NEEMIA 5:13 - BUKUIT NE TILIL

¹³ Kialeglekte kogeny ngoriennyu ale, Ingoleglekta ko u noto Kamuktaindet chi age tugul komong’ eng’ gonnyi ak eng’ boisiennyi, ne ma yai kayomisutioni; ingeleglekta ko u noto, kot ko ma kotinyei kiy. Ak kimwa bik tugul che bo tuiyet kole, Amen, ak kolos Jehovah. Ak kiyai bik ko u kayomisutioni.

Bukuit Ne Tilil

¹³ Ki aleglekte kogeny ngoryennyu ale, “Ingoleglekta ko uu nooto Kamuktaindet chii age tugul komong' eng' koonnyi ak eng' poisyennyi ne ma yai kayomisutyoni; ingeleglekta ko uu nooto kot koma kotinyei kiy.” Ak ki mwa piik tugul che po tuiyet kole, “Ee ingoyaak ko uu nooto,” ak kolas Kamuktaindet ne Toroor. Ak ki yai piik ko uu kayomisutyoni.

BUKUIT NE TILIIL Sireet ne Dutero Kanon

¹³ Ki aleglekte kogeny ngoryennyu ale, “Ingoleglekta ko uu nooto Kamuktaindet chii age tugul komong' eng' koonnyi ak eng' poisyennyi ne ma yai kayomisutyoni; ingeleglekta ko uu nooto kot koma kotinyei kiy.” Ak ki mwa piik tugul che po tuiyet kole, “Ee ingoyaak ko uu nooto,” ak kolas Kamuktaindet ne Toroor. Ak ki yai piik ko uu kayomisutyoni.

NEEMIA 5:13 ပူးပေါင်းရင်းမြစ်များ

2 LAITORINIK 23:3

Ak kitonon laitoriat eng’ ye bo toloita, ak koyai arorutiet eng’ taitab Jehovah, kosub Jehovah, ak korib ng’atutikyik, ak baornatosiekyik, ak kayomisutikyik, eng’ muguleldanyi tugul, ak sobondanyi tugul, kogimit ng’alekab arorutioni che kigisirji bukuini: ak kitononso bik tugul koyan arorutionoto.

1 ATEPTAP PEETUUSYEK 16:36

Iberurot Jehovah, Kamuktaindetab Israel, Koboch koigeny agoi koigeny. Ak kimwa bik tugul kole, Amen, ak kolos Jehovah.

NEEMIA 8:6

Ak kiilos Esra Jehovah, Kamuktaindet ne o; ak kiwol bik tugul kole, Amen, Amen, konamjin barak eunekwak: ak kiing’urukso, kot kotiing’e togochikwak ng’ony kolos Jehovah.

TIENWOGIKAL 119:106

Kiayosie, ak kiagimit noto, Ale asub kiruogutiguk che bo iman.

TIENWOGIKAL 50:14

Igochi Kamuktaindet korosiotab kongoi; Ak yaakyi Inendet ne Toror Mising’ arorutiguk:

TIENWOGIKAL 76:11

Oarorji Jehovah Kamuktaindeng’wong’, ak oyaakyi: Ingoipchi kagochinoik, icheget che mi ole negite inendet, inendet ne nyoljin kiywei.

KALEWANAIK 28:4

Ilosu bik che yaach icheget che metoi ng’atutik: Ago borie bichoto yaachen icheget che ribei ng’atutik.

AMDOINDET 5:5

Kaigai amearorte, kosiir iarorte amegoite.

KAITOSYEK 5:22

ak koba beechu ibu chubisiet agutaniguk, ak kobwa moeng’ung’, ak konun kubestang’ung’; ak kowol kobogoriondonoto, kole, Amen, Amen.

MATAYO 10:14

Ak age tugul ne mataachok, anan kogas ng’alekwok, ko ye omande eng’ goyoto anan nganasanato, olelekte temburiek eng’ kelyekwok.

POISYONIGAP CHE KIYOKTOI 13:51

Ago kilelekyi ichek temburiek che mi kelyekwak, ak kiit Ikonio.

POISYONIGAP CHE KIYOKTOI 18:6

Ak ye kingogirindagei ak inendet, ak komwa ng’alek kochubis, koleglekta ngoriennyi, ak kolenji, Ingotebi korotikwok eng’ metowekwok; a tilil ane: koboch nguno ko kawe oldab Bororiosiek.

1 KORINTOEK 14:16

Amu ngo ma u noto, ko ngiberuri eng’ tamirmiriet, komwaitoi ano Amen ye igoitoi kongoi, inendet ne tebe ole mi che ma inetgei amu manaei kit ne kimwae?

1 SAMUEL 15:28

Ak kimwachi Samuel inendet kolenji, Kagogererenen Jehovah bounatetab Israel rani, ak kogochi chitab kokweng’ung’ ne kaigai eng’ inye.