NEEMIA 9:6 - BUKUIT NE TILIL

⁶ I Jehovah, inye inyege; kiiyai kipsengwet, kipsengwet ne bo kipsengwetisiek, koboto tugukwak tugul, ak ng’ony ak tuguk tugul che mi oloto, nyanjosiek ak tuguk tugul che mitei, ak iribe tuguchoto tugul; ak kolosun luget tugul ne bo kipsengwet.

Bukuit Ne Tilil

⁶ Ii Kamuktaindet ne Toroor, inyee inyegei; ki iyai kipsengwet, kipsengwet ne po kipsengwet kobooto tuguukwak tugul, ng'wony ak tuguuk tugul che mi olooto, nyanjosyek ak tuguuk tugul che miitei, ak iriibe tuguuchooto tugul ak kolasun lugeet tugul ne po kipsengwet.

BUKUIT NE TILIIL Sireet ne Dutero Kanon

⁶ Ii Kamuktaindet ne Toroor, inyee inyegei; ki iyai kipsengwet, kipsengwet ne po kipsengwet kobooto tuguukwak tugul, ng'wony ak tuguuk tugul che mi olooto, nyanjosyek ak tuguuk tugul che miitei, ak iriibe tuguuchooto tugul ak kolasun lugeet tugul ne po kipsengwet.

NEEMIA 9:6 ပူးပေါင်းရင်းမြစ်များ

TAUNET 1:1

Eng’ taunet, ko kitoi Kamuktaindet koyai kipsengwetisiek ak ng’ony.

TAUNET 1:9

Ak kimwa Kamuktaindet kole, Ingoyumjigei beek yeto agenge che mi kureretab kipsengwetisiek, ak ingotook emet ne mami beek; ak kiyaak ko u noto.

TAUNET 2:1

Kigiges anyun yaetab kipsengwetisiek ak ng’ony ak chang’indanywa tugul.

TAUNET 32:2

Ak ye kingogeer Jakobo, kole, Lugetab Kamuktaindet ni: ak kiguure kainetab yoto Maanaim.

1 LAITORINIK 22:19

Ak kile Mikaia, Kas anyun ng’olyotab Jehovah; kiageer Jehovah kotebyei eng’ ng’echerennyi ne bo laitornatet, ak kitononi luget tugul ne bo kipsengwet eng’ eunnyi ne bo tai ak ne bo katam.

1 LAITORINIK 8:27

Ago tos meny Kamuktaindet ng’ony iman? Keero, mayamin kipsengwet itebe, anan ko kipsengwet ne bo kipsengwetisiek; ko ming’in ne tia anyun goi koateech!

2 LAITORINIK 19:15

Ak kisa Hesekia eng’ taitab Jehovah kole, Ee Jehovah, Kamuktaindetab Israel, ne tebe kerubisiek, i Kamuktaindet inye inyege, ne bo bounatosiek tugul che bo ng’ony; kiiyai kipsengwet ak ng’ony.

2 LAITORINIK 19:19

Ara anyun, ee Jehovah Kamuktaindennyo, asain ale soruech eng’ eunnyi, si konai bounatosiek tugul che bo ng’ony kole i Jehovah Kamuktaindet, inye inyege.

NEEMIA 9:5

Yeityo komwa Lawik, Jesua, Kadmiel, Bani, Hasabeneia, Serebia, Hodia, Sebania, ak Petaia, kole, Otononie ak olosu Jehovah Kamuktaindeng’wong’ koboch koigeny agoi koigeny. Ingoberurok kaineng’ung’ ne bo torornatet, ne itororot kosiir kaberuret tugul ak kalosunet.

TIENWOGIKAL 102:25

Kiiyai ole tonone ng’ony keny; Ak boisietab euneguk kipsengwetisiek.

TIENWOGIKAL 103:21

Olosu Jehovah, okwek lugosiekyik tugul, Okwek che o kiboitinikyik, che oyae magennyi.

TIENWOGIKAL 115:15

Oberurotin eng’ Jehovah, Ne kiyai kipsengwet ak ng’ony.

TIENWOGIKAL 124:8

Mitei toretennyo kainetab Jehovah, Ne kiyai kipsengwet ak ng’ony.

TIENWOGIKAL 146:6

Ne kiyai kipsengwet ak ng’ony, Nyanjet, ak tugul che mi oloto; Ne ribei imanda koigeny:

TIENWOGIKAL 24:10

Ng’o Laitoriandani bo teegisto? Jehovah ne bo lugosiek, Inendet Laitoriatab teegisto.

