NG'ANG'UTYET 13:2 - BUKUIT NE TILIL

² Ak ki u tiondo ne kiageer cheblanget, ak ki u kelyekyik kelyekab tiondo ne u keerit, ak ki u kutinnyi kutitab ng’etundo: ak kiigochi maswetit inendet kamugennyi, ak ng’echerennyi ne bo laitornatet, ak kimnatet ne o.

Bukuit Ne Tilil

² Ak ki uu tyondo ne ki ageer cheplanget, ak ki uu keelyekyik keelyegap magalaluut, ak ki uu kutinnyi kutitap ng'etundo: ak ki igoochi maswetit ineendet kamugennyi, ak ng'echerennyi ne po laitornatet, ak kimnateet ne oo.

BUKUIT NE TILIIL Sireet ne Dutero Kanon

² Ak ki uu tyondo ne ki ageer cheplanget, ak ki uu keelyekyik keelyegap magalaluut, ak ki uu kutinnyi kutitap ng'etundo: ak ki igoochi maswetit ineendet kamugennyi, ak ng'echerennyi ne po laitornatet, ak kimnateet ne oo.

NG'ANG'UTYET 13:2 ပူးပေါင်းရင်းမြစ်များ

2 LAITORINIK 2:24

Ak kigusgong’ ak kogeer ichek, ak kochub ichek eng’ kainetab Jehovah. Ak kimong’ kogonik aeng’ che bo tiong’ik che kergei ak keerit eng’ osnet, ak koton artam ak aeng’ eng’ werjoto.

TIENWOGIKAL 22:21

Sorua eng’ kutitab ng’etundo; Ee, kaiwolwa eng’ kuinoikab soenik.

KALEWANAIK 17:12

Kaigai kotuiyo ak chi tiondo ne u keerit ne kagirebe arekyik, Kosiir ne berber eng’ berberindanyi.

KALEWANAIK 28:15

U ng’etundo ne boriseni ak tiondo ne u keerit ne ombenoti, Bounindet ne ya ne bou kibananok.

ISAIAH 5:29

u borisenenywa ne bo ng’etundo, borisendos ko u barnotikab ng’etunyik: ee, borisendos, ak konam luulenik, ak komut kochamegei, ama biitu chi ne soru.

JEREMIA 13:23

Tos imuchi kowal Etiopindet iririondennyi, anan kowal cheblanget simormorindanyi? Ngo u noto, omuchi ak okwek oyai ne mie, che kionaite oyae yaitiet.

JEREMIA 5:6

Barei anyun ichek ng’etundo ne mong’une osnet, barei ichek suiyot ne bo ong’atet, sapchin cheblanget nganasokwak, kitonatoni age tugul ne mong’u eng’ oloto: amu chang’ bistaosiekwak, ak kigotesak kachuchugenywa bo ge.

HOSEA 11:10

Bendoti ichek kosuboti Jehovah, ne boriseni ko u ng’etundo: amu boriseni inendet, ak kobwa lagok kobotanionu kobunu cherongo.

AMOS 3:12

Mwaei anyun Kiptaiyat Jehovah ko u ni kole: Ko u ye soru mestowot kelyek aeng’ anan motwet ne bo itit eng’ kutitab ng’etundo; kisoru anyun ko u noto lagokab Israel che tebe Samaria eng’ luitab kit ne kilyeldoe, ak eng’ kiplusinik che bo aririt che bo itogut.

AMOS 5:19

ko u ye kamwee chito ng’etundo, ak kotuiye tiondo ne u keerit; anan kwo go ak kotiing’e eunnyi inat, ak kosus erenet inendet.

HABAKUK 1:8

Chepcheben kogeny mbartanyisiekwak kosiir cheblangok, ak ko koromen kosiir suik che bo koskoleny; ak kobortogei bikwak che lanyei mbartanyisiek: ee, bunu bichoto ole loo; tirirendos ko u kipsichit ne choktoi kowendi koamisiei.

2 TIMOTEO 4:17

Ago kitonon Kiptaiyat kobota, ak kogimita; si kobiit keamda eng’ ane ng’alek komie, ak si kogas Bororiosiek tugul: ak kigisorua eng’ kutitab ng’etundo.

1 PETERO 5:8

Oripge, oripse: amu wendoti bunyondeng’wong’ oindet, ko u ng’etundo ne boriseni, kocheng’ei ne amei:

NG'ANG'UTYET 12:13

Ak ye kingogeer maswetit kole kageturur konyo ng’ony, kous kwonyi kasichei werit.

NG'ANG'UTYET 12:15

Ak king’ut erenet beek eng’ kutinnyi che te ainet, kosube kwonyoto, kole si kobiit koib inendet ainonoto.

NG'ANG'UTYET 12:9

Ak kigiturur maswetinoto o konyo ng’ony, erenet ne bo keny, ne kiguure Oindet ak ko Setani, kaberberindetab ng’ony komugul; kigiturur konyo ng’ony, ak kigiturur malaikaisiekyik koboto inendet.

NG'ANG'UTYET 13:12

Ak koboisie kimnatet tugul ne bo tiondo ne bo tai eng’ tainnyi. Ak kogochi ng’ony ak che menyei ng’ony kolos tiondo ni ka bo tai, ne kigisoob ole kiga kikwer kome.

NG'ANG'UTYET 13:4

ak kiilos ichek maswetit, amu kiigochi kimnatennyi tiondo, ak kiilos ichek tiondo, komwa kole, Ng’o ne kergei ak tionyito; ak ng’o ne imuchi kobargei ak inendet?

NG'ANG'UTYET 16:10

Ak kirong’ji malaikaiyat ne bo mut tabennyi ng’echeretab laitornatet ne bo tiondo; ak koimenit bounatennyi; ak kinyei ng’elyebwekwak amu ng’wanindo,

NG'ANG'UTYET 17:12

Ak kuinoichoto taman che kegeer ko laitorinik taman che tom konam bounatet; ak konyoru kimnatet ko u laitorinik, koboto tiondo, eng’ boroindab sait agenge.

NG'ANG'UTYET 19:20

Ak kiginam tiondo, koboto maotiondonoto ki bo lembech ne kiyaei kaborunoik eng’ tainnyi, ne kiiberberi che kiga kinde berutietab tiondo, ak ichek che kiilosu kanamwennyi: kigiwirji choto tuwai kosoptos araraita ne bo mat ne lalei eng’ koik che laldos:

NG'ANG'UTYET 2:13

Angen ole imenye, ole mi ng’echeretab laitornatet ne bo Setani: ak iname kainennyu mising’, ama iesie kayanennyu, agot eng’ betusiekab Antipa baoriandennyu, nenyu ne bo iman, ne kigibar eng’ kwenung’wong’, ole menyei Setani.

NG'ANG'UTYET 20:2

Ak konam maswetit, erenet ne ki bo keny, ne inendet ko Oindet ak ko Setani, ak korat inendet kenyisiek elfut agenge,