NG'ANG'UTYET 11:2 - BUKUIT NE TILIL

² Ago bagakte, amat ikwa seremut ne mitei hekalut sang’; amu kigigochi Bororiosiek: ak kotiechei eng’ kelyekwak nganaset ne tilil eng’ arawek artam ak aeng’.

Bukuit Ne Tilil

² Ago pagakte, amat ikwa seremut ne miitei Hekaluut saang'; amu ki kigoochi Pororyosyek: ak kotyechei eng' keelyekwak nganaseet ne tiliil eng' arawek artam ak aeng'.

BUKUIT NE TILIIL Sireet ne Dutero Kanon

² Ago pagakte, amat ikwa seremut ne miitei Hekaluut saang'; amu ki kigoochi Pororyosyek: ak kotyechei eng' keelyekwak nganaseet ne tiliil eng' arawek artam ak aeng'.

NG'ANG'UTYET 11:2 ပူးပေါင်းရင်းမြစ်များ

TIENWOGIKAL 79:1

Ee Kamuktaindet, kagomong’ji boroteng’ung’ bororiosiek; Kagomuruon hekalung’ung’ ne tilil; Kagoyai Jerusalem koegunot karurugutik.

ISAIAH 48:2

Amu mwaei kole ki bo nganaset ne tilil, ak kotiiegei Kamuktaindetab Israel: kainennyi ko Jehovah ne bo lugosiek.

ISAIAH 5:5

Ui anyun nguno; amwawok kit ne aitoi mbarennyu ne bo sabibuk: aistoi ng’otwennyi, si keam; abute irimennyi, si ketiech:

ISAIAH 52:1

Ng’eet, ng’eet, ilaach kimnateng’ung’, ee Sion; ilaach ngoroiguk che kororon, ee Jerusalem, nganaset ne tilil: amu koboch nguno ko ma kobwanjinin che ma kimuratan ak che ma tililen.

RIREKAB JEREMIA 1:10

Kogoiitochi bunyot eunnyi tugukyik tugul che koboiboitune: Amu kagogeer kole kogochut bororiosiek oldanyi ne tilil, Che kiing’at ile, amat kochut ichek tuiyeng’ung’.

EZEKIEL 4:6

Ak kogeny, ye kaiyai chuto kosulda, iru isieb komostab tai, ak iibe tengektab gotab Juda: betusiek artam, betut agenge ko bo kenyit agenge, kang’atin anyun ko u noto.

EZEKIEL 42:20

Kiikwa komoswek ang’wan: kigiyieme inatut, ne koindanyi ko ki kakwautik bogol mut, ak tebeesindanyi ko ki kakwautik bogol mut, si kobiit kooiyo komosta ne tilil ak komosta ne bo bik.

DANIEL 12:7

Agas chito ne kiilaachi ngoroikab katanit, ne kimi baragutab beekab ainonoto, ye kinamjin barak eunnyi ne bo tai, ak eunnyi ne bo katam, ak koyosio eng’ inendet ne sobei koigeny, kole kobunjin kenyit, ak kenyisiek ak kebebertab kenyit; ak ye tun kagoges ichek tonet ne tonatoni kimnatetab bik che tililen, kogesgei anyun tuguchuto tugul.

DANIEL 7:19

Yeityo amach anai kaguiyetab tiondo ne bo ang’wan, ne ki ter eng’ tiong’ichun tugul, ne kiimuisei mising’, ne ki bo kelekyik karik, ak ki bo siokyik sugunwet; ne kiam, ak kotonaton, ak kotiechatiech che king’et;

DANIEL 7:25

Ak komwa ng’alek che kirindoi Inendet ne Toror Mising’, ak koiim mising’ bik che tililen che bo Inendet ne Toror Mising’: ak kilen inendet kowal betusiek ak ng’atutik; ak kigochi koboi agoi kobek kenyit, ak kenyisiek, ak kebebertab kenyit.

DANIEL 8:10

Ak kieet mising’, kot koit ole mi lugetab kipsengwet; ak kiturur kuinonoto alak che bo luget koboto alak eng’ kecheik, ak kotiech.

DANIEL 8:13

Kiagas anyun inendet ne tilil kong’alali; ak kiteebe age ne tilil noto kang’alali, kolenji, Tebyei kot kotianit ng’ang’utiet agobo kagochinet ne kibeelei, ak bistoet ne ng’emisiei, si kigoito ole tilil koboto luget ketiechatiech?

DANIEL 8:14

Ak kilenja, kitilili ole tilil ko kagogesgei koskoleng’usiek ak karonusiek elfusiek aeng’ ak bogol somok.

KAITOSYEK 14:34

Oiboti tengekwogikwok kenyisiek artam ko u koitetab betusiek che kiotar eng’ segeetab emet, eng’ betusiechoto artam, ko betut age tugul ko kenyit, si kobiit onai ye aistoenok kayomisutiennyu.

MATAYO 27:53

ak ye kingo kagong’eet Jesu, komong’ bichoto agichek eng’ kererisiekwak komong’ji nganaset ne tilil, koborjigei che chang’.

MATAYO 4:5

Yeityo komut oindet inendet kwo nganaset ne tilil; kiimut kwo kimonjogut ne bo hekalut,

MATAYO 5:13

O munyukab ng’ony: ago ngo bet anyinyindab munyuk, ko ta kenyorundo ano anyinyindo? Koboch yoto ko ma kotilei kiy, ago ketumda ak kotiegat bik.

LUKA 21:24

Ak kobutyo ichek eng’ ng’atibindab rotwetab chok, ak kimut luulenik koba bororiosiek tugul: ak kotiech Bororiosiek Jerusalem, agoi kosulda betusiekab Bororiosiek.

HEBRANIK 10:29

obwatitoi ano okwek, ng’wanitu ne tia biret ne tun nyoljin kiruokyine inendet ne kigotiech Weritab Jehovah, ak koiit korotikab kayomiset, che kigitilile inendet, koek tuguk che ma tililen, ak kosas Tamirmirietab mieindo?

NG'ANG'UTYET 11:11

Ak ye kingobata betusiechoto somogu ak kebeberta kochut ichek kabusetab sobondo ne bunu Jehovah, ak kotononio eng’ kelyekwak; ak konam kaiyweisiet ne o ichek che kigeer.

NG'ANG'UTYET 11:3

Ak agochini baorinikyuk aeng’ komaoten betusiek elfut agenge bogol aeng’ ak tamanwogik lo, kolaachi kuniok.

NG'ANG'UTYET 12:6

Ak kimwei kwonyoto kwo surkwen, ole kiting’e komosta ne kiga kochopchi Jehovah, si kobiit kobai inendet eng’ oloto betusiek elfut agenge bogol aeng’ ak tamanwogik lo.

NG'ANG'UTYET 21:10

Ak kiimuta eng’ Tamirmiriet agoi tulwet ne o ak ko koi, ak kiiborua nganaset ne tilil Jerusalem, kochorugei eng’ kipsengwet kobunu Jehovah,

NG'ANG'UTYET 21:2

Ak kiageer nganaset ne tilil, Jerusalem ne leel, kochorugei eng’ kipsengwet kobunu Jehovah, ko kagechob ko u mureret ne kagelelesonjinechi manong’otiondennyi.

NG'ANG'UTYET 22:19

ak ngonem chi age tugul ng’alek eng’ bukuitab maoinatoni, konemu Jehovah kebebertanyi eng’ ketitab sobondo, ak eng’ nganaset ne tilil, che kigisirji bukuini.