NG'ANG'UTYET 11:19 - BUKUIT NE TILIL

¹⁹ Ak kigiyat hekalutab Jehovah eng’ kipsengwet; ak kitook eng’ hekalunnyi moingetab arorutiennyi; ak kibiit kalyelosiek, ak kutuswek, ak tulosiek, ak botanetab ng’ony, ak koik che eechen che bo ropta.

Bukuit Ne Tilil

¹⁹ Ak ki kiyaat hekaluutap Kamuktaindet eng' kipsengwet; ak ki took eng' hekalunnyi moingetap arorutyennyi; ak ki piit kalyelosyek, ak kutusweek, ak tuloosyek, ak potaneetap ng'wony, ak koik che eecheen che po ropta.

BUKUIT NE TILIIL Sireet ne Dutero Kanon

¹⁹ Ak ki kiyaat hekaluutap Kamuktaindet eng' kipsengwet; ak ki took eng' hekalunnyi moingetap arorutyennyi; ak ki piit kalyelosyek, ak kutusweek, ak tuloosyek, ak potaneetap ng'wony, ak koik che eecheen che po ropta.

NG'ANG'UTYET 11:19 ပူးပေါင်းရင်းမြစ်များ

TIENWOGIKAL 105:32

Kiigochi koik ne kata ropta, Ak mat ne liblibeni eng’ emenywa.

TIENWOGIKAL 18:12

Kibun bolikyik che tuuen kaluunet ne kimi tainnyi, Koikab ropta ak ng’etetiot.

ISAIAH 28:2

Ogeero, tinyei Kiptaiyat chito age ne nyigan ak ko kim; ko u usonetab roptab koik, usonet ne ng’emisiei, ko u usonetab beek che kimen, che ing’irtogei, wirjin ng’ony ko u noto eng’ eunnyi.

ISAIAH 29:6

Nyonjin Jehovah ne bo lugosiek inendet eng’ tulet, ak eng’ botanetab ng’ony, ak bolatet ne o, ak kipchurjuriet ak usonet ne o, ak liblibenetab mat ne beelsei.

ISAIAH 30:30

Ak koyai Jehovah kutinnyi ne bo torornatet kogasak, ak kobor eunnyi ne choru, eng’ nyitatetab nereknatennyi, ak liblibenetab mat ne beelsei, koboto cheet, ak usonet ne o, ak koikab ropta.

ISAIAH 32:19

Ago roboni koikab ropta kot kolul osnet; ak kolul nganaset tugul.

EZEKIEL 13:11

mwachi ichek che malse tartarichuto ilenji, Lulei: biitu ropta ne o; ak korobon koik che eechen che bo ropta; ak kobet usonet ne o inatunato.

EZEKIEL 13:13

Mwaei anyun Kiptaiyat Jehovah ko u ni kole: Abete inatunito eng’ usonet ne o eng’ neregekyuk che ng’wonen; ak kobiit ropta ne o eng’ neregekyuk, ak koik che eechen che bo ropta eng’ neregekyuk che ng’wonen, si kobiit koges.

EZEKIEL 38:22

Ak ager kong’ inendet eng’ koroito ak korotik; ak ayokyi inendet, koboto lugosiekyik, ak bikyik che chang’ che mi koboto inendet, ropta ne o, ak koik che eechen che bo ropta, ak mat, ak tuguk che laldos.

KAITOSYEK 10:33

Kitoi banda ne bo betusiek somok anyun ko kong’etye tulwetab Jehovah; ak kiindoe ichek moingetab arorutietab Jehovah bandab betusiek somok, kocheng’jinoti ole imuung’e.

KAITOSYEK 4:15

Ak ye kagoges Aron ak werikyik boisiet ne bo tugetab ole tilil, ak tuguk tugul che bo ole tilil, ye machei nganaset kotoi banda; kobwa anyun werikab Kohat koib; ago amat kotwa ole tilil, si mabek. Tuguchuto che laei werikab Kohat eng’ emait ne kituiyechin.

