NEEMIA 2:14 - BUKUIT NE TILIL

¹⁴ Kiawe anyun ormarichetab kondab beek agoi tamboiyotab laitoriat: ago kima biit ole bunei tiondo ne kialanye.

Bukuit Ne Tilil

¹⁴ Ki awe anyun ormariichetap kondap peek agoi tamboiyotap laitoryat, ago ki ma piit ole punei tyondo ne ki abunoti.

BUKUIT NE TILIIL Sireet ne Dutero Kanon

¹⁴ Ki awe anyun ormariichetap kondap peek agoi tamboiyotap laitoryat, ago ki ma piit ole punei tyondo ne ki abunoti.

NEEMIA 2:14 ပူးပေါင်းရင်းမြစ်များ

2 LAITORINIK 18:17

Ak kiiyokto laitoriatab Asuria Tartan ak Rab-saris ak Rabsake eng’ Lakis koboto luget ne o, koba oldab laitoriat Hesekia eng’ Jerusalem. Ak kitogosta ak koit Jerusalem. Ak kingoit, koba kotononie kererjetab tamboiyot ne bo meto, ne mi oret ne o ne bo koretab mwetindet.

2 LAITORINIK 20:20

Ak boisionik che ng’etunotin che bo Hesekia, ak kimnatennyi tugul, ak ole kiyaita tamboiyot ak kererjet ak koib beek koba nganaset, ko ma sirotin eng’ bukuitab ateptab betusiek ne bo laitorinikab Juda?

2 ATEPTAP PEETUUSYEK 32:30

Hesekia nito ne kiimaas beekab kondametut ne mi meto eng’ Gion, ak koib eng’ oret ne litit korek kobwa komostab cherongo ne bo nganasetab Daudi. Ak kibor Hesekia eng’ boisionikyik tugul.

NEEMIA 12:37

ak kitogostae ye negite ormarichetab kondametut, ak koba banda ne litit, kobun long’eiywotab nganasetab Daudi, eng’ ye kitogostoe eng’ irimet, kosiir gotab Daudi, kot koit ormarichetab beek eng’ komostab kong’asis.

NEEMIA 3:15

Ak kiteech kogeny ormarichetab kondab beek Salum weritab Kolhose, bounindetab koretab Mispa; kiteech, ak kotuch, ak konde kereiywekyik, ak karikyik che kigiige, ak temeleiywekyik, ak kiteech irimet ne bo tamboiyotab Sela ole negite seremutab gab laitoriat, agoi long’eiywot ne kichortoegei kebendi nganasetab Daudi.

NEEMIA 3:16

Ne kiteechei kogeny korubei inendet ko ki Neemia weritab Asbuk, bounindetab kebebertab koretab Bet-sur, agoi ole tokyingei kererisiekab Daudi, ak agoi tamboiyot ne kigibal, ak agoi gotab bik che nyigonen.

AMDOINDET 2:6

Kiayachige tamboinik, si kobiit abise osnet ne kigiminji ketik.