NEEMIA 2:6 - BUKUIT NE TILIL

⁶ Ak kilenja laitoriat, (kimi osotiondennyi ak inendet,) Bo betusiek ata bandang’ung’? Ak iweeksei au? Kicham anyun laitoriat koyokta; ak kiamwachi betusiek che awendi.

Bukuit Ne Tilil

⁶ Ak kiteebena laitoryat koleenjo, (kimi osotyonnyi ak ineendet,) “Po peetuusyek ata pandang'ung', ak iweeksei au?” Ki cham anyun laitoryat koyookta, ak ki amwachi peetuusyek che awendi.

BUKUIT NE TILIIL Sireet ne Dutero Kanon

⁶ Ak kiteebena laitoryat koleenjo, (kimi osotyonnyi ak ineendet,) “Po peetuusyek ata pandang'ung', ak iweeksei au?” Ki cham anyun laitoryat koyookta, ak ki amwachi peetuusyek che awendi.

NEEMIA 2:6 ပူးပေါင်းရင်းမြစ်များ

NEEMIA 1:11

Asain, ee Kiptaiyat, ale, ingoepchi it iting’ung’ saetab otwogindeng’ung’, ak saetab otwogiguk, che boiboi koiywei kaineng’ung’: ak asain ale, igochi otwogindeng’ung’ kobor eng’ betuni, ak igochi inendet rirenet eng’ taitab chichi. (Ki ne ipchin laitoriat kikombet.)

NEEMIA 13:6

Ago eng’ betusiechoto tugul ko kima ami Jerusalem: amu kiawe oldab laitoriat eng’ kenyitab sosom ak aeng’ ne bo Artaserses laitoriatab Babulon, ak kingobata betusiek alak asom laitoriat kochamwa awa:

NEEMIA 2:4

Komwawa anyun laitoriat kolenja, Nee ne isome? Kiasa anyun Kamuktaindetab kipsengwet.

NEEMIA 2:5

Ak kialenji laitoriat, Ngo cham laitoriat, ak ngo kagonyor otwogindeng’ung’ chamet eng’ taing’ung’, iyokta anyun awa Juda, agoi nganasetab kererisiekab kwanisiekyuk, si kobiit ateech.

NEEMIA 5:14

Kogeny koboch betut ne kigindea aek bounindenywa eng’ emetab Juda, kong’eete kenyitab tiptem agoi kenyitab sosom ak aeng’ ne bo laitoriat Artaserses, kiek choto kenyisiek taman ak aeng’, kima kiam ak tupchosiekyuk amitwogikab bounindet.

ISAIAH 58:12

Ak koteech biguk karotwek che bo keny: ak ing’eet lumeiywekab ibinwek che chang’; ak keguurenen, Teegindetab ole kibutok, Kaweegunindetab ortinwek che itebe.

ISAIAH 61:4

Ak koteech kogeny karatwek che bo keny, koteech kole kiga koguber eng’ tai, ak koteech kogeny nganasok che kigemeto, ole kiga koguber eng’ ibinwek che chang’.

ISAIAH 65:24

Ak ye tom koguurso, awolu; ak ye ta kong’alali, agas.

DANIEL 9:25

Nai anyun ak iguiye ile koboch ngab komong’ ng’atutiet kele kituur ak keteech Jerusalem, keteekyi inendet ne iilat, bounindet, koegu wigisiek tisab: ak keteech kogeny eng’ wigisiek tamanwogik lo ak aeng’, koboto oret ak keringet ne yiemei nganaset, eng’ betusiekab nyalilda.