NG'ANG'UTYET 1:5 - BUKUIT NE TILIL

⁵ ak che bunu Jesu Kristo ne baoriat ne bo iman, taita ne bo che kigobek, ak ko bounindetab laitorinikab ng’ony. Ingobunji inendet ne chamech, ne kiitiachech eng’ tengekwogikyok eng’ korotikyik;

Bukuit Ne Tilil

⁵ ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik,

BUKUIT NE TILIIL Sireet ne Dutero Kanon

⁵ ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik,

NG'ANG'UTYET 1:5 ပူးပေါင်းရင်းမြစ်များ

TIENWOGIKAL 51:2

Iundoena inne tengektanyu, Ak itilila eng’ ng’ogistanyu.

TIENWOGIKAL 72:11

Ee, ibutyin kelyekyik laitorinik tugul: Otei inendet bororiosiek tugul.

TIENWOGIKAL 89:27

Ayae inendet koek taitanyu, Koeet kosiir laitorinik tugul che bo ng’ony.

KALEWANAIK 14:5

Mamwaei lembech baoriat ne kiyani: Ago mwaei lembech baoriat ne ma bo iman.

ISAIAH 55:4

Ogeero, kiagoite inendet koek aboriat eng’ bororiosiek, koek kandoindet, ak ko ng’atindet ne bo bororiosiek.

DANIEL 2:2

King’at anyun laitoriat keguur bik che ng’omen che ng’orsei, ak ng’omotikab kecheik, ak bonik ak Kaldeik si komwachi laitoriat karuotitaosiekyik. Kibwa anyun go ak kotononso eng’ taitab laitoriat.

DANIEL 7:14

Ak kigigochi inendet bounatet, ak torornatet, ak laitornatet, si koot inendet bik tugul, bororiosiek tugul, ak che bo kutuswek tugul: bounatennyi ko bounatetab koigeny, ne ma igesugei, ak ma tun king’emei laitornatennyi.

ATEPTAP LAWIK 13:58

Ak ngo kogobagakta koroito ngoriet, ngo ne bo usisiek che kigitoor anan che kigimur, anan kiy age tugul ne bo magatet ne imwete, kemwet anyun ne bo aeng’, ak kotililit.

SEKARIA 13:1

Tun kiyatyin gotab Daudi ak bik che menyei Jerusalem, kondametutab beek eng’ betunoto, amu tengekto ak muruonindo.

MATAYO 20:28

agot ko u noto, kima nyo Weritab chi keboisiechi, ago si kobois inendet, ak kogoito sobondanyi koek kit ne kitiage che chang’.

MATAYO 28:18

Ak kinyonji Jesu ichek ak kong’alalji, kolenji, Kigegona kimnatet tugul eng’ kipsengwet ak ng’ony.

JOHANA 13:1

Ak ye kingo tom koit igortab paska, konai Jesu kole kagoit sainnyi ne wendi eng’ ng’ony kwo ole mi Kwanda, ko kagocham chechik che mi ng’ony, kocham anyun agoi betutab let.

JOHANA 13:34

Agonok ng’atutiet ne leel, ale, ochamnye; ko u ye kiachamak, ochamnye ak okwek.

JOHANA 15:9

Ko u ye kichama Kwanda, ko u noto kiachamak agane: otebi eng’ chamnyennyu.

JOHANA 18:37

Kolenji anyun Pilato inendet, Ara, i laitoriat so? Kowol Jesu kole, Imwae ile a laitoriat. Kigisicha amu nito, ak kianyo ng’ony amu nito, si kobiit abaorianji imanit. Kasei kutinnyu chi age tugul ne bo imanit.

JOHANA 3:11

Amwaun, iman, iman, ale, Kimwae ne kingen, ak kebaorianjini ne kagegeer; amotaache baornatennyo.

JOHANA 3:16

Amu kicham Jehovah ng’ony mising, kot kogoito Werinnyi ne kigii inegei, si malus age tugul ne iyani inendet, ago si konyor sobondab koigeny.

JOHANA 3:32

Baorianjin inendet kit ne kigogeer ak ne kigogas; ama mi chi ne taachei baornatennyi.

POISYONIGAP CHE KIYOKTOI 20:28

Oripge anyun okweget, koboto akwet tugul, ne kigonok Tamirmiriet ne Tilil oegu ribik, obai kanisetab Jehovah, ne kiale korotikyik.

POISYONIGAP CHE KIYOKTOI 26:23

kole kanyol konyalil Kristo, ak kole komwaita korok eng’ ng’eetyetab che kibek, lapkeiyet, komwachi bik ak Bororiosiek.

ROMANIK 3:25

ne kiinde Jehovah koek kaptisisio eng’ kayanet, eng’ korotikyik, si kobarta imandanyi, amu kachundaetab tengekwogik che kigisib keyai, eng’ muitaetab Jehovah;

ROMANIK 8:37

Ago, ki katerterik kot kosiir eng’ tuguchu tugul eng’ inendet ne kichamech.

1 KORINTOEK 6:11

Ak ki u choto alak eng’ okwek: ago kigiunok, ago kigitabanak, ago kigiityok imanda eng’ kainetab Kiptaiyat Jesu Kristo, ak eng’ Tamirmirietab Jehovah nenyo.

