NG'ANG'UTYET 1:7 - BUKUIT NE TILIL

⁷ Ogeero, nyonei koboto bolik; ak tun keerei inendet konda age tugul, koboto ichek che kiga toor inendet; ak koteiyo bororiosiek tugul che bo ng’ony amu inendet. Ee, u noto, Amen.

Bukuit Ne Tilil

⁷ Ogeero! Nyoonei kobooto poolik; ak tuun keerei ineendet konda age tugul, kobooto icheek che kiga toor ineendet; ak koteiyo pororyosyek tugul che po ng'wony amu ineendet. Ee, uu nooto! Amen.

BUKUIT NE TILIIL Sireet ne Dutero Kanon

⁷ Ogeero! Nyoonei kobooto poolik; ak tuun keerei ineendet konda age tugul, kobooto icheek che kiga toor ineendet; ak koteiyo pororyosyek tugul che po ng'wony amu ineendet. Ee, uu nooto! Amen.

NG'ANG'UTYET 1:7 ပူးပေါင်းရင်းမြစ်များ

Kitabuutap JOB 33:26

Saei Kamuktaindet, ak kogasyi inendet; Kot konyo tainnyi eng’ boiboiyet: Ak koweekyi chito imandanyi.

TIENWOGIKAL 22:16

Amu kagoyiema sesenik: Ak kagogerja oret tuiyetab kiptengeginik; Katoor eunekyuk ak kelyekyuk.

TIENWOGIKAL 68:1

Ingong’eet Kamuktaindet, ingoiyesta bunikyik; Ak ingomwei eng’ tainnyi che wechei inendet.

TIENWOGIKAL 97:2

Yiemei inendet bolik ak mesundeito: Ole tebe ng’echerennyi ne bo bounatet ko imanda ak kiruoget.

ISAIAH 19:1

Lautietab Misri. Ogeero, lanyei Jehovah boldet ne chepcheb, ak nyonei agoi Misri: ak kiistoi kanamonikab Misri eng’ tainnyi, ak kochoot muguleldab Misri eng’ kwenunnyi.

DANIEL 7:13

Kiageer eng’ ng’ang’utikab kemoi, ogeero, kinyo eng’ bolikab kipsengwet, age ne kergei ak weritab chi, ak kinyo ole mi inendet ne bo keny, ak kigimut inendet korik taitab inendet ne bo keny.

NAHUM 1:3

Ma sib konerechi Jehovah, tinyei kamuget ne o, ama bagaktoi kiptengekyot age tugul: tinyei Jehovah orennyi eng’ kipchujuriet ak eng’ usonet ne o, ak bolik ko temburiekab kelyekyik.

SEKARIA 12:10

Ak arong’ji tamirmirietab mieindo ak ne bo somet gotab Daudi, ak bik che menyei Jerusalem, ak konyala ichek che kitoora: ak kotee agobo inendet ko u ye iteei chi agobo werinnyi ne kigii inegeik ak konyo ng’wanindo agobo inendet, ko u inendet ne mi eng’ ng’wanindo agobo taitanyi.

SEKARIA 12:11

Biitu eng’ betunoto kateeiyet ne o eng’ Jerusalem, ne u kateeiyetab Hadadrimon eng’ atebwetab Megidon.

KAITOSYEK 24:17

Ageere, ago ma nguno: Ageere, ago ma negit: Tun mong’une taboiyat Jakobo, Ak ng’eetei siaritab bounatet eng’ Israel, Ak kokwer luukwekab Moab koges, Ak kotui werik tugul che bo icheget che wasegei.

MATAYO 16:27

Amu tun nyonei Weritab chi eng’ lilindab Kwandanyi koboto malaikaisiekyik; ak koyaakyi anyun chi age tugul ko u boisionikyik.

MATAYO 16:28

Amwawok, iman, ale, Mi alak eng’ che tonondos eng’ yu, che machamjami meet matiny, kot kogeer konyonei Weritab chi eng’ bounatennyi.

MATAYO 24:30

ak kotook anyun eng’ kipsengwet kaborunetab Weritab chi: ak koteiyo anyun bororiosiek tugul che bo ng’ony, ak kogeer konyonei Weritab chi eng’ baragutab bolik che bo kipsengwet ak kimnatet ak lilindo ne o.

MATAYO 25:31

Ago ye nyo Weritab chi eng’ torornatennyi, koboto malaikaisiek tugul, kotebe anyun ng’echeretab torornatennyi:

MATAYO 26:64

Kolenji Jesu, Kaimwa: ago amwawok ale, Koboch nguno kotun ogeere Weritab chi kotebyei eng’ eutab tai ne bo kamuktaet, ak konyonei eng’ baragutab bolik che bo kipsengwet.

MARIKO 13:26

Eng’ sainoto kogeer anyun Weritab chi konyonei eng’ bolik koboto kimnatet ne o ak lilindo ne o.

MARIKO 14:62

Ak kile Jesu, A inendet: ak tun ogeere Weritab chi kotebyei eng’ eutab tai ne bo kamuktaet, konyonei eng’ bolik che bo kipsengwet.

LUKA 21:27

Ak eng’ betunoto kogeer anyun Weritab chi konyonei eng’ boldet koboto kimnatet ak lilindo ne o.

JOHANA 19:34

ago kitoore ng’otit karastanyi age eng’ askarik, ak ngunoto komong’ korotik ak beek.

JOHANA 19:37

Ak kogeny mwaei sirutiet age kole, Tun keerei ichek inendet ne kitoorei.

1 THESSALONIKEK 1:10

ak ogeni Werinnyi ne bunu kipsengwet, ne kiing’eet komong’ eng’ che kibek, inendet Jesu, ne soruech eng’ nereknatet ne nyonei.

1 THESSALONIKEK 4:17

ak achek anyun che kisoptosi, che ki ng’etunotin, keganabech koboto ichek eng’ bolik, ketuiye ak Kiptaiyat eng’ soet: ak ketebi anyun koboto Kiptaiyat koigeny.

HEBRANIK 10:29

obwatitoi ano okwek, ng’wanitu ne tia biret ne tun nyoljin kiruokyine inendet ne kigotiech Weritab Jehovah, ak koiit korotikab kayomiset, che kigitilile inendet, koek tuguk che ma tililen, ak kosas Tamirmirietab mieindo?

HEBRANIK 6:6

ak kochuchuigei anyun, ko ma imugaksei keweekyi ichek sigunet kogeny; amu igartatyingei kogeny Weritab Jehovah, ak kogochi inendet kalilanet ne toogu.

1 JOHANA 3:2

Chamanichu, ki lagokab Jehovah nguno, ak tomo keng’any kit ne tun ki u. Kingen kele, ye tun kaging’any inendet, kegergeitu ak inendet; amu tun kigeere ko u ole u inendet.

JUDA 1:14

Ak kimaoten Enok agine, chito ne bo tisab koboch Adam, koamdochi bichu kole, Ogeero, kinyo Kiptaiyat koboto bikyik che tililen elfusiek ng’isiat,

NG'ANG'UTYET 22:20

Mwaei inendet ne baorianjin tuguchu kole, Ee: anyone achogu. Amen: nyo, Kiptaiyat Jesu.

NG'ANG'UTYET 22:4

ak keerei togennyi; ak mi kainennyi togochikwak.

KIRUOGIK 5:31

Ingobetyo anyun buniguk tugul, ee Jehovah: Ago ingoigei che chamei inendet asista, ye choru eng’ kimnatennyi. Ak kiimuuny emet eng’ kenyisiek artam.