KAITOSYEK 4:5

Ye katoi bik banda, koba go Aron ak werikyik, kocher anyun anget ne kioiye got konyo ng’ony, ak kotuge anganato moingetab baornatet,

JOSHUA 10:11

Ak ye kingomwei eng’ taitab Israel, ye kichortaegei Bet-horon, kowir Jehovah ichek eng’ koik che eechen che bunu kipsengwet kot koit Aseka, ak kibek; ki chang’ che kibek eng’ koikab ropta kosiir che kibar lagokab Israel eng’ rotwetab chok.

NG'ANG'UTYET 11:13

Ak kibiit eng’ sainato botanet ne o ne bo emet, ak kilul kebeberta agenge eng’ taman ne bo nganaset; ak kigibar eng’ botanonato bik elfusiek tisab; ak kiarogenso che kiga ng’et, ak kiigochi torornatet Jehovah ne bo kipsengwet.

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

NG'ANG'UTYET 12:1

Ak kitook kaborunet ne o eng’ kipsengwet; kwondo ne kiilaachi asista, ak komi arawet keldebesaikyik ng’ony, ak kimi metinnyi kutwetab kecheik taman ak aeng’.

NG'ANG'UTYET 16:1

Ak kiagas kutit ne o kobunu hekalut, kolenjin malaikaisiechato tisab, Oba, orong’ji emet tabok tisab che bo neregekab Jehovah.

NG'ANG'UTYET 16:18

ak kibiit ilotik, ak kutuswek, ak tulosiek; ak kibiit botanet ne o ne bo ng’ony, ne kitomo kobiitu koboch ngobiit bik eng’ ng’ony, botanet ne o, ne kim kot.

NG'ANG'UTYET 16:21

Ak kororokyi bik koik che eechen che bo ropta che rorogu eng’ kipsengwet, che te nyigisindanywa talentait: ak kichub bik Jehovah amu koroitab koichato bo ropta; amu o mising’ koroitanyi.

NG'ANG'UTYET 19:11

Ak kiageer koyatak kipsengwet, ak ogeero, mbartanyit ne leel, ak inendet ne kitebe, ko kigiguure Ne Kiyani ak ko Iman; ak koruochi ak koyaei luget eng’ imanda.

NG'ANG'UTYET 4:1

Kingobata tuguchu, ageer, ogeero, kiyatak kurget eng’ kipsengwet, ak kutit ne bo tai ne kiagas ko ki u ne bo iriaget, ne king’alalwa kole, Togosu oli, si aborun tuguk che tun biitu eng’ let matiny.

NG'ANG'UTYET 4:5

Ak mong’une ng’echeranato kalyelet ak kutuswek ak tulosiek. Ak kilaldos taisiek tisabu che bo mastinwek eng’ taitab ng’echeranato bo laitornatet, choto ko Tamirmirik tisab che bo Jehovah;

NG'ANG'UTYET 7:15

Mi anyun ichek taitab ng’echeretab laitornatet ne bo Jehovah; ak koboisiechin inendet bet ak kemoi eng’ hekalunnyi: ak koiito inendet ne tebe ng’echeretab laitornatet emainnyi eng’ baragunywa.

NG'ANG'UTYET 8:5

Ak kiib malaikaiyat teronoto; ak konde matab kapkoros konyi, ak kowirji ng’ony: ak kibiit tulosiek, ak kutuswek ak kalyelosiek, ak botanetab ng’ony.

NG'ANG'UTYET 8:7

Ak kiguut malaikaiyat ne bo tai, ak kibiit koikab ropta ak mat, che burugotin ak korotik, ak kigiwirji ng’ony: ak kilal kebeberta agenge eng’ somok ne bo ng’ony, ak kilal kebeberta agenge eng’ somok ne bo ketik, ak kilalyo suswek tugul che tuonen.