NG'ANG'UTYET 12:4 - BUKUIT NE TILIL

⁴ Ak ichuuti katutiennyi kebeberta agenge eng’ somok ne bo kecheikab kipsengwet, ak kowirji ng’ony: ak kitonon maswetit eng’ taitab kwonyoto ne kimachei kosigis, kole si ye sigis, koam lakwet.

Bukuit Ne Tilil

⁴ Ak ichuuti katutyennyi kebeberta agenge eng' somok ne po kecheigap kipsengwet, ak kowiirchi ng'wony. Ki tonon maswetit eng' taitap kwonyooto ne kimachei kosigiis, kole si ye sigis, koam lakweet.

BUKUIT NE TILIIL Sireet ne Dutero Kanon

⁴ Ak ichuuti katutyennyi kebeberta agenge eng' somok ne po kecheigap kipsengwet, ak kowiirchi ng'wony. Ki tonon maswetit eng' taitap kwonyooto ne kimachei kosigiis, kole si ye sigis, koam lakweet.

NG'ANG'UTYET 12:4 ပူးပေါင်းရင်းမြစ်များ

KOMONG'U 1:16

kilenji, Ye osigisiechi kwonyik che bo Hebranik, ak ye ogeer lakwet ne kagisich; ngo ng’etet, obar; ago ngo chepto, obagakte kosob.

ISAIAH 27:1

Tun birei Jehovah eng’ betunoto eng’ rotwennyi ne bo chok ne korom ak ko o ak ko kim, tiondo ne bo beek ne u ting’ong’et, ne erenet ne chepcheb, ak tionyoto ne erenet ne taategei; ak kobar maswetit ne mi nyanjet.

JOHANA 8:44

O bo kwandang’wong’ oindet, ak ochame oyai magutikab kwandang’wong’. Ki rumindet koboch taunet, ama tononi eng’ imanit, amu mami imanit eng’ inendet. Ye mwaei lembech, komwaei agobo tugukyik: amu kiplembechwa inendet, ak kwanda ne bo noto.

1 PETERO 5:8

Oripge, oripse: amu wendoti bunyondeng’wong’ oindet, ko u ng’etundo ne boriseni, kocheng’ei ne amei:

NG'ANG'UTYET 12:7

Ak kibiit luget eng’ kipsengwet: kiwa Mikael koboto malaikaisiekyik kobargei ak maswetit; ak kiyai luget maswetinoto ak malaikaisiekyik;

NG'ANG'UTYET 12:9

Ak kigiturur maswetinoto o konyo ng’ony, erenet ne bo keny, ne kiguure Oindet ak ko Setani, kaberberindetab ng’ony komugul; kigiturur konyo ng’ony, ak kigiturur malaikaisiekyik koboto inendet.

NG'ANG'UTYET 13:2

Ak ki u tiondo ne kiageer cheblanget, ak ki u kelyekyik kelyekab tiondo ne u keerit, ak ki u kutinnyi kutitab ng’etundo: ak kiigochi maswetit inendet kamugennyi, ak ng’echerennyi ne bo laitornatet, ak kimnatet ne o.

NG'ANG'UTYET 13:4

ak kiilos ichek maswetit, amu kiigochi kimnatennyi tiondo, ak kiilos ichek tiondo, komwa kole, Ng’o ne kergei ak tionyito; ak ng’o ne imuchi kobargei ak inendet?

NG'ANG'UTYET 16:13

Ak kiageer tamirmirik somok che muruonen che u mororochik, komong’une kutitab maswetit, ak eng’ kutitab tiondo, ak eng’ kutitab maotiot ne bo lembech:

NG'ANG'UTYET 17:18

Ak kwonyi kegeere ko nganaset ne o, ne bou laitorinikab ng’ony.

NG'ANG'UTYET 20:2

Ak konam maswetit, erenet ne ki bo keny, ne inendet ko Oindet ak ko Setani, ak korat inendet kenyisiek elfut agenge,

NG'ANG'UTYET 8:10

Ak kiguut malaikaiyatab somok, ak kirorok kecheiyat ne o eng’ kipsengwet, kolalei ko u tait, ak kiibutyi kebeberta agenge eng’ somok ne bo ainosiek, ak kondametusiekab beek;

NG'ANG'UTYET 8:11

ak kigiguure kainetab kecheiyandanato Ng’wanindo: ak king’wanit kebeberta agenge eng’ somok ne bo beek, ak kibek bik che chang’ eng’ beechoto, amu kiga kiyai kong’wonegitu.

NG'ANG'UTYET 8:12

Ak kiguut malaikaiyatab ang’wan, ak kigikwer kebeberta agenge eng’ somok ne bo asista, ak kebeberta agenge eng’ somok ne bo arawet, ak kebeberta agenge eng’ somok ne bo kecheik; si koimenit kebeberta agenge eng’ somok ne bo tuguchoto, ama iluu betut eng’ kebeberta agenge eng’ somok, ak koigei noto agine kemout.

NG'ANG'UTYET 8:7

Ak kiguut malaikaiyat ne bo tai, ak kibiit koikab ropta ak mat, che burugotin ak korotik, ak kigiwirji ng’ony: ak kilal kebeberta agenge eng’ somok ne bo ng’ony, ak kilal kebeberta agenge eng’ somok ne bo ketik, ak kilalyo suswek tugul che tuonen.

NG'ANG'UTYET 8:8

Ak kiguut malaikaiyatab aeng’, ak kigiwirji nyanjet kit ne u tulwet ne o kolalei: ak kiek korotik kebeberta agenge eng’ somok ne bo nyanjet:

NG'ANG'UTYET 8:9

ak kime kebeberta agenge eng’ somok ne bo tiong’ik che kimi nyanjet, che kisoptos; ak kiging’em kebeberta agenge eng’ somok ne bo melisiek.

NG'ANG'UTYET 9:10

Ak kotinyei katutaik che u che bo melmelwek, ak utet; ak mi kimnatenywa katutaikwak ne inyalile bik eng’ arawek mut.

NG'ANG'UTYET 9:19

Amu mi kimnatetab mbartanyisiek kutuswekwak, ak katutaikwak, amu kergei katutaikwak ak erenok, ak kotinyei metowek; ak konyalilsie tuguchoto.