NEEMIA 8:3 - BUKUIT NE TILIL

³ Ak kisoman Ng’atutichoto eng’ taitab komosta ne baraa ne kimitei taitab ormarichetab beek, koboch karon agoi bet kwen, eng’ taitab murenik ak kwonyik, koboto che kiimuchi koguiyo; ak kiepchi it anyun bik tugul bukuitab Ng’atutik.

Bukuit Ne Tilil

³ Kisoman ng'atuutichooto eng' taitap komosta ne paraa ne ki miitei taitap ormariichetap peek, kobooch karon agoi peet kween eng' taitap murenik ak kwonyiik, kobooto che ki imuuchi koguiyo. Ki epchi iit anyun piik tugul kitabuutap Ng'atuutik.

BUKUIT NE TILIIL Sireet ne Dutero Kanon

³ Kisoman ng'atuutichooto eng' taitap komosta ne paraa ne ki miitei taitap ormariichetap peek, kobooch karon agoi peet kween eng' taitap murenik ak kwonyiik, kobooto che ki imuuchi koguiyo. Ki epchi iit anyun piik tugul kitabuutap Ng'atuutik.

NEEMIA 8:3 ပူးပေါင်းရင်းမြစ်များ

NEEMIA 10:29

kinamegei ak tupchosiekwak, bikwak che toogunotin, ak kiiyosio eng’ chubisiet ak koyosiet, kole kobendate Ng’atutikab Kamuktaindet, che kigigon eng’ Musa otwogindetab Kamuktaindet, ak korib ak koyai kayomisutik tugul che bo Jehovah Kiptaiyandennyo, koboto kiruogutikyik ak kotigonutikyik;

NEEMIA 13:1

Kisoman eng’ betunoto bukuitab Musa kogas bik; ak kiginyor ng’alek che kigisir kele machutei Amonindet ak Moabindet tuiyetab Kamuktaindet koigeny;

NEEMIA 8:1

Ak kiiyumgei bik tugul ko u chichak eng’ komosta ne baraa ne kimi taitab ormarichetab beek; ak kilenji bichoto Esra sirindet koib bukuitab Ng’atutikab Musa, che kiga kong’atyi Jehovah Israel.

NEEMIA 8:18

Kisoman kogeny betut age tugul bukuit ne bo Ng’atutikab Kamuktaindet, koboch betut ne bo tai agoi betut ne bo let. Ak kiyai igorta betusiek tisab; ak eng’ betutab sisiit koyai tuiyetab kaming’inetab ge, ko u ye kiging’at.

NEEMIA 8:4

Ak kitonon Esra sirindet eng’ komosta ne kigiteege ketik kotororit, ne kiga kiyachi boisionoto; ak kitonondos eng’ ye negite inendet eng’ komostab eunnyi ne bo tai, Matitia, Sema, Anaia, Uria, Hilkia, ak Maaseia, ak kitonondos eng’ komostab eunnyi ne bo katam, Pedaia, Misael, Malkija, Hasum, Hasbadana, Sekaria, ak Mesulam.

NEEMIA 8:5

Ak king’any Esra bukuinoto eng’ taitab bik tugul; (amu kimi ye toror kosiir bik;) ak kingong’any bukuinoto kotononso bik tugul.

MARIKO 12:37

Kuure Daudi inendet Kiptaiyat; koegundoi ano anyun werinnyi? Ak kiepchin it tuiyet ne o inendet eng’ boiboindo.

LUKA 19:48

ak manyor kit ne kiimuchi koyai; amu kiepchin it bik tugul inendet mising’.

LUKA 8:18

Oripge anyun eng’ ole ogastoi: amu age tugul ne tinyei, ko tun kigochin; ak inendet ne matinyei, ko tun kirebe agot ne len tinyei.

POISYONIGAP CHE KIYOKTOI 13:15

Ak kingobata somanetab Ng’atutiet ak sirutikab maotik koyokto bounikab sunagogit bik koba ole mi ichek, kolenji, Che kitupche, ngotinye ng’olyo age tugul ne imuchi kotoret bichu, omwa.

POISYONIGAP CHE KIYOKTOI 13:27

Ichek che menyei Jerusalem, koboto bounikwak, amu kima nai inendet, anan kutuswekab maotik che kisomani eng’ sabato age tugul, kosuldae kutuswechuto kiruoget ne kiiruokyi inendet.

POISYONIGAP CHE KIYOKTOI 15:21

Amu kitinyei Musa koboch ibinwek che bo keny eng’ nganasok tugul, icheget che amdoi agobo inendet, che kisomani eng’ sunagogisiek eng’ sabato age tugul.

POISYONIGAP CHE KIYOKTOI 16:14

Ak kigasech kobogoriot age, ne kigiguure Ludia, aldaindetab ngoroik che arusen ne birir, ne bo nganaset ne kiguure Tuatera, ne kiilosu Jehovah: ne kiyat Kiptaiyat muguleldanyi, si koepchi it tuguk che kimwaei Paulo.

POISYONIGAP CHE KIYOKTOI 17:11

Ak ki miachen bichu kosiir choto bo Tesalonike, amu kitaach ng’olyot ak kocham mising’, kosiachi sirutik betut age tugul, si kobiit konai ngo iman tuguchu.

POISYONIGAP CHE KIYOKTOI 20:11

Ak kingotogosta, ak kobutul makatiat, ak koam, ak kong’alal keny koboto ichek, agoi koeech, kwo anyun.

POISYONIGAP CHE KIYOKTOI 20:7

Ak eng’ betutab tai ne bo wigit ye kiga kiyumge si kebutul makatiat, koamji Paulo ichek, ye kimachei kwo eng’ betut ne bo aeng’; kong’alal koek keny agoi kemoi kwen.

POISYONIGAP CHE KIYOKTOI 28:23

Ak ye kingo kagochob betut, kobwanji inendet che chang’ eng’ got ne kimenyei; ak kiiborsechi komie, kobaoriani agobo bounatetab Jehovah, ak kogiiljingei koneti ichek agobo Jesu, eng’ Ng’atutiet ne bo Musa, ak eng’ maotik, koboch karon agoi koimen.

NG'ATUTIK 31:9

Kisir anyun Musa ng’atutioni, ak kogochi tisiik werikab Lawik, che kiibei moinget ne bo arorutietab Jehovah, ak boisiek tugul che bo Israel.

1 THESSALONIKEK 2:13

Kimwachini anyun Jehovah kongoi, amu ng’olyondonito, ama kisistosi kele, ye kingotaach ng’olyot ne kiogasenech, noto ng’olyotab Jehovah, kiotaach, ma ko u ng’olyotab bik, ago ko u ye mi eng’ imanit, ng’olyotab Jehovah, noto agine ne boisiei eng’ okwek che oyani.

JOSHUA 8:35

Mami ng’olyo eng’ ng’alek tugul che king’at Musa ne ma soman Josua eng’ taitab tuiyet tugul ne bo Israel, komi kwonyik, ak lagok, ak toek che kimi kwenunywa.

NG'ANG'UTYET 2:29

Inendet ne tinyei itit, kogas kit ne mwachin Tamirmiriet kanisosiek.

NG'ANG'UTYET 3:22

Inendet ne tinyei itit, kogas kit ne mwachin Tamirmiriet kanisosiek.