NEEMIA 6:10 - BUKUIT NE TILIL

¹⁰ Ak kiawe gotab Semaia weritab Delaia, weritab Meetabel, ne ki ratat, ak kile, Ongetuiyechi gotab Kamuktaindet, eng’ hekalut orit, ak ongeger kurgotikab hekalut: amu bwanei ichek kobarin, ee, bwanei kemoi kobarin.

Bukuit Ne Tilil

¹⁰ Eng' pesyo ko ki awe kootap Semaiah weeriitap Delaiah, weeriitap Mehetabel, ne ki rataat ak ki le, “Ongetuiyechi kootap Kamuktaindet, eng' Hekaluut oriit ak ongeger kurgotigap Hekaluut, amu pwoonei icheek kobarin, ee, pwoonei kemoi kobarin.”

BUKUIT NE TILIIL Sireet ne Dutero Kanon

¹⁰ Eng' pesyo ko ki awe kootap Semaiah weeriitap Delaiah, weeriitap Mehetabel, ne ki rataat ak ki le, “Ongetuiyechi kootap Kamuktaindet, eng' Hekaluut oriit ak ongeger kurgotigap Hekaluut, amu pwoonei icheek kobarin, ee, pwoonei kemoi kobarin.”

NEEMIA 6:10 ပူးပေါင်းရင်းမြစ်များ

TAUNET 36:39

Ak kime Baal-hanan weritab Akbor, ak kinam laitornatennyi Hadar: ak kainetab nganasennyi ko ki Pau; ak kainetab osotiondennyi ko ki Meetabel cheptab Matred, cheptab Me- sahab.

1 LAITORINIK 6:5

Ak kiteech gorik alak che mi barak eng’ got, koyiem inatutab got, konamatgei ak inatusiekab got eng’ komoswek tugul, eng’ hekalut ak got ne bo orit: ak kiteech gorik alak che mi got taban eng’ komoswek tugul:

2 LAITORINIK 11:3

Ak kitebi ak inendet, kounyegei eng’ gotab Jehovah kenyisiek lo: ak kilaitoran Atalia koboi emet.

2 LAITORINIK 9:8

Amu igesugei got komugul ne bo Ahab; ak abar werit age tugul ne bo Ahab, koboto inendet ne kerat ak inendet ne itiagat eng’ Israel.

2 ATEPTAP PEETUUSYEK 28:24

Ak kiiyum Ahas terenikab gotab Kamuktaindet, ak kotui terenichoto bo gotab Kamuktaindet, ak koger kurgotikab gotab Jehovah; ak kiyachigei kapkorosusiek eng’ luita age tugul ne bo Jerusalem.

2 ATEPTAP PEETUUSYEK 29:3

Kiyat kurgotikab gotab Jehovah, eng’ kenyit ne bo tai ne bo laitornatennyi, eng’ arawet ne bo tai, ak koteech kogeny ole kiga kobutok.

2 ATEPTAP PEETUUSYEK 29:7

Kigoger kurgotikab keterut, ak komis taisiek, mata kobeel nyamdutik anan kogoito tiseiywek che kibeelei eng’ ole tilil, kogochi Kamuktaindetab Israel.

EZRAH 10:31

Ak eng’ werikab Harim ko ki Elieser, Isija, Malkija, Semaia, Shimeon;

EZRAH 8:16

Kiayokte anyun keguur Elieser, Ariel, Semaia, Elnatan, Jarib, Elnatan, Natan, Sekaria, ak Mesulam, bik che eechen; ak kogeny Joiarib, ak Elnatan, che ki konetik.

NEEMIA 6:12

Ak kianai, ak ogeero, ma iyok inendet Kamuktaindet: ago kiyai maoinatoni kole kogirindaa: ak kiga kosir Tobia ak Sanbalat inendet si kogochi melekto.

TIENWOGIKAL 12:2

Ng’alaljingei tangoita, chi tugul ak chitab kokwennyi: Ng’alali chemwaikutnatet ak eng’ muguleldo ne besiot aeng’.

TIENWOGIKAL 37:12

Chobei kiptengekyot yaitiet agobo ne bo imanda, Ak susei kelek agobo inendet.

KALEWANAIK 11:9

Ng’emei eng’ kutinnyi, chito ne maiywei Kamuktaindet, chitab kokwennyi: Ago kisoru che bo iman eng’ naet.

JEREMIA 36:5

Ak king’at Jeremia Baruk, kolenji, A kerat; mamuchi awa gotab Jehovah:

EZEKIEL 3:24

Kichuta anyun tamirmiriet, ak konama atonon; ak king’alalwa, kolenja, Ui, kerjige gong’ung’.

MALAKI 1:10

Kata kaigai nda kami chi eng’ okwek ne kerei kurgotik, si molaal mat eng’ kaptisisiennyu buch! Maabaibai eng’ okwek, agot kitigin, mwaei Jehovah ne bo lugosiek, amataache kagochinet ne bunu eunekwok.

MATAYO 7:15

Oribege maotik che bo lembech, che bwanjinok eng’ ngoroik che bo kechirek, ago suik che amei bich.

JOHANA 3:20

Amu wechei lapkeiyet chi tugul ne yaei yaitio, ama nyonei inendet ole mi lapkeiyet, si mang’ang’ogis boisionikyik.

POISYONIGAP CHE KIYOKTOI 21:30

Kowasgei anyun nganaset komugul, ak kiruai bik kibagenge: ak konam Paulo, ak kochuut komong’ eng’ hekalut: ak kigiger kurgotik eng’ sainato.