NG'ANG'UTYET 1:16 - BUKUIT NE TILIL

¹⁶ Ak kitinyei kecheik tisab eng’ eunnyi ne bo tai: ak kimong’une kutinnyi rotwetab chok ne ng’atiben komoswek tuwai: ak ki u togennyi asista ne iluu eng’ kimnatennyi.

Bukuit Ne Tilil

¹⁶ Ki tinyei kecheik tisap eng' eunnyi ne po tai, ak ki mang'une kutinnyi rotwetap chok ne ng'atiben komoswek tuwai. Ki uu togeennyi asiista ne iluu eng' kimnateennyi.

BUKUIT NE TILIIL Sireet ne Dutero Kanon

¹⁶ Ki tinyei kecheik tisap eng' eunnyi ne po tai, ak ki mang'une kutinnyi rotwetap chok ne ng'atiben komoswek tuwai. Ki uu togeennyi asiista ne iluu eng' kimnateennyi.

NG'ANG'UTYET 1:16 ပူးပေါင်းရင်းမြစ်များ

Kitabuutap JOB 38:7

Ye kitienso kecheikab karon kibagenge, Ak kowaach werik tugul che bo Kamuktaindet eng’ boiboiyet?

TIENWOGIKAL 45:3

Ee, rat rotweng’ung’ bo chok, inye ne kim, Koboto konding’ung’ ak etunateng’ung’.

TYENDO NE SIIREI TUGUL 6:10

Ng’o ne tobendoi ko u karonet, Ne kararan ko u arawet, Ne iluu ko u asista, Ne imuisei ko u luget ne tinye songolik?

ISAIAH 11:4

ago iruoksechin kibananok eng’ imanda, ak koger kong’ che taloen che bo ng’ony eng’ imanda: ak kobir ng’onyuni eng’ kiroktab kutinnyi, ak kobare kiptengeginik kabusennyi.

ISAIAH 24:23

Ak kotoptoben arawet, ak kolilan asista; amu laitorani Jehovah ne bo lugosiek eng’ tulwetab Sion, ak eng’ Jerusalem, ak eng’ taitab boisiekyik.

ISAIAH 49:2

ak kigoyai kutinnyu koigei rotwetab chok ne ng’atib, kiung’ena uruetab eunnyi; kigoyaa aek irumet ne kigisit, kigoung’ena motiennyi:

DANIEL 12:3

Ak koluu che ng’omen ko u kakweng’et ne bo barak; ak koluu koigeny ak koigeny ko u kecheik ichek che imutyin che chang’ imanda.

DANIEL 8:10

Ak kieet mising’, kot koit ole mi lugetab kipsengwet; ak kiturur kuinonoto alak che bo luget koboto alak eng’ kecheik, ak kotiech.

MALAKI 4:2

Ago okwek che oiywei kainennyu kochorjinok asista ne bo imanda ne ting’e kanyaiset kebebaikyik; ak omande, ourerenote ko u moek che kagiyat.

MATAYO 17:2

ak kiwalak eng’ tainywa: ak kiiluu togennyi ko u asista, ak kileelagitu ngoroikyik ko u lapkeiyet.

POISYONIGAP CHE KIYOKTOI 26:13

ageer lapkeiyet ne kibunu kipsengwet, ne siirei kaluunetab asista, koluucha komoswek tugul koboto che kigibendi tugul, eng’ oret bet kwen, ee, laitoriandani.

EPESOEK 6:17

Ak onam kutwetab yetunet, ak rotwetab chok ne bo Tamirmiriet, noto ng’olyotab Jehovah:

HEBRANIK 4:12

Amu sobei ng’olyotab Jehovah, ak ko kim, ak ko ng’atib kosiir rotwetab chok ne ng’atiben komoswek tuwai, ak kotoorei agoi kobesio sobondo ak tamirmiriet, ak ole tuiyechin kowek ak amset, ak chepcheb koguiyo kabwatutik ak magutikab muguleldo.

NG'ANG'UTYET 1:20

ung’otietab kecheik tisab che kegeer eng’ eunnyu ne bo tai, ak kelyek tisab che bo taisiek che bo tahabu. Kecheichoto tisab ko malaikaisiekab kanisosiek tisab: ak kelyechoto tisab bo taisiek ko kanisosiek tisab.

NG'ANG'UTYET 10:1

Ak kiageer malaikaiyat age ne kim kochorugei eng’ kipsengwet, kolaachi boldet; ak kimi chemng’isiriet metinnyi, ak ki u togennyi asista, ak ki u kelyekyik tolochikab mat;

NG'ANG'UTYET 12:1

Ak kitook kaborunet ne o eng’ kipsengwet; kwondo ne kiilaachi asista, ak komi arawet keldebesaikyik ng’ony, ak kimi metinnyi kutwetab kecheik taman ak aeng’.

NG'ANG'UTYET 19:15

Ak kimong’une kutinnyi rotwetab chok ne ng’atib, si kobiit kobire bororiosiek: ak koboi ichek eng’ kiroktab karnet: ak kotiech sabibuk eng’ ole kituisie che bo koromnatet ne bo neregekab Jehovah ne bo Kamuktaet.

NG'ANG'UTYET 19:21

ak kigibar ichek che king’et eng’ rotwetab chok ne kimong’une kutitab inendet ne kitebe mbartanyit, ak kibiyong’so taritik tugul eng’ borwekwak.

NG'ANG'UTYET 2:1

Sirji malaikaiyat ne bo kaniset ne mi Epeso, ilenji: Mwaei tuguchu inendet ne namei kecheik tisab eng’ eunnyi ne bo tai, inendet ne wendote kwenutab kelyek tisab che bo taisiek che bo tahabu:

NG'ANG'UTYET 2:12

Ak isirji malaikaiyatab kaniset ne mi Pergamo, ilenji: Mwaei tuguchu inendet ne tinyei rotwetab chok ne ng’atiben komoswek tuwai:

NG'ANG'UTYET 2:16

Sigu anyun; anan anyonjin achogu, ak anyo aborie ichek eng’ rotwetab chok ne bo kutinnyu.

NG'ANG'UTYET 3:1

Ak isirji malaikaiyatab kaniset ne mi Sarde, ilenji: Mwaei tuguchu inendet ne tinyei Tamirmirik tisab che bo Jehovah, ak kecheik tisab: Angen boisioniguk, ale itinye kainet kele isobe, ago kaimei.

KIRUOGIK 3:16

Kiitang’jigei Ehud rotwetab chok ne ng’atiben komoswek tuwai, ne aechin ak kakwautiet agenge ne bo eut; ak kiratyi kubestanyi ne bo tai kotaban ngoriennyi orit.

KIRUOGIK 5:31

Ingobetyo anyun buniguk tugul, ee Jehovah: Ago ingoigei che chamei inendet asista, ye choru eng’ kimnatennyi. Ak kiimuuny emet eng’ kenyisiek artam.