NG'ANG'UTYET 1:8 - BUKUIT NE TILIL

⁸ Ane ko a Alpha ak ko a Omega, mwaei Kiptaiyat Jehovah, ne mi ago kimi ago tun nyonei, Kamuktaindet.

Bukuit Ne Tilil

⁸ “Anee ko aa Alpha ak ko aa Omega,” mwaei Kiptaiyat Kamuktaindet, Ne po Kamuktaet, ne mi ak ko ki mi ak ko tuun nyoonei.

BUKUIT NE TILIIL Sireet ne Dutero Kanon

⁸ “Anee ko aa Alpha ak ko aa Omega,” mwaei Kiptaiyat Kamuktaindet, Ne po Kamuktaet, ne mi ak ko ki mi ak ko tuun nyoonei.

NG'ANG'UTYET 1:8 ပူးပေါင်းရင်းမြစ်များ

TAUNET 17:1

Ak ye kingo bo Abram kenyisiek tamanwogik sogol ak sogol, komong’ji Jehovah Abram, ak kolenji, A Kamuktaindet ne bo Kamuktaet; wendote tainnyu, ak iegu ne igesunotgei.

TAUNET 28:3

Ingoberurin Kamuktaindet ne bo Kamuktaet, ak koyabin eng’ iyotet ak kobarain, si kobiit iegu tuiyetab bik che chang’;

TAUNET 35:11

Ak kilenji Kamuktaindet, A Kamuktaindet ne bo Kamuktaet: ii ak itesage; ak tun mong’unenen inye bororiet ak chang’indab bororiosiek, ak mong’une bortang’ung’ laitorinik;

TAUNET 43:14

ingorirenak Kamuktaindet ne bo Kamuktaet, eng’ taitab chichoto, si kobiit kotiakwok werit ne otupche nin linda, ak Benjamin. Ak ngo betena lagokyuk ko kagobetyo.

TAUNET 48:3

Ak kilenji Jakobo Josep, Kimong’ja Kamuktaindet ne bo Kamuktaet eng’ Lus eng’ emetab Kanan, ak kiiberura,

TAUNET 49:25

Agot eng’ Kamuktaindet ne bo kwandang’ung’, ne tun toretin, Ak eng’ Kamuktaindet ne tun iberurin, Eng’ berurwogik che bo barak kipsengwet, Ak berurwogik che mitune riret, Berurwogik che bo kinaik, ak che bo iyotet.

KOMONG'U 3:14

Ak kilenji Kamuktaindet Musa, ANENDET NE AMI: ak kile, Imwachini lagokab Israel ng’olyondoni, ilenjini, Kagoyokwa anyonjok inendet ne keguure AMI.

KOMONG'U 6:3

ak kiamong’ji Abraham, Isak ak Jakobo, ko a Kamuktaindet ne bo Kamuktaet, ago kima naa ichek eng’ kainennyu JEHOVAH.

ISAIAH 41:4

Ng’o ne kigobois ak koges, ne kuurei ibinwek koboch taunet? Ane Jehovah ne bo tai, ak ne bo let, a inendet.

ISAIAH 43:10

O baorinikyuk, mwaei Jehovah, ak otwogindennyu ne kialewen; si kobiit onai ak oyana, ak oguiye ole a inendet; mami Kamuktaindet age ne kisib keyai eng’ ane, ama kobiitu age eng’ let.

ISAIAH 44:6

Mwaei Jehovah, Laitoriatab Israel, ak ko katiagindennyi Jehovah ne bo lugosiek, ko u ni kole, A ne bo tai ak ne bo let; ama mi Kamuktaindet age kobatena.

ISAIAH 48:12

Oepcha it, ee Jakobo, ak Israel nenyu, ne kiaguur: a inendet; a ne bo tai, ak ko a ne bo let kogeny.

ISAIAH 9:6

Amu kagisikwech lakwet, kagigonech werit; ak ting’e inendet bounatet tigikyiennyi: ak kiguure kainennyi Kwong’utiet, Kiruogindet, Kamuktaindet ne bo Kamuktaet, Kwanda ne bo Koigeny, Bounindetab Kalyet.