TIENWOGIKAL 33:6

Kigiyai kipsengwetisiek eng’ ng’olyotab Jehovah; Ak chang’indanywa tugul eng’ kabusetab kutinnyi.

TIENWOGIKAL 36:6

Kergei imandang’ung’ ak tulonokab Kamuktaindet; Riret ne o kiruogutiguk: Ee Jehovah, iribe chi ak tiony.

TIENWOGIKAL 86:10

Amu i o, ak iyae kwong’utik; I Kamuktaindet inyege.

ISAIAH 37:16

Ee Jehovah ne bo lugosiek, Kamuktaindetab Israel, ne tebe kerubisiek, i Kamuktaindet, inye inyege, ne bo bounatosiek tugul che bo ng’ony; kiiyai kipsengwet ak ng’ony.

ISAIAH 37:20

Ara anyun, ee Jehovah Kamuktaindennyo, soruech eng’ eunnyi, si konai bounatosiek tugul che bo ng’ony kole i Jehovah, inye inyege.

ISAIAH 43:10

O baorinikyuk, mwaei Jehovah, ak otwogindennyu ne kialewen; si kobiit onai ak oyana, ak oguiye ole a inendet; mami Kamuktaindet age ne kisib keyai eng’ ane, ama kobiitu age eng’ let.

ISAIAH 44:6

Mwaei Jehovah, Laitoriatab Israel, ak ko katiagindennyi Jehovah ne bo lugosiek, ko u ni kole, A ne bo tai ak ne bo let; ama mi Kamuktaindet age kobatena.

ISAIAH 44:8

Amoiywei, anan oarogense: tos ma amwaun nito keny, aborun? O baorinikyuk. Tos mi Kamuktaindet age kobatena? Ee, mamitei Ruandet; mangen age.

ISAIAH 45:12

Kiayae ng’ony, ak kiatau ayai chito kotebe oloto: ane, ee, eunekyuk, che kiito kipsengwetisiek, ak kiang’at lugosiekwak tugul.

JEREMIA 32:17

Ee Kiptaiyat Jehovah! Keero, kiiyai kipsengwet ak ng’ony eng’ kimnateng’ung’ ne o ak eng’ eung’ung’ ne chuulat; mami kiy age tugul ne temenen,

EZEKIEL 20:11

Ak kiagochi ichek ng’atutikyuk, ak aborji kiruogutikyuk, che ngo yai chi kosobei eng’ choto.

JONAH 1:9

Ak kilenji ichek, A Hebranindet, ak aiywei Jehovah, Kamuktaindetab kipsengwet, ne kiyai nyanjet ak emet.

JOHANA 10:30

Ane ak Kwanda, ko ki agenge.

POISYONIGAP CHE KIYOKTOI 4:24

Ak kingogas ichek komwachi Jehovah eng’ kutit ne o eng’ kabwatet agenge, kolenji, Ee Kiptaiyat, inye ne kiiyai kipsengwet ak ng’ony ak nyanjet, ak tugul che mi oloto:

NG'ATUTIK 10:14

Keero, bo Jehovah Kamuktaindeng’ung’ kipsengwet, ak kipsengwet ne bo kipsengwetisiek, ng’ony ak tugul che mitei.

NG'ATUTIK 32:39

Ogeer anyun nguno ole ane, ko a inendet iman, Mami cheptalelit, ami anege: Abare, ak asoobi; Kiaguoten, ak kianya: Ak mami ne imuchi kosor eng’ eunnyu.

NG'ATUTIK 6:4

Ogaso, ee Israel; agenge Jehovah Kamuktaindennyo:

HEBRANIK 1:3

inendet ko kakweng’etab lilindanyi, ak itondo ne bo indennyi, ak kotononi tuguk tugul eng’ ng’olyotab kamuktaennyi, kingo kagoyai kaundoetab tengekwogik, kwo kotebe eutab tai ne bo Etunatet eng’ barak;

HEBRANIK 1:6

Ak ye imut kogeny taita konyo ng’ony komwa kole, Ingolos inendet malaikaisiek tugul che bo Jehovah.

NG'ANG'UTYET 14:7

ak komwaei eng’ kutit ne o, kole, Oiywei Jehovah, ak ogochi torornatet; amu kagoit saitab kiruogennyi: ak olosu inendet ne kiyai kipsengwet ak ng’ony ak nyanjet ak kondametusiekab beek.

NG'ANG'UTYET 4:11

Nyoljinin, Kiptaiyandennyo ak ko Jehovah nenyo, itaach torornatet ak teegisto ak kamuktaet: amu kiitau iyae tuguk tugul, ak kibiit amu mageng’ung’, ak kigiyai.