NG'ANG'UTYET 13:6 - BUKUIT NE TILIL

⁶ Ak kiyat kutinnyi kochub Jehovah, ak kochub kainennyi, ak gonnyi, ak ichek che menyei kipsengwet.

Bukuit Ne Tilil

⁶ Ak ki yaat kutinnyi kochup Kamuktaindet, ak kochup kainennyi, ak koonnyi, ak icheek che menyei kipsengwet.

BUKUIT NE TILIIL Sireet ne Dutero Kanon

⁶ Ak ki yaat kutinnyi kochup Kamuktaindet, ak kochup kainennyi, ak koonnyi, ak icheek che menyei kipsengwet.

NG'ANG'UTYET 13:6 ပူးပေါင်းရင်းမြစ်များ

Kitabuutap JOB 3:1

Kingobata chuto kotwek Job kosas betunnyi.

TIENWOGIKAL 73:9

Kigotoror kutuswekwak agobo kipsengwetisiek, Ak kobendote ng’elyebwekwak ng’ony.

DANIEL 11:36

Ak koyai laitoriat ko u ye machei; ak kotororgei ak koeetgei kosiir cheptalelit age tugul, ak komwa tuguk che kikwong’e agobo Kamuktaindet ne bou cheptalelisiek: ak konyor inendet borotet kot kosulda neregek; amu kiyaei noto kigeng’at.

DANIEL 7:25

Ak komwa ng’alek che kirindoi Inendet ne Toror Mising’, ak koiim mising’ bik che tililen che bo Inendet ne Toror Mising’: ak kilen inendet kowal betusiek ak ng’atutik; ak kigochi koboi agoi kobek kenyit, ak kenyisiek, ak kebebertab kenyit.

DANIEL 7:8

Kiabwat mising, agobo kuinoichoto, ak ogeero, kimong’une kuinet age ne ming’in, kuinoichoto, ne kigitutune tainnyi kuinoichoto bo tai somok: ak ogeero, kimi kuinonoto konyek che u che bo chi, ak kutit ne mwaei tuguk che eechen.

MATAYO 12:34

Okwek lagokab erenok che ng’wonen, omuktoi ano okwek, che o yaach, omwa tuguk che miach? Amu ng’alali kutit che nyiitat muguleldo.

MATAYO 15:19

Amu mong’une muguleldo kabwatutik che yaach, rumisiosiek, ibetab ge, soksosiek, chorsosiek, baornatosiekab lembech, ng’alek che yaachen:

JOHANA 1:14

Ak kiek Ng’olyot borto, ak komeny kwenunnyo (ak kigigeer torornatennyi, torornatet ne u ne bo ne kigii inegei kobunu Kwanda), ko nyiitat mieindo ak imanit.

ROMANIK 3:13

Mokwekwak ko kererit ne yatat; Kiboisie kenisiet eng’ ng’elyebwekwak: Mi ng’wonetab erenok kutuswekwak orit:

KOLOSAIK 1:19

Amu kichamak komie kele komeny nyiiet tugul eng’ inendet;

KOLOSAIK 2:9

amu menyei eng’ inendet eng’ borto nyiiet tugul ne bo Jehovah,

HEBRANIK 9:2

Amu kiga kichob emait; ne bo tai ko ole kimi keldab tait, ak meset, ak makatinik che bo kabartaet; ne kiguure Ole Tilil.

HEBRANIK 9:24

Amu kima mong’ji Kristo ole tilil ole kigiyae eunek, ne karogutietab tugukab iman; ago kimong’ji kipsengwet inendet, si kotoogu eng’ taitab Jehovah agoi achek:

NG'ANG'UTYET 11:12

Ak kigas kutit ne o ne bunu kipsengwet kolenji ichek, Otogosu oli. Ak kitogosta koba kipsengwet eng’ boldet; ak kogeerot ichek bunikwak.

NG'ANG'UTYET 12:12

Noto anyun oboiboitu, okwek kipsengwetisiek, ak okwek che omenye oloto. Bwa agobo ng’ony ak nyanjet: amu kachorgei oindet konyo ole omi, kotinyei nereknatet ne o, amu ingen kole tinyei betusiek che ng’ering’ kityo.

NG'ANG'UTYET 15:5

Ak kingobata tuguchu, ageer, ak kigiyat hekalut ne bo emaitab baornatet eng’ kipsengwet:

NG'ANG'UTYET 18:20

Baibaitu eng’ inendet inye kipsengwet, ak okwek che o tililen, ak okwek che kiyoktoi, ak okwek maotik; amu kagoruokyi Jehovah inendet amu okwek.

NG'ANG'UTYET 21:3

Ak kiagas kutit ne o komong’une ng’echeretab laitornatet kole, Ogeero, mi emaitab Jehovah ak bik, ak kotebyei koboto ichek, ak koek ichek bikyik, ak kotebyei Jehovah inendet ak ichek, ak koek Jehovah nenywa:

NG'ANG'UTYET 4:1

Kingobata tuguchu, ageer, ogeero, kiyatak kurget eng’ kipsengwet, ak kutit ne bo tai ne kiagas ko ki u ne bo iriaget, ne king’alalwa kole, Togosu oli, si aborun tuguk che tun biitu eng’ let matiny.

NG'ANG'UTYET 4:4

Ak kiyiem ng’echeranato bo laitornatet, ng’echerok tiptemu ak ang’wan che bo laitornatet: ak kitebe boisiek tiptemu ak ang’wan ng’echerochoto, kolaachi ngoroik che leelachen; ak kotinyei eng’ metowekwak kutonok che bo tahabu.

NG'ANG'UTYET 5:13

Ak kiagas kit age tugul ne kigiyai ne mi kipsengwet, ak ne mi ng’ony, ak ne mi kureretab ng’ony, ak eng’ nyanjet, ak tuguk tugul che mi orinywa, kolen, Ingobunji inendet ne tebe ng’echeretab laitornatet, ak Aruanato, kaberuret, ak teegisto, ak torornatet, ak bounatet, koigeny ak koigeny.

NG'ANG'UTYET 7:15

Mi anyun ichek taitab ng’echeretab laitornatet ne bo Jehovah; ak koboisiechin inendet bet ak kemoi eng’ hekalunnyi: ak koiito inendet ne tebe ng’echeretab laitornatet emainnyi eng’ baragunywa.

NG'ANG'UTYET 7:9

Kingobata tuguchu, ageer, ogeero, tuiyet ne o, ne kima komuchi chi koiit, che bunu bororiet age tugul, ak oret age tugul ak bik ak kutuswek, kotonondos eng’ taitab ng’echeretab laitornatet ak eng’ taitab Aruet, kolaachi ngoroik che leelach, ak kotinyei temenikab sosik eng’ eunekwak;