nenywa koeeise kikombet; ak tos i ne chilili si ma kibirin? Mechilili, kibirin, ago iee iman.

JEREMIA 51:57

Ak agochini kobogityo bounikyik ak murenikyik che ng’omen, koboto kiruogikyik ak kiptainikyik, ak murenikyik che nyigonen; ak koruiyo ruondo ne bo agoi, ama kogosu, mwaei Laitoriat, ne kainennyi ko Jehovah ne bo lugosiek.

RIREKAB JEREMIA 4:21

Baibaitu ak igasge, ee cheptab Edom, ne imenye emetab Us: Ityinin aginye kikombet; ibogiti, ak itebi ach ngor.

EZEKIEL 20:48

Ak kogeer bik tugul kole a Jehovah ne kanaami maata: magimisi.

EZEKIEL 38:22

Ak ager kong’ inendet eng’ koroito ak korotik; ak ayokyi inendet, koboto lugosiekyik, ak bikyik che chang’ che mi koboto inendet, ropta ne o, ak koik che eechen che bo ropta, ak mat, ak tuguk che laldos.

HABAKUK 2:16

Kanyiin tewernatet ne kata torornatet: ee aginye, si iige ne ma kimuratan: kiweekyinin kikombetab eutab tai ne bo Jehovah, ak kotebe tewernatet ne samis torornateng’ung’.

MATAYO 20:22

Ago kiwol Jesu kole, Mongen ne osome. Omuchi okwek oee kikombet ne negit aee? Kolenji inendet, Kimuchi.

MATAYO 25:41

Kolenji anyun ichek che mi eutab katam, Oba eng’ ole ami, okwek che o chubotin, oba mat ne bo koigeny ne kigechopchi oindet ak malaikaisiekyik:

MATAYO 26:39

Ak kiwa tai kitigin, ak kobutyi ng’ony, ak kosa, kole, Ee Baba, ngomugaksei, kosiirtoena kikombani: ago, ma ko u ye amache ane, ago ko u ye imache inye.

MARIKO 8:38

Amu age tugul ne ililani agobo ane koboto ng’alekyuk eng’ ibinita bo sokset ak tengek, ko tun ililanjin agine Weritab chi inendet, ye tun nyonei eng’ lilindab Kwandanyi koboto malaikaisiek che tililen.

MARIKO 9:44

Ole mabegu kutikwak, ama misoksei mat.

POISYONIGAP CHE KIYOKTOI 10:22

Ak kile, Kiiborji komie Jehovah Kornelio, eng’ malaikaiyat ne tilil, koyok bik kobwa koguurin iwe gonnyi ne inendet ko kiptaiyatab bogol, chito ne bo imanda ak koiywei Jehovah, ak baorianjin bororiet tugul ne bo Yahudik kole mie inendet, kole si kogasenen ng’alek.

NG'ATUTIK 29:23

ak kowalak emet komugul koek tuguk che laldos, ak munyuk, ak lalet, kot ko ma kegolei, ama koiyei, ama kobite suswo oloto, kergeitu ak ng’emisietab Sodom ak Gomora, Adma ak Seboim, che king’em Jehovah kowong’ eng’ neregekyik, ak eng’ nyitatennyi:

2 THESSALONIKEK 1:7

ak kogonok kamuung’et kobotech, okwek che kiusei, eng’ ng’ang’etab Kiptaiyat Jesu kobunu kipsengwet koboto malaikaisiek che bo kamuktaennyi

JUDA 1:7

Ko u noto, agot Sodom ak Gomora, ak nganasok che kiga yiem, kingo kagogochigei sokset, ko u chuto, koba kosub borwek che ma kergei ak chechuak, ko kiginde koek kaborunet, konyalilso eng’ kiruogetab mat ne bo koigeny.

NG'ANG'UTYET 15:7

Ak kiigochi age eng’ tiong’ik ang’wan che soptos malaikaisiek tisab tabok tisab che bo tahabu che nyiitotin neregekab Jehovah, inendet ne sobei koigeny ak koigeny.

NG'ANG'UTYET 16:19

Ak kipcheak nganaset ne o koek kebeberwek somok, ak kilulyo nganasokab bororiosiek: ak kigibwat Babulon ne o eng’ taitab Jehovah, si kobiit kigochi inendet kikombet ne bo divaikab koromnatetab neregekyik.

NG'ANG'UTYET 18:3

Kagobutyo bororiosiek tugul amu divaikab koromnatetab soksennyi; ak kisokso laitorinikab ng’ony ak inendet, ak kiek magorek chemung’arainikab ng’ony eng’ kimnatetab kaseretab tugukyik.

NG'ANG'UTYET 18:6

Oweekyi inendet ko u ye kigoyai, ak oyaakyi inendet konyil aeng’ ko u boisionikyik; kikombet ne kiburuge, oburukyi inendet konyil aeng’.

NG'ANG'UTYET 19:15

Ak kimong’une kutinnyi rotwetab chok ne ng’atib, si kobiit kobire bororiosiek: ak koboi ichek eng’ kiroktab karnet: ak kotiech sabibuk eng’ ole kituisie che bo koromnatet ne bo neregekab Jehovah ne bo Kamuktaet.

NG'ANG'UTYET 19:20

Ak kiginam tiondo, koboto maotiondonoto ki bo lembech ne kiyaei kaborunoik eng’ tainnyi, ne kiiberberi che kiga kinde berutietab tiondo, ak ichek che kiilosu kanamwennyi: kigiwirji choto tuwai kosoptos araraita ne bo mat ne lalei eng’ koik che laldos:

NG'ANG'UTYET 20:10

Ak kigiwirji oindet ne kiiberber ichek araraitab mat ak koik che laldos, ole mitei agichek tiondo ak maotiot ne bo lembech; ak kinyalili bet ak kemoi agoi koigeny ak koigeny.

NG'ANG'UTYET 20:14

Ak kigiwirji meet ak oldab che kigobek, araraitab mat. Nito ko meet ne bo aeng’, araraitab mat.

NG'ANG'UTYET 21:8

Ago che iyweisiei, ak che maiyani, ak che kiwechei, ak rumik, ak che soksei, ak bonik, ak che saei kanamonik, ak kiplembechonik tugul, kotinyei kebebertanywa eng’ araraita ne lale mat ak koik che laldos; ne noto ko meet ne bo aeng’.