KAITOSYEK 24:4

Kale inendet ne kasei ng’alekab Kamuktaindet, Ne keerei ng’ang’utietab Inendet ne bo Kamuktaet, Ak kobutyi ng’ony, ko kayatogis konyekyik:

2 KORINTOEK 6:18

Ak aegu Kwanda eng’ okwek, Ak oegu werik ak tibik eng’ ane, Mwaei Kiptaiyat ne bo Kamuktaet.

NG'ANG'UTYET 1:11

kole, Sirji bukuit tuguk che igeere, ak iyokyi kanisosiek tisab; iyokyi Epeso, ak Smurna, ak Pergamo, ak Tuatera, ak Sarde, ak Piladelpia, ak Laodikia.

NG'ANG'UTYET 1:17

Ak kingageer inendet, abutyi kelyekyik ko u chito ne kagome. Ak kiigonoora eunnyi ne bo tai, ak kole, Ameiywei; anendet ko a ne bo tai ak ne bo let,

NG'ANG'UTYET 1:4

Sirjin Johana kanisosiek tisab che mi Asia: Ingoteb mieindo kobotok, ak kalyet, che bunu inendet ne mi, ago kimi, ago tun nyonei; ak che bunu Tamirmirik tisab che mi taitab ng’echerennyi ne bo laitornatet;

NG'ANG'UTYET 11:17

kole, Kimwaun kongoi, ee Kiptaiyat Jehovah, Kamuktaindet, ne imi ak kiimi; amu kainam kamuktaeng’ung’ ne o, ak ibou.

NG'ANG'UTYET 15:3

Ak kotieni ichek tiendab Musa otwogindetab Jehovah, ak tiendab Aruet, kolen, Eechen boisioniguk ak ko bo kwong’et, ee, Kiptaiyat Jehovah, Kamuktaindet; bo imanda ak ko bo iman ortinweguk, inye Laitoriatab bororiosiek.

NG'ANG'UTYET 16:14

amu choto ko tamirmirikab oik, che yaei kaborunoik; che bendi oldab laitorinikab ng’ony komugul, si koyum ichek koba lugetab betut ne o ne bo Jehovah, Kamuktaindet.

NG'ANG'UTYET 16:7

Ak kiagas kaptisisiet komwa kole, U noto, ee, Kiptaiyat Jehovah, Kamuktaindet, bo iman ak ko bo imanda kiruogutiguk.

NG'ANG'UTYET 19:15

Ak kimong’une kutinnyi rotwetab chok ne ng’atib, si kobiit kobire bororiosiek: ak koboi ichek eng’ kiroktab karnet: ak kotiech sabibuk eng’ ole kituisie che bo koromnatet ne bo neregekab Jehovah ne bo Kamuktaet.

NG'ANG'UTYET 19:6

Ak kiagas kit ne u kutitab tuiyet ne o, ak ko u cheetab beek che chang’, ak ko u cheetab tulosiek che kimen, kole, Haleluya: amu laitorani Kiptaiyat Jehovah nenyo, Kamuktaindet.

NG'ANG'UTYET 2:8

Ak isirji malaikaiyatab kaniset ne mi Smurna, ilenji: Mwaei tuguchu inendet ne bo tai ak ko ne bo let, ne kime, ak kosob kogeny:

NG'ANG'UTYET 21:22

Ama ageer hekalut orit; amu Kiptaiyat Jehovah Kamuktaindet ak Aruet ko hekalunnyi.

NG'ANG'UTYET 21:6

Ak kolenja, Kagosulda. A Alpha ak ko a Omega, taunet ak kagesunet. Agochini buch inendet ne amei melelda che bo kondametutab beekab sobondo.

NG'ANG'UTYET 22:13

A Alpha ak ko a Omega, ne bo tai ak ne bo let, taunet, ak kagesunet.

NG'ANG'UTYET 4:8

Ak nyiitotin tiong’ichoto ang’wan soptos konyek, komoswek tugul ak orit, kotinyei age tugul kebebaik lo: ama imuunyi ichek bet ak kemoi, komwaei kolen, Tilil, tilil, tilil, Kiptaiyat Jehovah, Kamuktaindet, ne kimi ak komi ak kotun nyonei.