NG'ANG'UTYET 11:12 - BUKUIT NE TILIL

¹² Ak kigas kutit ne o ne bunu kipsengwet kolenji ichek, Otogosu oli. Ak kitogosta koba kipsengwet eng’ boldet; ak kogeerot ichek bunikwak.

Bukuit Ne Tilil

¹² Ak ki kas kutit ne oo ne punu kipsengwet koleenji icheek, Otogosu oli. Ak kitogosta koba kipsengwet eng' pooldet; ak kogeerot icheek puunikwak.

BUKUIT NE TILIIL Sireet ne Dutero Kanon

¹² Ak ki kas kutit ne oo ne punu kipsengwet koleenji icheek, Otogosu oli. Ak kitogosta koba kipsengwet eng' pooldet; ak kogeerot icheek puunikwak.

NG'ANG'UTYET 11:12 ပူးပေါင်းရင်းမြစ်များ

2 LAITORINIK 2:1

Ak ye kimachei Jehovah komut Elija eng’ kipchurjuriet kwo kipsengwet, koba Elija ak Elisha eng’ Gilgal.

2 LAITORINIK 2:11

Ak ye kita kobendi, ak kong’alaloti, ogeero, karit ne bo mat, ak mbartanyisiek che bo mat, che kiibesio ichek tuwai; ak kiwa Elija kipsengwet eng’ kipchurjuriet.

2 LAITORINIK 2:5

Ak kibwa korik ole mi Elisha, werikab maotik che kimi Jeriko, ak kolenji inendet, Ingen ile imuti ra Jehovah kiptaiyandeng’ung’ si ma ko kiptaiyandeng’ung’? Ak kiwol kole, Ee, angen; osisye okwek.

2 LAITORINIK 2:7

Ak kiba murenik konomu che bo werikab maotik, ak kotononso eng’ ole loo kotokyigei ichek: ak kitononso ichek aeng’u eng’ ye negite Jordan.

TIENWOGIKAL 112:10

Keerei kiptengekyot, ak koarogen; Nyeei kelekyik, ak kochoot: Betei magetab kiptengeginik.

TIENWOGIKAL 15:1

Ng’o ne nyoljin kotebe gong’ung’ Jehovah! Ng’o ne tos meny tulweng’ung’ ne tilil?

TIENWOGIKAL 24:3

Ng’o ne togostoi tulwetab Jehovah? Ak ng’o ne tononi eng’ oldanyi ne tilil?

TIENWOGIKAL 86:17

Yaiywa kaborunet ne bo mieindo: Si kogeer che wecha ak kolilanso, Amu kaitoreta, inye Jehovah, ak kaigaigaa.

KOMONG'U 14:25

Ak kiichun kelyekab karisiekwak, kong’onng’onio, kot ko ye kikwerie, ko uuen: kot kole anyun Misrik, Ongemwee Israelik; amu yaei Jehovah luget agobo ichek, konyo kobarech achek Misrik.

ISAIAH 14:13

Ak kiimwa eng’ muguleldang’ung’ ile, Atogostoi kipsengwet, atorori ng’echerennyu ne bo laitornatet kosiir kecheikab Kamuktaindet; ak atebe tulwetab tuiyet, eng’ komoswek che looen che bo murot ne bo katam.

ISAIAH 40:31

ago nyoru kimnatet ne leel icheget che igeni Jehovah; togostoi kotirirendos ko u kipsichinik; ruaei, ama ng’etos; bendoti, ama nyaluldos.

ISAIAH 60:8

Ng’o chu ruaei ko u boldet, ak kotirirendos cheptugenik eng’ tirisiokwak?

MALAKI 3:18

Yeityo oweege ak obesie chito ne bo iman ak kiptengekyot, ak obesie inendet ne otei Kamuktaindet ak ne maotei.

LUKA 16:23

Ak ye kimi oldab che kigobek konyal barak, komi nyalilda ne o, kogeer Abraham komi ole loo, komi Lasaro tegennyi.

POISYONIGAP CHE KIYOKTOI 1:9

Ak ye kingo kagomwa tuguchuto, ye kita kogeerei kimut inendet kwo barak; ak kitaach boldet inendet ak kobetito eng’ tainywa.

1 THESSALONIKEK 4:17

ak achek anyun che kisoptosi, che ki ng’etunotin, keganabech koboto ichek eng’ bolik, ketuiye ak Kiptaiyat eng’ soet: ak ketebi anyun koboto Kiptaiyat koigeny.

NG'ANG'UTYET 12:5

Ak kisich lakwet ne werit, ne tun bou bororiosiek tugul eng’ koroktab karnet: ak kigimut lakwennyi kwo ole mi Jehovah, agoi ng’echerennyi ne bo laitornatet.

NG'ANG'UTYET 3:21

Inendet ne iterteri, kotun agochini kotebi kobota eng’ ng’echerennyu ne bo laitornatet, ko u ye kiaterter agane, ak ketebi ak Baba eng’ ng’echerennyi ne bo laitornatet.

NG'ANG'UTYET 4:1

Kingobata tuguchu, ageer, ogeero, kiyatak kurget eng’ kipsengwet, ak kutit ne bo tai ne kiagas ko ki u ne bo iriaget, ne king’alalwa kole, Togosu oli, si aborun tuguk che tun biitu eng’ let matiny.