GALATYEK 2:20

Kigigartata koboto Kristo; ago asobe; ago ma ko ane, ago sobei Kristo eng’ ane: ak sobondo ne asobe nguno eng’ borto asobe eng’ kayanet ne mitei eng’ Weritab Jehovah, ne kichama, ak kiigoitogei agobo ane.

EPESOEK 2:4

ago Jehovah, ne magoriot eng’ rirenetab ge, eng’ chamnyennyi ne o ne kichamenech,

EPESOEK 5:2

ak obendate chamnyet, ko u ye kichamak Kristo agine, ak kogoitogei agobo achek, koek kagochinet ak tiseiywot eng’ Jehovah ne ng’uu ne nyamdut.

NG'ATUTIK 18:2

Ak manyoru borotet eng’ tupchosiekwak: borotenywa Jehovah, ko u ye kimwachi.

NG'ATUTIK 23:5

Ago kima kasyi Jehovah Kamuktaindeng’ung’ Balaam; ago kiiweech Jehovah Kamuktiandeng’ung’ chubisiet koek kaberuret, amu kichamin Jehovah Kamuktaindeng’ung’.

NG'ATUTIK 7:8

ago amu kichamak Jehovah, ak kimach korib kayosiet ne kiiyosiechi kwanisiekwok, kiimoong’wok anyun Jehovah eng’ eut ne kim, kotiachak eng’ gotab otwognatet, eng’ eutab Parao, laitoriatab Misri.

KOLOSAIK 1:18

Ak inendet metitab borto, noto kaniset: inendet taunet, taunindetab che kimong’ eng’ che kibek; si kobiit koek ne o eng’ tuguk tugul.

1 TIMOTEO 6:13

Kang’atin anyun eng’ taitab Jehovah, ne ribei tuguk tugul kosopcho, ak eng’ taitab Kristo Jesu, ne kibaorian ng’ang’et ne mie eng’ taitab Pontio Pilato;

1 TIMOTEO 6:15

ne tun ibortoi eng’ betusiekyik, ne inendet ne iberurot ak ko Kamuktaindet inegei, Laitoriat ne bo laitorinik, ak Kiptaiyat ne bo kiptainik;

HEBRANIK 10:29

obwatitoi ano okwek, ng’wanitu ne tia biret ne tun nyoljin kiruokyine inendet ne kigotiech Weritab Jehovah, ak koiit korotikab kayomiset, che kigitilile inendet, koek tuguk che ma tililen, ak kosas Tamirmirietab mieindo?

HEBRANIK 9:14

kotilili anyun ne tia korotikab Kristo, ne kiigochigei Jehovah eng’ Tamirmiriet ne bo koigeny, ko matinyei berut, kotilil kabwateng’wong’ eng’ boisiosiek che meiyotin si oboisiechi Jehovah ne sobei!

1 PETERO 1:19

ago eng’ korotik che bo kamanutiet ne o, ko u che bo aruet ne matinyei berut ak ne matinyei tisia, choto ko korotikab Kristo:

1 JOHANA 1:7

ago ngot kebendote lapkeiyet, ko u ye mi inendet eng’ lapkeiyet, keting’ege yamdaet, ak kotililech korotikab Jesu Werinnyi eng’ tengekwogikyok tugul.

1 JOHANA 4:10

Nito chamnyet, ma kele kigicham Jehovah, ago kichamech inendet, ak koyok Werinnyi koek tiseiywot agobo tengekwogikyok.

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

NG'ANG'UTYET 11:3

Ak agochini baorinikyuk aeng’ komaoten betusiek elfut agenge bogol aeng’ ak tamanwogik lo, kolaachi kuniok.

NG'ANG'UTYET 17:14

Baregei chuto ak Aruet ak koterter Aruet ichek, amu inendet ko Kiptaiyatab kiptainik, ak ko Laitoriatab laitorinik; ak icheget che mi koboto inendet, che kigiguur ak che kigilewen ak che kiyani.

NG'ANG'UTYET 19:11

Ak kiageer koyatak kipsengwet, ak ogeero, mbartanyit ne leel, ak inendet ne kitebe, ko kigiguure Ne Kiyani ak ko Iman; ak koruochi ak koyaei luget eng’ imanda.

NG'ANG'UTYET 19:16

Ak kotinyei eng’ ngoriennyi ak eng’ kubestanyi kainet ne kigisir kole, LAITORIAT NE BO LAITORINIK, AK KIPTAIYAT NE BO KIPTAINIK.

NG'ANG'UTYET 2:13

Angen ole imenye, ole mi ng’echeretab laitornatet ne bo Setani: ak iname kainennyu mising’, ama iesie kayanennyu, agot eng’ betusiekab Antipa baoriandennyu, nenyu ne bo iman, ne kigibar eng’ kwenung’wong’, ole menyei Setani.

NG'ANG'UTYET 3:14

Ak isirji malaikaiyatab kaniset ne mi Laodikia, ilenji: Mwaei tuguchu inendet ne Amen, baoriat ne kiyani ak ko bo iman, taunetab yaetab Jehovah:

NG'ANG'UTYET 7:14

Ak kialenji inendet, Kiptaiyandennyu, ingen inye. Kolenja anyun, Chu ko ichek che bunu nyalilda ne o, ak kigomwet ngoroikwak koleelagitu eng’ korotikab Aruet.