NEEMIA 8:16 - BUKUIT NE TILIL

¹⁶ Koba anyun bik, koib tuguchoto, ak koteekyinegei keriosiek, kiteech chi age tugul baragutab gonnyi, ak eng’ seremusiekwak, ak eng’ seremusiekab gotab Kamuktaindet, ak eng’ komosta ne baraa eng’ ormarichetab beek, ak eng’ komosta ne baraa eng’ ormarichetab Epraim.

Bukuit Ne Tilil

¹⁶ Ki pa anyun piik, koip tuguuchooto ak koteekyinegei keryosyek, ki teech chii age tugul paragutap koonnyi, eng' seremusyekwak, eng' seremusyegap kootap Kamuktaindet, eng' komosta ne paraa eng' ormariichetap peek ak eng' komosta ne paraa eng' ormariichetap Ephraim.

BUKUIT NE TILIIL Sireet ne Dutero Kanon

¹⁶ Ki pa anyun piik, koip tuguuchooto ak koteekyinegei keryosyek, ki teech chii age tugul paragutap koonnyi, eng' seremusyekwak, eng' seremusyegap kootap Kamuktaindet, eng' komosta ne paraa eng' ormariichetap peek ak eng' komosta ne paraa eng' ormariichetap Ephraim.

NEEMIA 8:16 ပူးပေါင်းရင်းမြစ်များ

2 SAMUEL 11:2

Ak kingoit koskoleny, kong’eet Daudi eng’ itogunnyi, ak kowendote gotab laitoriat barak: ak kingomi barak, kogeer kwondo kounegei; ak ki kararan kot kwonyoto.

2 LAITORINIK 14:13

Ak kiimut Jeoas laitoriatab Israel Amasia laitoriatab Juda, weritab Jeoas weritab Aasia, eng’ Bet-semes, ak koit Jerusalem, ak kobut irimet ne bo Jerusalem koboch ormarichetab Epraim agoi ormarichetab luita, kakwautik bogol ang’wan che bo eut.

2 ATEPTAP PEETUUSYEK 20:5

Ak kitonon Jeosapat eng’ tuiyetab Juda ak ne bo Israel, eng’ gotab Jehovah, eng’ taitab seremut ne leel;

2 ATEPTAP PEETUUSYEK 33:5

Ak kiteekyi kapkorosusiek tuguk tugul che bo kipsengwet, eng’ seremusiechoto aeng’ che bo gotab Jehovah.

NEEMIA 12:37

ak kitogostae ye negite ormarichetab kondametut, ak koba banda ne litit, kobun long’eiywotab nganasetab Daudi, eng’ ye kitogostoe eng’ irimet, kosiir gotab Daudi, kot koit ormarichetab beek eng’ komostab kong’asis.

NEEMIA 12:39

ak kobun baragutab ormarichetab Epraim, ak ormarichet ne os, ak ormarichetab njirenik, ak teekset ne koi ne bo Hananel, ak teekset ne koi ne bo Hamea, agoi ormarichetab kechirek: ak kitononso ichek eng’ ormarichetab ribik.

NEEMIA 3:26

(Kimenyei Netinik Opel, agoi komosta ole tokyingei ormarichetab beek ole bo kong’asis, ak teekset ne koi ne kiichumda.)

NEEMIA 8:1

Ak kiiyumgei bik tugul ko u chichak eng’ komosta ne baraa ne kimi taitab ormarichetab beek; ak kilenji bichoto Esra sirindet koib bukuitab Ng’atutikab Musa, che kiga kong’atyi Jehovah Israel.

NEEMIA 8:3

Ak kisoman Ng’atutichoto eng’ taitab komosta ne baraa ne kimitei taitab ormarichetab beek, koboch karon agoi bet kwen, eng’ taitab murenik ak kwonyik, koboto che kiimuchi koguiyo; ak kiepchi it anyun bik tugul bukuitab Ng’atutik.

JEREMIA 19:13

ak kogergeit gorikab Jerusalem, ak gorikab laitorinikab Juda, che kiging’wanit, ak komostab Topet, gorik tuguk che kibeele ichek baragunywa nyamdutik kobeeljine tuguk tugul che bo kipsengwet, ak kigorong’ji kagochinoik che kieei, kanamonik che ter.

JEREMIA 32:29

ak kobwa Kaldeik che baregei ak nganasani, kobwa konaam nganasani, ak kobeel, koboto gorik, che kiigoitoe ichek nyamdutik che kibeelei, kogochin Baal eng’ baragutab gorichoto, ak korong’jin kanamonik che ter, kagochinoik che kieei, si kobiit kotacha anerech.

NG'ATUTIK 22:8

Ye iteech got ne leel, itegel got barak iyiem kotuiyo, si meipchi gong’ung’ korotik, ngo chirkwin chi eng’ oloto.