NG'ANG'UTYET 11:17 - BUKUIT NE TILIL

¹⁷ kole, Kimwaun kongoi, ee Kiptaiyat Jehovah, Kamuktaindet, ne imi ak kiimi; amu kainam kamuktaeng’ung’ ne o, ak ibou.

Bukuit Ne Tilil

¹⁷ kole, “Kimwaun kongoi, ee Kiptaiyat Kamuktaindet, Ne po Kamuktaet, ne imi ak ki imi; amu ka inam kamuktaeng'ung' ne oo, ak ibou.

BUKUIT NE TILIIL Sireet ne Dutero Kanon

¹⁷ kole, “Kimwaun kongoi, ee Kiptaiyat Kamuktaindet, Ne po Kamuktaet, ne imi ak ki imi; amu ka inam kamuktaeng'ung' ne oo, ak ibou.

NG'ANG'UTYET 11:17 ပူးပေါင်းရင်းမြစ်များ

TAUNET 17:1

Ak ye kingo bo Abram kenyisiek tamanwogik sogol ak sogol, komong’ji Jehovah Abram, ak kolenji, A Kamuktaindet ne bo Kamuktaet; wendote tainnyu, ak iegu ne igesunotgei.

TIENWOGIKAL 21:13

Tororitu, ee Jehovah, eng’ kimnateng’ung’; Si ketien kilosu kimnateng’ung’.

TIENWOGIKAL 57:11

Tororitu, ee Kamuktaindet, isiir kipsengwetisiek, Ingoeet teegistang’ung’ eng’ ng’ony komugul.

ISAIAH 52:10

Amu kigobarta Jehovah eunnyi ne tilil eng’ taitab bororiosiek tugul; ak keerei tabanwek tugul che bo ng’ony yetunetab Kamuktaindennyo.

DANIEL 2:23

Aweegun kongoi, ak alosun, ee inye, Kamuktaindetab kwanisiekyuk, ne kiigona ng’omnatet ak kamuget, ak kaiborun nguno kit ne kogimagenen: amu kaiboruech ng’olyotab laitoriat.

DANIEL 6:10

Ak kingonai Daniel kole kagosir laitoriat kainet ko u noto, eng’ sirutichoto, kwo gonnyi; (ki yatotin tirisiok eng’ gonnyi, che tokyingei Jerusalem;) ak kogutuny konyil somok eng’ betut, ak kosa, komwachi kongoi Kamuktaindennyi, ko u ye kocham koyaei.

MATAYO 11:25

Eng’ betusiechoto kowol Jesu kole, Amwaun kongoi, we Baba, Kiptaiyatab kipsengwet ak ng’ony, amu kiiung’e tuguchu che ng’omen ak che iguitos, ak kiing’ang’ji manyurunik:

LUKA 10:21

Eng’ sainato kobaibait Jesus eng’ Tamirmiriet ne Tilil, ak kole, Aweegun kongoi, ee Baba, Kiptaiyat ne bo kipsengwet ak ng’ony, amu kiiung’e tuguchu che ng’omen ak che ingen, ak kiing’ang’ji manyurunik: ee, Baba; amu kichamak ko u noto eng’ taing’ung’.

JOHANA 11:41

Koisto anyun koita. Ak kiyot met Jesu ak kole, Baba, amwaun kongoi ale kaigasa.

2 KORINTOEK 2:14

Ago kongoi eng’ Jehovah, ne imutatech kotugul kibelisie eng’ Kristo, ak kobortoi nyamdutietab naennyi eng’ achek eng’ komosta age tugul.

2 KORINTOEK 9:15

Kongoi eng’ Jehovah amu konunennyi ne ma mwaoksei.

1 TIMOTEO 1:12

Amwachini kongoi inendet, ne kiimuktawa, inendet Kristo Jesu Kiptaiyandennyo, amu kiita kole a chito ne kiyani, kondea boisiet;

NG'ANG'UTYET 1:4

Sirjin Johana kanisosiek tisab che mi Asia: Ingoteb mieindo kobotok, ak kalyet, che bunu inendet ne mi, ago kimi, ago tun nyonei; ak che bunu Tamirmirik tisab che mi taitab ng’echerennyi ne bo laitornatet;

NG'ANG'UTYET 1:8

Ane ko a Alpha ak ko a Omega, mwaei Kiptaiyat Jehovah, ne mi ago kimi ago tun nyonei, Kamuktaindet.

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

NG'ANG'UTYET 15:3

Ak kotieni ichek tiendab Musa otwogindetab Jehovah, ak tiendab Aruet, kolen, Eechen boisioniguk ak ko bo kwong’et, ee, Kiptaiyat Jehovah, Kamuktaindet; bo imanda ak ko bo iman ortinweguk, inye Laitoriatab bororiosiek.

NG'ANG'UTYET 16:14

amu choto ko tamirmirikab oik, che yaei kaborunoik; che bendi oldab laitorinikab ng’ony komugul, si koyum ichek koba lugetab betut ne o ne bo Jehovah, Kamuktaindet.

NG'ANG'UTYET 16:5

Ak kiagas malaikaiyat ne bo beek komwa kole, I bo imanda, inye ne imi, ak ko kiimi, Inye ne Tilil, amu kiiruoch ko u noto:

NG'ANG'UTYET 16:7

Ak kiagas kaptisisiet komwa kole, U noto, ee, Kiptaiyat Jehovah, Kamuktaindet, bo iman ak ko bo imanda kiruogutiguk.

NG'ANG'UTYET 18:8

Noto anyun itu korotwekyik eng’ betunak, meet, ak rirek, ak rubet; ak kebeel inendet eng’ mat kogesgei; amu kim Kiptaiyat Jehovah ne kiiruokyi inendet.

NG'ANG'UTYET 19:11

Ak kiageer koyatak kipsengwet, ak ogeero, mbartanyit ne leel, ak inendet ne kitebe, ko kigiguure Ne Kiyani ak ko Iman; ak koruochi ak koyaei luget eng’ imanda.

NG'ANG'UTYET 19:6

Ak kiagas kit ne u kutitab tuiyet ne o, ak ko u cheetab beek che chang’, ak ko u cheetab tulosiek che kimen, kole, Haleluya: amu laitorani Kiptaiyat Jehovah nenyo, Kamuktaindet.