NEEMIA 12:43 - BUKUIT NE TILIL

⁴³ Ak kiigoito betunoto tiseiywek che eechen, ak koboiboitu; amu kiigochi Kamuktaindet ichek koboiboitu eng’ boiboiyet ne o; ak kiboiboitu agichek kwonyik ak lagok: kot kegasune boiboiyetab Jerusalem ole loo.

Bukuit Ne Tilil

⁴³ Ak ki igoito peetuunooto tiseiywek che eecheen ak koboiboitu, amu ki igoochi Kamuktaindet icheek koboiboitu eng' poiboiyet ne oo. Kiboiboitu ak icheek kwonyiik ak lagok, kot kegasune poiboiyetap Jerusalem ole loo.

BUKUIT NE TILIIL Sireet ne Dutero Kanon

⁴³ Ak ki igoito peetuunooto tiseiywek che eecheen ak koboiboitu, amu ki igoochi Kamuktaindet icheek koboiboitu eng' poiboiyet ne oo. Kiboiboitu ak icheek kwonyiik ak lagok, kot kegasune poiboiyetap Jerusalem ole loo.

NEEMIA 12:43 ပူးပေါင်းရင်းမြစ်များ

2 ATEPTAP PEETUUSYEK 20:13

Ak kitononso Juda tugul eng’ taitab Jehovah, koboto manyurunikwak ak osotikwak ak lagokwak.

2 ATEPTAP PEETUUSYEK 20:27

Koweek chi tugul ne bo Juda ak Jerusalem, kondoe Jeosapat, kobendi Jerusalem eng’ boiboiyet; am kiigochi Jehovah ichek koboiboitu amu bunikwak.

2 ATEPTAP PEETUUSYEK 7:10

Ak kimwachi bik koba emaisiekwak eng’ betutab tiptem ak somok ne bo arawetab tisab, eng’ boiboiyet ak kagasetab ge ne bo muguleldo amu mieindo ne kiyachi Jehovah Daudi ak Solomon, ak Israel bikyik.

EZRAH 3:13

kot ko mata komuch bik kobesio waagat ne bo boiboiyet ak ne bo rirekab bik: amu kiwaach bik eng’ waagat ne o, ak kiit waagandanato ole loo.

NEEMIA 12:27

Ak kicheng’ ichek Lawik eng’ komoswekwak tugul, eng’ betut ne kigitabane irimetab Jerusalem, si komut ichek kobwa Jerusalem, si koyai katabanisiet eng’ boiboiyet, koboto mwaetab kongoi, eng’ tiendo, ak eng’ sanisiekab sugunonik che kibirei, kibugandinik, ak eng’ ketubosiek.

NEEMIA 12:42

ak Maaseia, Semaia, Eleasar, Usi, Jeohanan, Malkija, Elam, ak Eser. Ak kitieni tienik eng’ kutit ne o, koboto Jesraia kandoindenywa.

Kitabuutap JOB 34:29

Ye konu inendet kamuung’et, ko ng’o anyun ne igikyin inendet? Ak ye uny togennyi, ko ng’o ne imuchi kogeer? Ngo yachi boror, anan ko chi, ko kergei:

TIENWOGIKAL 27:6

Ak koeeta nguno agee bunikyuk che yiema; Ak agoite korosek che bo kagasetab ge eng’ emainnyi; Atieni, ee, atienjini kalosunoik Jehovah.

TIENWOGIKAL 28:7

Jehovah kimnatennyu ak long’ennyu; Kigomang’ muguleldanyu inendet; ak kigetoreta: Eng’ noto anyun igasegei muguleldanyu mising’; Ak alosu inendet eng’ tiendanyu.

TIENWOGIKAL 9:2

Abaibaitu ak agasige eng’ inye: Atienjini kalosunet kaineng’ung’, ee, inye Ne Toror Mising’.

TIENWOGIKAL 92:4

Amu kiibaibaa, ee Jehovah, eng’ boisieng’ung’: Agasige eng’ boisionikab euneguk.

ISAIAH 61:3

si aarorji ichek che rirtos eng’ Sion, kigochi chepkulet ne kararan kogeere orek, ak mwaitab boiboiyet kogeere rirek, ak ngorietab kalosunet kogeere tamirmiriet ne kigonyigisit; si kobiit keguure ketik che bo imanda, che kimin Jehovah, si kegonyit.

JEREMIA 31:13

Kobaibait anyun bergeiyat eng’ ureriet, koboto murenik ak boisiek agichek: amu awale rirekwak koek boiboiyet, ak agaigai ichek, ak agochi koboiboitu kometo rirekwak.

JEREMIA 33:11

kigasei tugetab boiboiyet ak ne bo kagasetab ge, ne bo sandet ak ne bo mureret, tugetab ichek che mwaei kole, Oweekyi kongoi Jehovah ne bo lugosiek, amu mie Jehovah, amu tebyei koigeny rirenennyi: ak tugetab che igoitoi korosekab kongoi kobwa gotab Jehovah. Amu agochini koweek bikab emet che kigeluul, ko u eng’ tai, mwaei Jehovah.

KAITOSYEK 10:10

Ak eng’ betut ne bo kagaseng’wong’ bo ge, ak eng’ igorwekwok che kiging’at, ak ye leeldos arawekwok, oguut anyun igondisiek eng’ baragutab kagochinoikwok che kibeelei, ak eng’ baragutab tiseiywek che bo kagochinoikwok che bo kalyet; ak egu kabwatet eng’ okwek eng’ taitab Kamuktaindeng’wong’: a Jehovah Kamuktaindeng’wong’.

MATAYO 21:15

Ago ye kingogeer tisiik che eechen ak sirik tuguk che kiyai che bo kwong’et, ak lagok che kimwaei eng’ kutit ne o eng’ hekalut, kole, Hosanna weritab Daudi; konerekso mising’,

MATAYO 21:9

Ak kimwaoti eng’ kutit ne o tuiyosiek che kiindoe inendet, ak che kiisubi, kolen, Hosanna weritab Daudi: iberurot inendet ne nyonei eng’ kainetab Kiptaiyat; Hosanna eng’ ole toror mising’.

JOHANA 16:22

Noto anyun otinye arogenet nguno: ago ta ageerok kogeny, ak boiboi mugulelwekwok, ama rebenok chi boiboiyeng’wong’.

EPESOEK 5:19

ong’alaljinige eng’ tienwogikab kalosunet ak tienwogik ak tienwogikab tamirmiriet, otieni tiendo ne rurei eng’ mugulelwekwok eng’ Kiptaiyat;

JAKOBO 5:13

Mi chi eng’ okwek ne nyalili? Ingosa. Mi ne baibai? Ingotien kalosunet.

1 SAMUEL 4:5

Ak kingoit moingetab arorutietab Jehovah nganaset, kowaach Israel tugul eng’ waagat ne o, kot kochei emet.