NEEMIA 9:32 - BUKUIT NE TILIL

³² Ara anyun Kamuktaindennyo, ne o, ne bo kamuktaet, ak ko Kamuktaindet ne bo kamuiset, ne ribei arorutiet ak rirenetab ge, amat igeer ile kiy ne ming’in, ng’wanindo tugul ne kaityech, ak laitorinikyok, ak bounikyok, ak tisiikyok, ak maotikyok, ak kwanisiekyok, ak biguk tugul koboch eng’ betusiekab laitorinikab Asuria agoi rani.

Bukuit Ne Tilil

³² Ara anyun Kamuktaindennyo ne oo ne po kamuktaet, ak ko Kamuktaindet ne po kwong'eet, ne riibei arorutyet ak rireenetapkei, amat igeer ile kiy ne ming'in, ng'wanindo tugul ne kaityech ak laitorinikyok, pounikyok, tisiikyok, maotikyok, kwanisyekyok ak piiguk tugul kobooch eng' peetuusyegap laitorinigap Assyria agoi rani.

BUKUIT NE TILIIL Sireet ne Dutero Kanon

³² Ara anyun Kamuktaindennyo ne oo ne po kamuktaet, ak ko Kamuktaindet ne po kwong'eet, ne riibei arorutyet ak rireenetapkei, amat igeer ile kiy ne ming'in, ng'wanindo tugul ne kaityech ak laitorinikyok, pounikyok, tisiikyok, maotikyok, kwanisyekyok ak piiguk tugul kobooch eng' peetuusyegap laitorinigap Assyria agoi rani.

NEEMIA 9:32 ပူးပေါင်းရင်းမြစ်များ

1 LAITORINIK 8:23

ak kile, Ee Jehovah, Kamuktaindetab Israel, mami Kamuktaindet age ne u inye, eng’ barak kipsengwet, anan eng’ ng’ony orit; ne ribei kayomiset ak rirenet eng’ otwogiguk, che bendote taing’ung’ eng’ mugulelwekwak tugul:

2 LAITORINIK 15:19

Kiset Pul laitoriatab Asuria kolen kobar emet; ak kiigochi Menaem Pul talentaisiek elfut che bo feda, si kobiit kotoret Pul inendet kogimit laitornatet eng’ eunnyi.

2 LAITORINIK 15:29

Kinyo Tiglat-peleser laitoriatab Asuria eng’ betusiekab Peka laitoriatab Israel, ak kinam Ijon, ak Abel-bet-maaka, koboto Janoa, ak Kedes, ak Hasor, ak Gilead, ak Galili, emet tugul ne bo Naptali; ak kiluul ichek komut koba Asuria.

2 LAITORINIK 17:23

agoi kong’eeto Jehovah Israel eng’ tainnyi, ko u ye kimwa eng’ otwogikyik tugul, maotik. Kimut anyun Israel eng’ emenywa koba emetab Asuria, agoi ra.

2 LAITORINIK 17:3

Kitogos Salmaneser laitoriatab Asuria kobargei ak inendet; ak kiek Hosea otwogindennyi, ak kiipchi inendet kagochinoik.

2 LAITORINIK 17:6

Kinam laitoriatab Asuria Samaria, eng’ kenyitab sogol ne bo Hosea, ak komut Israel koba Asuria, ak kwo konde ichek Hala, ak Habor, eng’ ainetab Gosan, ak nganasokab Medek.

2 LAITORINIK 23:29

Kitogosta Parao-neko laitoriatab Misri eng’ betusiekab Josia kobokyi laitoriatab Asuria, eng’ ainetab Euprate: ak kwo laitoriat Josia kwo kobargei ak inendet; ak kibar laitoriandanato Josia eng’ Megido, ye kingogeer inendet.

2 LAITORINIK 25:7

Ak kibar werikab Sedekia kogeerei inendet, ak kobar konyekab Sedekia, ak korat inendet eng’ sirimwek, ak komut kwo Babulon.

EZRAH 4:10

ak bororiosiek alak che kiimutu Osnaper ne o ak ko toogunot, kolong’ kobwa nganasetab Samaria, ak emet ne mi ainet bitonin.

EZRAH 4:2

korikta anyun ole mi Serubabel, ak kandoikab gorikab kwanisiek, ak kolenji ichek, Ongeteech tugul: amu kicheng’e Kamuktaindeng’wong’, ko u okwek; ak keeng’jini inendet tiseiywek koboch betusiekab Esar-hadon laitoriatab Asuria ne kiimutwech kebwa olito.

