NG'ANG'UTYET 1:20 - BUKUIT NE TILIL

²⁰ ung’otietab kecheik tisab che kegeer eng’ eunnyu ne bo tai, ak kelyek tisab che bo taisiek che bo tahabu. Kecheichoto tisab ko malaikaisiekab kanisosiek tisab: ak kelyechoto tisab bo taisiek ko kanisosiek tisab.

Bukuit Ne Tilil

²⁰ Ung'ootyetap kecheik tisap che kegeer eng' eunnyu ne po tai, ak keelyek tisap che po taisyek che po thahabu ko uu ni: kecheichooto tisap ko malaikaisyegap kanisosyek tisap: ak kelyechooto tisap po taisyek ko kanisosyek tisap.

BUKUIT NE TILIIL Sireet ne Dutero Kanon

²⁰ Ung'ootyetap kecheik tisap che kegeer eng' eunnyu ne po tai, ak keelyek tisap che po taisyek che po thahabu ko uu ni: kecheichooto tisap ko malaikaisyegap kanisosyek tisap: ak kelyechooto tisap po taisyek ko kanisosyek tisap.

NG'ANG'UTYET 1:20 ပူးပေါင်းရင်းမြစ်များ

KOMONG'U 25:37

Ak iyai taisiekyik koek tisab: ak konam taisiekyik, si kobiit kokweny ole mi.

KOMONG'U 37:23

Ak kiyai taisiekyik koek tisab, kiyae tahabu che tililen, koboto kanameiywondennyi, ak tabokyik che mengechen.

SEKARIA 4:2

Ak kilenja, Igeere nee? Ak kiale, Kaageer, ak keero, keldab tait ne bo tahabu tugul, kotinyei tabennyi eng’ baragunnyi, koboto taisiek tisab che bo keloto bo tait; kitinyei tait age tugul kirondoik tisab che mi baragunnyi:

MALAKI 2:7

Amu kanyo korib kutitab tisiindet naet, ak kocheng’ bik ng’atutiet eng’ ng’alekyik: amu inendet ko chito ne iyoktoi Jehovah ne bo lugosiek.

MATAYO 13:11

Ak kiwolji ichek kolenji, Kagegonok onai ung’otik che bo bounatetab kipsengwet, ago ma kigochi ichek.

LUKA 8:10

Ak kile, kagigonok okwek onai ung’otik che bo bounatetab Jehovah: ago kimwachin alak eng’ kalewenaik; si ye keertoi ko mageerei kiy, si ye kasei ko manaei.

ROMANIK 11:25

Amu mamache oegu che mongen ung’otioni, che kitupche, si moiityige ole o ng’omen eng’ loseng’wong’ bo ge, ale kanyonji Israel uuindo eng’ kebeber, agoi konyo nyiiet ne bo Bororiosiek;

NG'ANG'UTYET 1:11

kole, Sirji bukuit tuguk che igeere, ak iyokyi kanisosiek tisab; iyokyi Epeso, ak Smurna, ak Pergamo, ak Tuatera, ak Sarde, ak Piladelpia, ak Laodikia.

NG'ANG'UTYET 1:16

Ak kitinyei kecheik tisab eng’ eunnyi ne bo tai: ak kimong’une kutinnyi rotwetab chok ne ng’atiben komoswek tuwai: ak ki u togennyi asista ne iluu eng’ kimnatennyi.

NG'ANG'UTYET 1:4

Sirjin Johana kanisosiek tisab che mi Asia: Ingoteb mieindo kobotok, ak kalyet, che bunu inendet ne mi, ago kimi, ago tun nyonei; ak che bunu Tamirmirik tisab che mi taitab ng’echerennyi ne bo laitornatet;

NG'ANG'UTYET 17:5

ak kigisirji togennyi kainet kele, UNG’OTIET, BABULON NE O, KAMETAB CHEPKUGONIK AK NE BO TUGUK CHE KIWECHEI CHE BO NG’ONY.

NG'ANG'UTYET 17:7

Ak kilenja malaikaiyat, Kekwong’ amu nee? Amache amwaun ung’otietab kwonyito ak ne bo tiondo ne keseni inendet, ne tinyei metowek tisab ak kuinoik taman.

NG'ANG'UTYET 2:1

Sirji malaikaiyat ne bo kaniset ne mi Epeso, ilenji: Mwaei tuguchu inendet ne namei kecheik tisab eng’ eunnyi ne bo tai, inendet ne wendote kwenutab kelyek tisab che bo taisiek che bo tahabu:

NG'ANG'UTYET 2:12

Ak isirji malaikaiyatab kaniset ne mi Pergamo, ilenji: Mwaei tuguchu inendet ne tinyei rotwetab chok ne ng’atiben komoswek tuwai:

NG'ANG'UTYET 2:18

Ak isirji malaikaiyatab kaniset ne mi Tuatera, ilenji: Mwaei tuguchu Weritab Jehovah, ne tinyei konyek che u liblibenetab mat, ak ko u kelyekyik sugunwet ne sitat:

NG'ANG'UTYET 2:5

Ibwat anyun ole kiibute, ak isigu, ak iyai boisionik che bo tai; anan anyonjin, ak anemu keldab taing’ung’ eng’ komostanyi, ngot ko mesigu.

NG'ANG'UTYET 2:8

Ak isirji malaikaiyatab kaniset ne mi Smurna, ilenji: Mwaei tuguchu inendet ne bo tai ak ko ne bo let, ne kime, ak kosob kogeny:

NG'ANG'UTYET 3:1

Ak isirji malaikaiyatab kaniset ne mi Sarde, ilenji: Mwaei tuguchu inendet ne tinyei Tamirmirik tisab che bo Jehovah, ak kecheik tisab: Angen boisioniguk, ale itinye kainet kele isobe, ago kaimei.

NG'ANG'UTYET 3:14

Ak isirji malaikaiyatab kaniset ne mi Laodikia, ilenji: Mwaei tuguchu inendet ne Amen, baoriat ne kiyani ak ko bo iman, taunetab yaetab Jehovah:

NG'ANG'UTYET 3:7

Ak isirji malaikaiyatab kaniset ne mi eng’ Piladelpia, ilenji: Mwaei tuguchu inendet ne tilil, inendet ne bo iman, inendet ne tinyei yateiywotab Daudi, inendet ne yatei, ama kerei chi, ak ne kerei, ama yatei chi: