NG'ANG'UTYET 13:8 - BUKUIT NE TILIL

⁸ Ak kolos inendet tugul che menyei ng’ony, che ma kisirji kainaikwak bukuitab sobondo ne bo Aruet ne kigibar koboch taunetab ng’ony.

Bukuit Ne Tilil

⁸ Ak kolas ineendet tugul che menyei ng'wony, che ma ki sirchi kainaikwak bukuitap saboondo ne po Aarwet ne ki kibar kobooch taunetap ng'wony.

BUKUIT NE TILIIL Sireet ne Dutero Kanon

⁸ Ak kolas ineendet tugul che menyei ng'wony, che ma ki sirchi kainaikwak bukuitap saboondo ne po Aarwet ne ki kibar kobooch taunetap ng'wony.

NG'ANG'UTYET 13:8 ပူးပေါင်းရင်းမြစ်များ

TAUNET 22:7

King’alalji anyun Isak kwandanyi Abraham, kolenji, Aba, ak kile, Ami yu, werinnyu. Ak kile, Keero, mi yu mat ak kwenik: ago mi ano aruetab kechir ne egu kagochinet ne kibeelei?

TIENWOGIKAL 69:28

Ingibukto ichek eng’ bukuitab sobon, Amat kesir koboto che bo imanda.

KOMONG'U 32:32

Ago nguno, ngicham inyochi kaat tengektanywa; ak ngo ma u noto asomin ale, iistaa eng’ bukuing’ung’ ne kiisir.

ISAIAH 4:3

Ak tun kiguure ne itabanat inendet ne ng’etu eng’ Sion, ak inendet ne ng’etu eng’ Jerusalem, chito age tugul ne kigisir eng’ che soptos eng’ Jerusalem:

DANIEL 12:1

Ak kotonon eng’ betunoto Mikael, bounindet ne o ne toreti lagokab biguk: ak biitu betusiek che bo nyalilda, che kitomo kobiitu koboch ngab kobiit bororiet agoi betunoto: ak kisoru biguk eng’ betusiechoto, age tugul ne kigisirji kainennyi bukuit.

MATAYO 25:34

Yeityo komwachi Laitoriat ichek che mi eunnyi ne bo tai, kolenji, Obwa, okwek che oberurotin che o bo Baba, onam bounatet ne kigechobwok koboch ko kagilumda ng’ony:

LUKA 10:20

Ago amoboiboitu amu ng’olyondoni, amu kasok it oik; ago oboiboitu amu sirotin kainaikwok eng’ kipsengwet.

JOHANA 1:29

Eng’ betut ne bo aeng’ kogeer Johana Jesu konyonjin, ak kole, Ogeero, Aruet ne bo Jehovah, ne ibei tengektab ng’ony!

EPESOEK 1:4

ko u ye kilewenech eng’ inendet ye kitom kelumda ng’ony, si keegu che tililen che matinyei lelut eng’ tainnyi eng’ chamnyet:

PILIPIK 4:3

Ee, asomin aginye, kiboitiot ne bo iman kobota, ale toret kobogoriosiechu, amu kigiboisiei tugul eng’ logoiywek che miach, koboto Klement agine, ak chun alak che ki kiboitinik tugul, che mi kainaikwak bukuitab sobondo.

TITO 1:2

eng’ kamang’unet ne bo sobondab koigeny, ne kiiyomis Jehovah, ne maimuchi kolembechan, koboch kenyisiek che bo koigeny;

NG'ANG'UTYET 12:15

Ak king’ut erenet beek eng’ kutinnyi che te ainet, kosube kwonyoto, kole si kobiit koib inendet ainonoto.

NG'ANG'UTYET 13:12

Ak koboisie kimnatet tugul ne bo tiondo ne bo tai eng’ tainnyi. Ak kogochi ng’ony ak che menyei ng’ony kolos tiondo ni ka bo tai, ne kigisoob ole kiga kikwer kome.

NG'ANG'UTYET 17:8

Tionyi kegeere komi, ama komi; ak ko negit komong’ eng’ keringet ne maigoksei, ak kwo luset. Ak kwong’dos ichek che menyei ng’ony, che kima kisirji kainaikwak bukuitab sobondo koboch ngab kelumda ng’ony, ye keer tiondo, amu kimi, ama komi, ak kota konyonei.

NG'ANG'UTYET 21:27

ak magoi wa orit kiy age tugul ne muruon, anan ko ne yaei kiy ne kiwechei, ak lembeita, kobate ichek che kigisirji bukuitab sobondo ne bo Aruet.

NG'ANG'UTYET 3:10

Amu kiirib ng’olyotab muitaennyu, aribin agane eng’ saitab yomset, ne nyonjin ng’ony komugul, si kotiem ichek che menyei ng’ony.

NG'ANG'UTYET 3:20

Keero, atononi eng’ kurget ak agongonyi: ngo kas chi kutinnyu ak koyat kurget, awendi ole mi inendet, ak aamisie koboto inendet, ak koamis inendet kobota.

NG'ANG'UTYET 3:5

Inendet ne iterteri kotun kilaakyin ko u noto ngoroik che leelach; ak magoi abuch kainennyi eng’ bukuitab sobondo, ago ang’anye kainennyi eng’ taitab Baba, ak eng’ taitab malaikaisiekyik.

NG'ANG'UTYET 5:12

komwaei eng’ kutit ne o kole, Nyoljin Aruet ne kigibar konyor kimnatet, ak magornatosiek ak ng’omnatet, ak kamuktaet, ak teegisto, ak torornatet, ak kaberuret.

NG'ANG'UTYET 5:13

Ak kiagas kit age tugul ne kigiyai ne mi kipsengwet, ak ne mi ng’ony, ak ne mi kureretab ng’ony, ak eng’ nyanjet, ak tuguk tugul che mi orinywa, kolen, Ingobunji inendet ne tebe ng’echeretab laitornatet, ak Aruanato, kaberuret, ak teegisto, ak torornatet, ak bounatet, koigeny ak koigeny.

NG'ANG'UTYET 6:1

Ak kiageer ye kingoyat Aruet age eng’ ng’oksosiechoto tisab, ak kiagas age eng’ tiong’ichoto ang’wan soptos komwaei eng’ cheet ne u tulet, kole, Nyo.