EZRAH 9:13

Ak amu kigobwanjech choto tugul amu boisionikyok che yaach, ak ng’ogistanyo ne o, amu ma ibirech inye Kamuktaindennyo ko u ye yamegei ak tengekwogikyok, ak kiigonech chu ng’etunotin,

NEEMIA 1:5

ak ale, Asain, ee Jehovah, Kamuktaindetab kipsengwet, Kamuktaindet ne o ne bo kamuiset, ne ribei arorutiet ak rirenet eng’ icheget che chamei inendet, ak koribei ng’atutikyik:

TIENWOGIKAL 47:2

Amu bo kamuiset Jehovah ne Toror Mising’; Inendet ko Laitoriat ne o ne bou ng’ony komugul.

TIENWOGIKAL 66:3

Olenji Kamuktaindet, Bo kamuiset ne tia boisioniguk! Iming’injiningei buniguk amu etunatetab kimnateng’ung’.

TIENWOGIKAL 66:5

Obwa, ogeer boisionikab Kamuktaindet; Bo kamuiset boisionik che yachin inendet werikab bik.

KOMONG'U 18:8

Ak kimwachi Musa anyun kabyugoinnyi tuguk tugul che kigoyachi Jehovah Parao ak Misrik agobo Israel, ak nyalilwogik tugul che kiyor eng’ oret, ak ole kisorundo Jehovah ichek.

ISAIAH 9:6

Amu kagisikwech lakwet, kagigonech werit; ak ting’e inendet bounatet tigikyiennyi: ak kiguure kainennyi Kwong’utiet, Kiruogindet, Kamuktaindet ne bo Kamuktaet, Kwanda ne bo Koigeny, Bounindetab Kalyet.

DANIEL 9:4

Ak kiasa Jehovah Kamuktaindennyu, ak ang’ang’ji inendet ale, Ee Kiptaiyat, Kamuktaindet ne o ne kiywei, ne ribei kayomiset ak rirenet eng’ ichek che chamei inendet ak koribei ng’atutikyik;

DANIEL 9:6

ama kigas it otwogiguk maotik, che king’alalji eng’ kaineng’ung’ laitorinikyok, bounikyok ak kwanisiekyok, ak bik tugul che bo emet.

DANIEL 9:8

Ee Kiptaiyat, nenyo kalilanet, koboto laitorinikyok, bounikyok, ak kwanisiekyok, amu kigeyaun tengekto.

ATEPTAP LAWIK 26:18

Ak ngo mogasa it eng’ tuguchuto, abirok anyun konyil tisab kosiir, amu tengekwogikwok.

ATEPTAP LAWIK 26:21

Ak ngotila let, amogasa it, aibwok korotwek konyil tisab kosiir, ko u tengekwogikwok.

ATEPTAP LAWIK 26:24

atilok let anyun ak okwek; ak abirok anyun anendet konyil tisab amu tengekwogikwok.

ATEPTAP LAWIK 26:28

atilok let anyun eng’ bandanyu eng’ neregek che bichien, ak abirok agane konyil tisab amu tengekwogikwok.

NG'ATUTIK 7:12

Amu ye ogase kiruogutichu, ak oribe, ak oyae, korib anyun Jehovah Kamuktaindeng’ung’ kayomiset ak rirenet eng’ inye ne kiiyosiechi kwanisieguk;

NG'ATUTIK 7:13

ak kochamin, ak koberurin, ak kotesin: ak koberur iyoteng’ung’ ak ruratetab emeng’ung’, beguk ak beekab logoeguk, ak mwaniguk, ak bitatetab tuguk ak che bo kechireguk, eng’ emet ne kiiyosiechi kwanisieguk kole konin.

NG'ATUTIK 7:21

Amongomuok: amu mi Jehovah Kamuktaindeng’ung’ kwenung’ung’, Kamuktaindet ne o ne bo kamuiset.

NG'ATUTIK 7:9

Nai anyun ile Jehovah Kamuktaindeng’ung’, ko Kamuktaindet; Kamuktaindet ne bo imanda, ne ribei kayomisiet ak rirenet eng’ ichek che chamei inendet ak koribei ng’atutikyik agoi ibindab elfut;