NEEMIA 13:16 - BUKUIT NE TILIL

¹⁶ Kimenyei oloto bikab Turo agichek, che kiibu njirenik, ak tuguk alak tugul che bo mung’aret, ak koaldochi lagokab Juda eng’ betutab sabato, ak eng’ Jerusalem.

Bukuit Ne Tilil

¹⁶ Kimenyei olooto piigap Tyro ak icheek che ki ibu njireenik ak tuguuk alak tugul che po mung'aaret, si koaldochi lagogap Judah eng' peetuutap sabato eng' Jerusalem.

BUKUIT NE TILIIL Sireet ne Dutero Kanon

¹⁶ Kimenyei olooto piigap Tyro ak icheek che ki ibu njireenik ak tuguuk alak tugul che po mung'aaret, si koaldochi lagogap Judah eng' peetuutap sabato eng' Jerusalem.

NEEMIA 13:16 ပူးပေါင်းရင်းမြစ်များ

NEEMIA 13:15

Kiageer eng’ betusiechoto eng’ Juda alak che kitiechei sabibuk eng’ ole kituisie eng’ betutab sabato, ak koibu ratutikab bek, ak koratyin sigirok; kiyai ko u noto eng’ divaik, ak sabibuk, ak logoekab mogoonik, ak lautik alak tugul, che kiibu kobwa Jerusalem eng’ betutab sabato: ak kiabaorian agirinde ichek eng’ betunoto kialdoi amitwogik.

NEEMIA 13:17

Yeityo aborie bik che toogunotin che bo Juda, ak alenji ichek, Nee yaitioni oyae, ak ong’eme betutab sabato?

KOMONG'U 20:10

ago betutab tisab ko sabato ne bo Jehovah Kamuktaindeng’ung’; ameyai boisiet eng’ betunoto, inye, anan wering’ung’, anan cheptang’ung’, anan otwogindeng’ung’ ne muren, anan otwogindeng’ung’ ne tie, anan tuguk, anan toondeng’ung’ ne mitei kurgotiguk;

KOMONG'U 23:12

Yai boisieng’ung’ eng’ betusiek lo, ak imuuny eng’ betutab tisab: si kobiit komuuny eitang’ung’ ak sigirieng’ung’, ak konyor kamuung’et weritab otwogindeng’ung’ ne tie, ak toondet.

NG'ATUTIK 5:14

ago betutab tisab ko sabato ne bo Jehovah Kamuktaindeng’ung’: ameyai boisiet betunoto, inye, anan wering’ung’, anan cheptang’ung’, anan otwogeng’ung’ ne muren, anan otwogeng’ung’ ne tie, anan eitang’ung’, anan sigirieng’ung’, anan tuguk, anan toondeng’ung’ ne mi kurgotiguk; si komuuny otwogeng’ung’ ne muren ak otwogeng’ung’ ne tie ko u inye.