NEEMIA 9:25 - BUKUIT NE TILIL

²⁵ Ak kinam nganasok che ng’ototin, ak emet ne akwai, ak konam gorik che nyiitotin tuguk tugul che miachen kobunji, ak keringonik che kigibal, mbarenikab sabibuk, ak mbarenikab emitik, ak ketik ng’isiat che bo logoek: kiam anyun ak kibiyong’so, ak kinerio, ak kiigasgei eng’ mieindang’ung’ ne o.

Bukuit Ne Tilil

²⁵ Ki nam `icheek nganasook che ng'ootaatiin, emet ne akwai, kooriik che nyiitootiin tuguuk tugul che myachen, ak keriingonik che ki kibal, mbareenigap sabibuk, mbareenigap mseituni ak keetiik ng'iisyat che po logoek. Ki am anyun ak kibiyong'so. Kineryo ak ki igaskei eng' myeeindong'ung' ne oo.

BUKUIT NE TILIIL Sireet ne Dutero Kanon

²⁵ Ki nam `icheek nganasook che ng'ootaatiin, emet ne akwai, kooriik che nyiitootiin tuguuk tugul che myachen, ak keriingonik che ki kibal, mbareenigap sabibuk, mbareenigap mseituni ak keetiik ng'iisyat che po logoek. Ki am anyun ak kibiyong'so. Kineryo ak ki igaskei eng' myeeindong'ung' ne oo.

NEEMIA 9:25 ပူးပေါင်းရင်းမြစ်များ

1 LAITORINIK 14:9

ago koiyai yaitiet kosiir bik tugul che kiindounenen, ak koiwe iyachige kanamonik, ak che kitanyi, itacha, ak iwirta awa let eng’ inye:

1 LAITORINIK 8:66

Kimwachi bik koba eng’ betutab sisiit, ak kiiberur ichek laitoriat, ak koba emaisiekwak koboiboen, kogasotegei eng’ mugulelwekwak amu mieindo tugul ne kiyachi Jehovah Daudi otwogindennyi, ak Israel bikyik.

NEEMIA 9:35

Amu ma otin eng’ bounatenywa, ak eng’ mieindang’ung’ ne o ne kiigochi, ak eng’ emet ne baraa ak ko akwai ne kiigochi eng’ tainywa, ama meto boisionikwak che yaachen.

TIENWOGIKAL 105:44

Ak kiigochi ichek emotinwekab bororiosiek; Ak kinam boisionikab bik kobunji:

TIENWOGIKAL 65:11

Inyiiti kenyit mieindang’ung’; Ak sau akwaiyet eng’ ortinweguk.

KALEWANAIK 30:9

Si mabiye ak aesien, ak ale, Ng’o Jehovah? Anan si maegu kibanania, ak achorse, Si mamwa kainetab Kamuktaindennyu eng’ tangoi.

ISAIAH 6:10

Yai mugulelwekab bichu konyigisitu, ak kotimogis itikwak, ak kogerogis konyekwak, si mageertoe konyekwak, ama kastoe itikwak, anan koguiyo eng’ mugulelwekwak, ak kowalogis, ak kisoob.

ISAIAH 63:7

Amwaitoi chamnyet ne tala ne bo Jehovah, ak kalosunoikab Jehovah, ko u tugul che kigogonech Jehovah; ak mieindo ne o eng’ gotab Israel, ne kigogochi ichek ko u rirenosiekyik, ak ko u chang’indab chamnyennyi ne tala.

JEREMIA 2:7

Ak kiamutwak obwa emet ne chang’ amitwogik, si kobiit oam logoekyik ak mieindanyi; ago kingoit emonoto, ong’wanit emennyu, ak oyai borotennyu koek kit ne kiwechei.

JEREMIA 31:14

Ak abae akwaindo sobonwekab tisiik kobiyong’so, ak kobiyo bikyuk mieindanyu, mwaei Jehovah.

JEREMIA 32:23

ak kibwa, konam kobunji; ago ma kas it kuting’ung’, ama isub ng’atutiguk; ma yai kiy age tugul eng’ choto tugul kiing’atyi ichek koyai: koigochi anyun yaitioni tugul konyonji ichek.

EZEKIEL 20:6

kiayogochi eunnyu ichek eng’ betunoto, amutu ichek komong’ eng’ emetab Misri kobwa emet ne kiamararji ichek, ne nyiitat chego ak kumik, ne torornatetab emotinwek tugul:

DANIEL 11:24

Ibokyin komoswek che akwaen che bo emet eng’ betusiekab kalyet; ak koyai kit ne kima yai kwanisiekyik, anan kwanisiekab kwanisiekyik; ak koseerji kwenunywa barunenik ak luulenik, ak tuguk: ee, chobei chobutikyik agobo irimoik, che bo betusiek che kiging’at.

HOSEA 13:6

Kibiyong’so ko u kit ne ki u ole kiagete; kibiyong’so, ak kiitororgei eng’ mugulelwekwak: kigoutiena anyun.

HOSEA 3:5

ye ibata koweek lagokab Israel, ak kocheng’ Jehovah Kamuktaindenywa, ak Daudi laitoriandenywa; ak kobwanji Jehovah ak mieindanyi eng’ kaiyweisiet eng’ betusiek che bo let.

ROMANIK 2:4

Anan isase magornatosiek che bo mieindanyi ak muitaennyi ak talasiennyi ama inai ile imutyinin sigunet mieindab Jehovah?

NG'ATUTIK 3:5

Kiging’ote nganasochuto tugul irimosiek che koen, ak kurgotik, ak temeleiywek; koboto nganasok che chang’ mising’ che kima king’ot.

NG'ATUTIK 32:13

Kiigochi kolany oldinwek che sutotin che bo ng’ony, Ak kiam ruratetab mbaret; Ak kiigochi kochuchun kumik eng’ ruandet, Ak mwanik eng’ ruandet ne uui;

NG'ATUTIK 32:14

Mwaitab chego ne bo akwet, ak chegab kechirek, koboto mwanikab arekab kechir, Ak mengichikab Basan, ak ng’ororek, Koboto mwanikab nganok che miachen: Ak kieei divaik, korotikab sabibuk.

NG'ATUTIK 32:15

Ago kiner Jesurun, ak kotiaris: Kainer, kainyigisitu, kaiakwaitu: Kibagakta anyun Kamuktaindet ne kiyai inendet, Ak kosas Ruandetab yetunennyi.