NG'ANG'UTYET 11:18 - BUKUIT NE TILIL

¹⁸ Ak kinerekso bororiosiek, ak kinyo nereknateng’ung’, ak betut ne kiruokyine bik che kigobek, ak betut ne kigochine otwogiguk maotik melekwekwak, ak bik che tililen, ak ichek che iywei kaineng’ung’, che mengechen ak che eechen; ak keng’em ichek che ng’emei ng’ony.

Bukuit Ne Tilil

¹⁸ Ki nereekso pororyosyek, ak kagonyo nereeknateng'ung'. Kagoit peetuut ne kirwookyinee piik che ki kobek, ak peetuut ne kigoochinee otwogiguk maotik melekwek, ak piik che tiliileen ak icheek che iywei kaineng'ung', che mengeechen ak che eecheen; ak keng'em icheek che ng'emei ng'wony.”

BUKUIT NE TILIIL Sireet ne Dutero Kanon

¹⁸ Ki nereekso pororyosyek, ak kagonyo nereeknateng'ung'. Kagoit peetuut ne kirwookyinee piik che ki kobek, ak peetuut ne kigoochinee otwogiguk maotik melekwek, ak piik che tiliileen ak icheek che iywei kaineng'ung', che mengeechen ak che eecheen; ak keng'em icheek che ng'emei ng'wony.”

NG'ANG'UTYET 11:18 ပူးပေါင်းရင်းမြစ်များ

TIENWOGIKAL 103:11

Amu ko u ye toror kipsengwet eng’ ng’ony, Ko u noto rirenennyi eng’ ichek che iywei inendet.

TIENWOGIKAL 110:5

Kiptaiyat ne mi eung’ung’ ne bo tai. Ko tun tiechatiechi laitorinik eng’ betutab neregekyik.

TIENWOGIKAL 147:11

Baibai Jehovah eng’ ichek che iywei inendet, Eng’ icheget che imang’u rirenennyi.

TIENWOGIKAL 2:5

Ak kong’alalji anyun eng’ neregekyik, Ak konyalil ichek eng’ neregekyik che ng’wonen:

TIENWOGIKAL 85:9

Iman negite yetunennyi ichek che iywei inendet; Si komeny telunatet emennyo.

AMDOINDET 12:13

Kagesunetab tuguchu ni; kagogasak tugul: iywei Kamuktaindet ak irib ng’atutikyik; amu nyoljin chito boisionito tugul.

AMDOINDET 8:12

Agot ngo yai kiptengekyot yaitiet konyil bogol, ak kotesak betusiekyik, angen ui tugul ale, mieitu eng’ ichek che iywei Kamuktaindet, che iyweisiei eng’ tainnyi:

DANIEL 11:44

Ago iimi inendet ng’alek che bunu kong’asis ak che bunu murot ne bo katam: ak kwo eng’ neregek che ng’wonen che eechen kwo kong’emis ak kobar che chang’.

DANIEL 7:26

Ago kichobei kiruoget, ak kerebe bounatennyi, si koges ak kong’em agoi kagesunet.

DANIEL 8:25

Ak kogochi kaberberisiet konyor borotet eng’ ng’alsennyi; ak koeetgei eng’ muguleldanyi, ak kong’em che chang’ komi kalyenywa: ak koborie bounindetab bounik; ak ilei inegei ama twa chi.

MATAYO 5:12

Oboiboitu, ak ogasge mising’: amu o melektang’wong’ eng’ kipsengwet: amu kigiusaus ko u noto maotik che kiindounenok.

LUKA 1:50

Tebyei rirenennyi eng’ ibinwek agoi ibinwek Eng’ icheget che konyiti inendet.

HEBRANIK 9:27

Ak ko u ye kiging’at agobo bik kobek konyil agenge, ak ye ibata nito koek kiruoget;

NG'ANG'UTYET 10:7

ago eng’ betusiekab kutitab malaikaiyatab tisab, ye tun machei koguut, kogesgei ung’otietab Jehovah ko u logoiywek che miachen che kimwachi otwogikyik maotik.

NG'ANG'UTYET 11:2

Ago bagakte, amat ikwa seremut ne mitei hekalut sang’; amu kigigochi Bororiosiek: ak kotiechei eng’ kelyekwak nganaset ne tilil eng’ arawek artam ak aeng’.

NG'ANG'UTYET 13:10

Ngo luulis chi, keluulei inendet: ngo baris chi eng’ rotwetab chok, kobare inendet rotwetab chok matiny. Mi yu muitaet ak kayanetab bik che tililen.

NG'ANG'UTYET 13:16

Ak ng’atei tugul, che mengechen ak che eechen, ak magorek ak kibananok, ak che itiagotin ak che ratotin, kinde berutiet eng’ eunekwak che bo tai, anan ko eng’ togochjikwak;

NG'ANG'UTYET 14:10

koeei agine divaik che bo koromnatetab Jehovah, che kigichob ama kiburuch eng’ kikombetab nereknatennyi; ak kinyalili eng’ mat ak koik che laldos eng’ taitab malaikaisiek che tililen, ak eng’ taitab Aruet:

NG'ANG'UTYET 15:1

Ak kiageer kaborunet age eng’ kipsengwet, ne o ak ko bo kwong’et, malaikaisiek tisab che tinyei korotwek tisab che bo let, amu kigesune choto neregekab Jehovah.

NG'ANG'UTYET 15:7

Ak kiigochi age eng’ tiong’ik ang’wan che soptos malaikaisiek tisab tabok tisab che bo tahabu che nyiitotin neregekab Jehovah, inendet ne sobei koigeny ak koigeny.

NG'ANG'UTYET 18:6

Oweekyi inendet ko u ye kigoyai, ak oyaakyi inendet konyil aeng’ ko u boisionikyik; kikombet ne kiburuge, oburukyi inendet konyil aeng’.

NG'ANG'UTYET 19:15

Ak kimong’une kutinnyi rotwetab chok ne ng’atib, si kobiit kobire bororiosiek: ak koboi ichek eng’ kiroktab karnet: ak kotiech sabibuk eng’ ole kituisie che bo koromnatet ne bo neregekab Jehovah ne bo Kamuktaet.

NG'ANG'UTYET 19:18

si kobiit oam borwekab laitorinik, ak borwekab kiptainikab luget, ak borwekab bik che kimen, ak borwekab mbartanyisiek ak che bo che lanyei ichek, ak borwekab bik tugul, che itiagotin ak che ratotin, ak che mengechen ak che eechen.

NG'ANG'UTYET 19:5

Ak kimong’ kutit eng’ ng’echeretab laitornatet, kole, Olosu Jehovah nenyo, okwek tugul otwogikyik che oiywei inendet, che mengechen ak che eechen.

NG'ANG'UTYET 20:12

Ak kiageer che kigobek, che eechen ak che mengechen, kotonondos eng’ taitab ng’echeretab laitornatet; ak kigiyat bukuisiek: ak kigiyat bukuit age, noto ko bukuitab sobondo: ak kigiruokyi che kigobek eng’ tuguk che kiga kisirji bukuisiechoto, ko u boisionikwak.

NG'ANG'UTYET 20:15

Ak ngot kenyor chi age tugul ne kima kisirji bukuitab sobondo, kewirjin araraitab mat.

NG'ANG'UTYET 22:12

Ogeero, anyone achogu; ak aibu melektanyu si agochi chi age tugul ko u boisionikyik.