NEEMIA 4:2 - BUKUIT NE TILIL

² Ak king’alal eng’ taitab tupchosiekyik ak lugetab Samaria, ak kole, Yaei nee Yahudichu nyalulyotin? Tos igimitigei? Tos igoitoi korosek? Tos igesu eng’ betut agenge? Tos ing’eeti koik komong’une karurugutikab busagariek che kigolalyo?

Bukuit Ne Tilil

² ak ki ng'alaal eng' taitap tupchosyekyik ak lugeetap Samaria kole, “Yaei nee anyun Yahudichu nyalulyotin? Tos igimitigei? Tos igoitoi koroseek? Tos igeesu eng' peetuut agenge? Tos ing'eeti koik komang'une karurugutigap pusagaryek che ki kolalyo?”

BUKUIT NE TILIIL Sireet ne Dutero Kanon

² ak ki ng'alaal eng' taitap tupchosyekyik ak lugeetap Samaria kole, “Yaei nee anyun Yahudichu nyalulyotin? Tos igimitigei? Tos igoitoi koroseek? Tos igeesu eng' peetuut agenge? Tos ing'eeti koik komang'une karurugutigap pusagaryek che ki kolalyo?”

NEEMIA 4:2 ပူးပေါင်းရင်းမြစ်များ

EZRAH 4:4

Kiigochi anyun bikab emonoto bikab Juda kochorirenso, ak koiim ichek eng’ teekset.

NEEMIA 12:27

Ak kicheng’ ichek Lawik eng’ komoswekwak tugul, eng’ betut ne kigitabane irimetab Jerusalem, si komut ichek kobwa Jerusalem, si koyai katabanisiet eng’ boiboiyet, koboto mwaetab kongoi, eng’ tiendo, ak eng’ sanisiekab sugunonik che kibirei, kibugandinik, ak eng’ ketubosiek.

NEEMIA 12:43

Ak kiigoito betunoto tiseiywek che eechen, ak koboiboitu; amu kiigochi Kamuktaindet ichek koboiboitu eng’ boiboiyet ne o; ak kiboiboitu agichek kwonyik ak lagok: kot kegasune boiboiyetab Jerusalem ole loo.

NEEMIA 4:10

Ak kile Juda, Kagogesgei kimnatetab che laei tuguk, ak mitei busagariek che chang’; kot ko mata kimuch keteech irimet.

NEEMIA 6:15

Kigiges anyun irimet eng’ betutab tiptem ak mut ne bo arawetab Elul, kiek betusiek konom ak aeng’.

TIENWOGIKAL 83:4

Kigole, Obwa, keng’eti si mata koek bororiet: Si ma kibwati kainetab Israel kogeny.

JEREMIA 26:18

Kimaoten Mikaia Morastindet eng’ betusiekab Hesekia laitoriatab Juda; ak king’alalji bik tugul che bo Juda kolenji, Kamwa Jehovah ne bo lugosiek ko u ni kole: Kibati Sion ko u ye kibati mbaret, ak koek Jerusalem karurugutik, ak koigei tulwetab got komoswek che tororen che bo osnet.

JEREMIA 33:24

Tos mebwati kit ne kagomwa bichu kole, Kigotimda Jehovah gorjoto aeng’ che kigolewen? Sasei ichek ko u noto bikyuk, si ma koegu kogeny bororiet eng’ tainywa.

DANIEL 9:25

Nai anyun ak iguiye ile koboch ngab komong’ ng’atutiet kele kituur ak keteech Jerusalem, keteekyi inendet ne iilat, bounindet, koegu wigisiek tisab: ak keteech kogeny eng’ wigisiek tamanwogik lo ak aeng’, koboto oret ak keringet ne yiemei nganaset, eng’ betusiekab nyalilda.

HABAKUK 3:2

Ee Jehovah, kiagas ng’aleguk, aiyweisiei: Ee Jehovah, ing’eet boisieng’ung’ eng’ kwenutab kenyisiek; Yai kotook eng’ kwenutab kenyisiek; Ibwat rirenet nginerechi.

SEKARIA 12:8

Ribei Jehovah eng’ betunoto bik che menyei Jerusalem; ak koigei ne nyalulat eng’ ichek Daudi eng’ betunoto; ak koigei gotab Daudi Kamuktaindet, ko u malaikaiyatab Jehovah ne mi tainywa.

SEKARIA 4:10

Amu ng’o ne kigosas betutab tuguk che mengechen? Amu tun boiboitu ichek, ak kogeer kit ne kilititisie eng’ eutab Serubabel, tuguchu tisab, che konyekab Jehovah; bendoti choto eng’ ng’ony komugul.

1 KORINTOEK 1:27

ago kilewen Jehovah tuguk che berber che bo ng’ony, si kogochi kalilanet che ng’omen; ak kilewen Jehovah tuguk che nyalulotin che bo ng’ony, si kogochi kalilanet tuguk che kimen;