NEEMIA 9:16 - BUKUIT NE TILIL

¹⁶ Ago kiboisie ichek menotet koboto kwanisiekyok, ak kouuiit kaatinywa, ama kas it ng’atutiguk,

Bukuit Ne Tilil

¹⁶ Ago kiboisye icheek ak kwanisyekyok menoteet ak kouiit kaatinnywa ama kas iit ng'atuutiguk.

BUKUIT NE TILIIL Sireet ne Dutero Kanon

¹⁶ Ago kiboisye icheek ak kwanisyekyok menoteet ak kouiit kaatinnywa ama kas iit ng'atuutiguk.

NEEMIA 9:16 ပူးပေါင်းရင်းမြစ်များ

2 LAITORINIK 17:14

Ago ma cham kogas kora, ago kiiuuiit kaatwekwak ko u kaatwekab kwanisiekwak, che kima iyan Jehovah Kamuktaindenywa.

2 ATEPTAP PEETUUSYEK 29:6

Amu kigochiliil kwanisiekyok, ak koyai ne ya eng’ taitab Jehovah Kamuktaindennyo, ak kigometo inendet, ak kowelelgei kometo ole menyei Jehovah, ak kotuktochi batai.

2 ATEPTAP PEETUUSYEK 30:8

Amoegu anyun che uui kaat, ko u ye ki u kwanisiekwok; ago ogochige Jehovah, ak obe oldanyi ole tilil, ne kigotaban kobunji koigeny, ak oboisiechi Jehovah Kamuktaindeng’wong’, si koistoenogei neregekyik che koromen.

2 ATEPTAP PEETUUSYEK 36:13

Ak kiingelelji kogeny laitoriat Nebukadnesar, ne kiga birji koyosio eng’ Kamuktaindet: ago kiiuuiit kaatinnyi ak muguleldanyi, ma weekyigei Jehovah, Kamuktaindetab Israel.

NEEMIA 9:10

ak kiibarte kaborunoik ak kwong’utik eng’ Parao, ak otwogikyik tugul, ak bik tugul che bo emennyi; amu kiingen ile kiinyalil ichek eng’ menotet; ak kiigochige kainet ko u rani.

NEEMIA 9:29

ak ibaorianji ichek itigon, ile imutyi kogeny Ng’atutieng’ung’: ago kiboisie menotet, ama kas it ng’atutiguk, ago kiyai tengekto kongelelji kiruogutiguk (che ngot koyai chito kosobe choto), ak kilit olin, ak kouuiit kaatinywa, ama cham kogas.

TIENWOGIKAL 106:6

Kigechalwogense koboto kwanisiekyok, Kigeyai tengekto, kigeyai ne ya kot.

TIENWOGIKAL 81:8

Ogas, okwek bikyuk, si abaorianwok: Ee Israel, ndechame iepcha it!

KOMONG'U 15:26

ak kile, Ngot igas iman kutitab Jehovah Kamuktaindeng’ung’, ak iyai ne bo iman eng’ tainnyi, ak iepchji it ng’atutikyik, ak isub kotigonutikyik tugul, ko magonin mian age tugul, ne kiagochi Misrik: amu ane ko a Jehovah ne asoobin.

KOMONG'U 32:9

Ak kilenji Jehovah Musa, Koageer ale, uui kaat bichu:

KALEWANAIK 29:1

Inendet ne iuuiiti kaatinnyi, ko kageger kong’ konyil che chang’, Ko ng’emaksei eng’ chokyinet, ama mi kiy ne kinyae.

ISAIAH 48:18

Kita mie nda kigegas ng’atutikyuk! Kita igeitu kalyeng’ung’ ainet, ak koigei imandang’ung’ beekab nyanjet che mildogei:

ISAIAH 48:4

Amu kianai ale uuin met, bo karnet kaating’ung’, bo sugunwet togeng’ung’;

ISAIAH 63:10

Ago kiingelelso ak kogochi arogenet Tamirmiriennyi ne tilil: kigiwal anyun koek bunyondenywa, ak kobargei ak ichek.

JEREMIA 19:15

Mwaei Jehovah ne bo lugosiek, Kamuktaindetab Israel, ko u ni kole, Ogeero, aipchini nganasani ak nganasokyik tugul yaitiet tugul ne koamwa agobo nganasanito; amu koiuuiit kaatwekwak, si magas ng’alekyuk.

JEREMIA 2:31

Ee ibini, ogeer ng’olyotab Jehovah. Tos kiaegu emetab mesundeito ne o? Amu nee anyun si komwa bikyuk kole, Kigitiachech; ma kebwane kogeny ole imi?

JEREMIA 7:26

ago ma kasa, ama eb it, ago kiiuuiit kaatinywa: kiyai ne ya kosiir kwanisiekwak.

EZEKIEL 5:6

Ak kigongelelji kiruogutikyuk amu kiyai sogornatet kosiir bororiosiek alak, ak kongelelji ng’atutikyuk kosiir emotinwek che mi komoswekyik tugul: amu kigoesio kiruogutikyuk, ama bendate ichek ng’atutikyuk.

POISYONIGAP CHE KIYOKTOI 7:51

Okwek che uui kaat che ma kimuratan mugulelwek ak itik, ogirindoi Tamirmiriet ne Tilil kotugul: ko u ye kiyaei kwanisiekwok, oyae ak okwek ko u noto.

ROMANIK 2:5

Ago eng’ uuindang’ung’ ak muguleldang’ung’ ne matinyei sigunet, igonorjinige nereknatet kobunji betutab nereknatet ak ng’ang’utietab kiruoget ne bo imanda ne bo Jehovah;

NG'ATUTIK 31:27

Amu angen ngelelnateng’ung’, ak uuindab kaating’ung’: ogeero, kaongelelji Jehovah, kota asobe ami kobotok betuni; oyae anyun ne tia ye kaamei?

NG'ATUTIK 32:15

Ago kiner Jesurun, ak kotiaris: Kainer, kainyigisitu, kaiakwaitu: Kibagakta anyun Kamuktaindet ne kiyai inendet, Ak kosas Ruandetab yetunennyi.

NG'ATUTIK 5:29

Kata mie nda katinyei muguleldo ne u noto, si koiywea, ak korib kotugul ng’atutikyuk tugul, si komieit eng’ ichek, ak eng’ lagokwak agoi!

NG'ATUTIK 9:13

Ak king’alalwa Jehovah kogeny, kole, Kaageer bichu, keero, bik che uuen metowek:

NG'ATUTIK 9:27

Ibwat kiboitiniguk, Abraham, Isak, ak Jakobo; amat igeer uuindab met ne bo bichu, anan yaitienywa, anan tengektanywa:

NG'ATUTIK 9:6

Nai anyun ile, magonin Jehovah Kamuktaindeng’ung’ kobunjin emoni mie amu imandang’ung’; amu o bik che uuen metowek.

HEBRANIK 3:13

ago oteechige betut age tugul, eng’ ye ta kemwaei kele rani; si ma kiuuiit chi age tugul eng’ okwek amu kenisietab tengekto:

HEBRANIK 3:15

ye ta kemwaei kele, Ngot ogas kutinnyi rani, Ko mat ouuiit mugulelwekwok, ko u eng’ kaiimset.