NG'ANG'UTYET 1:6 - BUKUIT NE TILIL

⁶ ak koyaech keegu bororiet, ak keegu tisiik eng’ Jehovah nenyi, ak ko Kwanda; nenyi torornatet ak kimnatet koigeny ak koigeny. Amen.

Bukuit Ne Tilil

⁶ ak koyaech keegu laitornatet, tisiik che poisyechin Kamuktaindet nenyi ak ko Kwanda; nenyi toroonatet ak kimnateet koigeny ak koigeny. Amen.

BUKUIT NE TILIIL Sireet ne Dutero Kanon

⁶ ak koyaech keegu laitornatet, tisiik che poisyechin Kamuktaindet nenyi ak ko Kwanda; nenyi toroonatet ak kimnateet koigeny ak koigeny. Amen.

NG'ANG'UTYET 1:6 ပူးပေါင်းရင်းမြစ်များ

KOMONG'U 19:6

ak oegu eng’ ane bororietab tisiik, ak bororiet ne itabanat. Chuto ng’alek che iwendi imwachini lagokab Israel.

ISAIAH 61:6

Ago kiguurenok tisiikab Jehovah: kuurenok bik kiboitinikab Kamuktaindennyo: oame magornatosiekab bororiosiek, ak olosunege torornatenywa.

DANIEL 4:34

Ak kingogesgei betusiechoto anyal ane Nebukadnesar kipsengwet, ak koweekyagei naennyu, ak kiaweekyi kongoi Inendet ne Toror Mising, ak alosu ak agonyit inendet ne sobei koigeny; amu bounatennyi ko bounatet ne bo koigeny, ak ko bo laitornatennyi ibinwek tugul:

DANIEL 7:14

Ak kigigochi inendet bounatet, ak torornatet, ak laitornatet, si koot inendet bik tugul, bororiosiek tugul, ak che bo kutuswek tugul: bounatennyi ko bounatetab koigeny, ne ma igesugei, ak ma tun king’emei laitornatennyi.

MATAYO 6:13

Amemutech ole mi yomset, ago soruech eng’ ne ya. [Amu neng’ung’ bounatet, ak kamuktaet, ak torornatet, agoi koigeny. Amen.]

JOHANA 5:23

si kobiit koteech tugul Werit, ko u ye teechei Kwanda. Inendet ne mateechei Werit ko mateechei Kwanda ne kiiyok inendet.

ROMANIK 11:36

Amu bou inendet, ak kobunu inendet, ak koweekyingei inendet, tuguk tugul. Bunjin inendet torornatget koigeny. Amen.

ROMANIK 15:6

si kobiit otoror Jehovah inendet Kwandab Kiptaiyandennyo Jesu Kristo eng’ maget agenge ak kutit agenge.

PILIPIK 2:11

si kong’any ng’elyepta age tugul kole Jesu Kristo ko Kiptaiyat, agoi torornatetab Jehovah Kwanda.

1 TIMOTEO 6:16

ne tinyei inegei sobondab koigeny, ne menyei eng’ lapkeiyet ne magimuchi kerikyi; ne tomo kogeer chi, ama imuchi kogeer: ingobunji inendet teegisto ak kamuktaet koigeny. Amen

HEBRANIK 13:21

oegu che o chobotin eng’ boisiet age tugul ne mie si oyai magennyi, koyai eng’ ichek che chamaksei mising’ eng’ tainnyi, eng’ Jesu Kristo; ne nenyi torornatet koigeny ak koigeny. Amen.

1 PETERO 4:11

ngo ng’alali chi, kong’alal ko u arorutikab Jehovah; ngo boisiei chi, kobois eng’ kimnatet ne igochin Jehovah: si kobiit kitoror Jehovah eng’ tuguk tugul eng’ Jesu Kristo, ne nenyi torornatet ak kimnatet koigeny ak koigeny. Amen.

1 PETERO 5:11

Nenyi kimnatet koigeny ak koigeny. Amen.

2 PETERO 3:18

Ago onerie eng’ mieindo ak naet ne bo Kiptaiyandennyo ak ko Yetindennyo Jesu Kristo. Nenyi torornatet nguno agoi koigeny. Amen.

JUDA 1:25

kobunji Jehovah ne inegei, ne Yetindennyo, eng’ Jesu Kristo Kiptaiyandennyo, torornatet, etunatet, bounatet ak kimnatet, koboch keny, ak nguno, ak agoi koigeny. Amen.

NG'ANG'UTYET 1:9

A Johana, tupcheng’wong’ ak ko a ne kiyamdoi tugul nyalilda ak bounatet ak muitaet eng’ Jesu, kiami emet ne kiikwen beek ne kiguure Patmo, agobo ng’olyotab Jehovah ak baornatetab Jesu.

NG'ANG'UTYET 20:6

Baibai ak ko tilil ne tinyei yamdaet eng’ ng’eetyet ne bo tai: mabou ichek meet ne bo aeng’; ago egu ichek tisiikab Jehovah ak ko bo Kristo, ak kolaitoran ak inendet kenyisiek elfut agenge.

NG'ANG'UTYET 4:11

Nyoljinin, Kiptaiyandennyo ak ko Jehovah nenyo, itaach torornatet ak teegisto ak kamuktaet: amu kiitau iyae tuguk tugul, ak kibiit amu mageng’ung’, ak kigiyai.

NG'ANG'UTYET 5:10

ak kiiyai ichek koek bororiet ak tisiik eng’ Jehovah nenyo; ak kobounisiei eng’ ng’ony.