NG'ANG'UTYET 14:1 - BUKUIT NE TILIL

¹ Ak kiageer, ak ogeero, tononi Aruet eng’ tulwetab Sion, ak komi koboto inendet bik elfusiek bogol ak artam ak ang’wan, che tinyei kainennyi, ak kainetab Kwandanyi, che kigisirji togochikwak.

Bukuit Ne Tilil

¹ Ki ageer, ak ogeero, tononi Aarwet eng' tulweetap Zion, ak komi kobooto `ineendet piik eliphuusyek pogol ak artam ak ang'wan, che tinyei kainennyi, ak kainetap Kwandanyi, che ki kisirchi togoochikwak.

BUKUIT NE TILIIL Sireet ne Dutero Kanon

¹ Ki ageer, ak ogeero, tononi Aarwet eng' tulweetap Zion, ak komi kobooto `ineendet piik eliphuusyek pogol ak artam ak ang'wan, che tinyei kainennyi, ak kainetap Kwandanyi, che ki kisirchi togoochikwak.

NG'ANG'UTYET 14:1 ပူးပေါင်းရင်းမြစ်များ

TIENWOGIKAL 2:6

Ago kande laitoriandennyu Tulwennyu ne tilil ne bo Sion.

ISAIAH 49:14

Ago kimwa Sion kole, kigometa Jehovah, ak kigoutiena Kiptaiyat.

JEREMIA 1:11

Kinyonja kogeny ng’olyotab Jehovah, kolenja, Jeremia, igeere nee? Ak kiale, Ageere temet ne bo ketit ne kiguure almond.

EZEKIEL 1:4

Ak kiageer, ak ogeero, kimong’une murot ne bo katam usonet ne o, boldet ne o, koboto mat ne barbaregei, ak kiyiem kaluunet maata, ak kimong’une kwenunnyi kit ne u itondab taet, komong’une kwenutab mat.

EZEKIEL 10:1

Kiageer anyun, ak ogeero, kitook eng’ sengwetiet, ne kimi baragutab kerubik, kit ne ki u koitab sapire, ne u itondab kergeindab ng’echeretab laitornatet.

EZEKIEL 10:9

Ak kiageer, ogeero, cheptirok ang’wan che kimi ole negite kerubik, ki negite cheptiret age kerubindet age, ak ki negite cheptiret age kerubindet age: ak ki u itondab cheptirochoto, itondab koita ne kiguure berulo.

EZEKIEL 2:9

Ak ye kiageer, ogeero, kigiyogoiywa eut; ak keero, kimi eunoto bukuit ne mamanat;

EZEKIEL 44:4

Yeityo komutwa anyo oret ne bo ormarichet ne bo murot ne bo katam eng’ taitab got; ak kiageer, ogeero, kinyi gotab Jehovah lilindab Jehovah: ak kiabut, kot kotiiny toget ng’ony.

EZEKIEL 8:7

Ak kiimutwa anyo kurgetab seremut; ak kingageer, ogeero, kimi konda totet.

EZEKIEL 9:4

Ak kilenji Jehovah inendet, Ui bun kwenutab nganaset, kwenutab Jerusalem, ak ing’och turiosiekab togochikab bik che tigendos ak korirtos agobo tuguk tugul che kiwechei che kiyai eng’ kwenunnyi.

DANIEL 12:5

Kiageer anyun ane Daniel, ak ogeero, kitononso alak aeng’u, kitonone age ngegutab ainet bitoni, kotonone age ngegutab ainet bitonin.

JOEL 2:32

Ak tun kisoru age tugul ne kuurei kainetab Jehovah: amu tun mitei che chilildos eng’ tulwetab Sion ak Jerusalem, ko u ye kigomwa Jehovah, ak tun kuurei Jehovah alak eng’ ichek che king’et.

AMOS 8:2

Ak kilenja, Amos, igeere nee? Ak kialenji, Ageere kitongetab logoek che bo kemeut. Kilenja anyun Jehovah, Kanyonji kagesunet bikyuk Israel; ma abune kogeny ole mi ichek.

MIKAH 4:7

ak ayai inendet ne ing’wali koek ne ng’etunot, ak ayai inendet ne kigetimda kolooit koek bororiet ne kim: ak koboi Jehovah ichek eng’ tulwetab Sion koboch yoto agoi koigeny.

SEKARIA 4:2

Ak kilenja, Igeere nee? Ak kiale, Kaageer, ak keero, keldab tait ne bo tahabu tugul, kotinyei tabennyi eng’ baragunnyi, koboto taisiek tisab che bo keloto bo tait; kitinyei tait age tugul kirondoik tisab che mi baragunnyi:

LUKA 12:8

Ak amwawok ale, Age tugul ne ibortaa eng’ taitab bik, kotun ibortoi agine Weritab chi chichoto eng’ taitab malaikaisiek che bo Jehovah.

ROMANIK 9:33

ko u ye sirat kole, Ogeero, andoi Sion koita ne riichei bich ak ruandet ne inachi bich: Ak ne iyani inendet ko magigochin kolilan.

NG'ANG'UTYET 14:14

Ak kiageer, ak ogeero, boldet ne leel; ak kitebe boldanato chito ne u weritab chi, kotinyei eng’ metinnyi narietab tahabu, ak kimi eunnyi chepkeswet ne ng’atib.

NG'ANG'UTYET 14:3

ak kotieni tiendo ne leel eng’ taitab ng’echeretab laitornatet, ak eng’ taitab tiong’ik ang’wan che soptos ak boisiek: ama mi chi ne imuchi konetgei tienoto kobate bichoto elfusiek bogol ak artam ak ang’wan, icheget che kigial eng’ ng’ony.

NG'ANG'UTYET 15:5

Ak kingobata tuguchu, ageer, ak kigiyat hekalut ne bo emaitab baornatet eng’ kipsengwet:

NG'ANG'UTYET 22:4

ak keerei togennyi; ak mi kainennyi togochikwak.

NG'ANG'UTYET 3:12

Inendet ne iterteri, ayae koek toloita eng’ hekalut ne bo Jehovah nenyu, ama komandoi sang’ kogeny: ak asirjini inendet kainetab Jehovah nenyu, ak kainetab nganasetab Jehovah nenyu, noto Jerusalem ne leel, ne chorugei eng’ kipsengwet kobunu Jehovah nenyu, ak kainennyu ne leel.

NG'ANG'UTYET 4:1

Kingobata tuguchu, ageer, ogeero, kiyatak kurget eng’ kipsengwet, ak kutit ne bo tai ne kiagas ko ki u ne bo iriaget, ne king’alalwa kole, Togosu oli, si aborun tuguk che tun biitu eng’ let matiny.

NG'ANG'UTYET 6:8

Ak kiageer, ogeero, mbartanyit ne talelyo: ak kainetab inendet ne kitebe ko ki Meet; ak kiisub inendet oldab che kigobek. Ak kigigochi ichek kimnatet koboi kebeberta agenge eng’ ang’wan ne bo ng’ony, kobare rotwetab chok, ak rubet, ak meet, ak tiong’ikab timin che bo ng’ony.