NEEMIA 12:27 - BUKUIT NE TILIL

²⁷ Ak kicheng’ ichek Lawik eng’ komoswekwak tugul, eng’ betut ne kigitabane irimetab Jerusalem, si komut ichek kobwa Jerusalem, si koyai katabanisiet eng’ boiboiyet, koboto mwaetab kongoi, eng’ tiendo, ak eng’ sanisiekab sugunonik che kibirei, kibugandinik, ak eng’ ketubosiek.

Bukuit Ne Tilil

²⁷ Eng' peetuut ne ki kitabaane irimeetap Jerusalem, ko ki kicheeng' Lawiik eng' komoswekwak tugul ak kimut kobwa Jerusalem si koyai katabaanisyet eng' poiboiyet, kobooto mwaetap kongoi, eng' tyendo ak eng' sanisyegap sugunonik che kibirei, kibugandinik ak eng' ketubosyek.

BUKUIT NE TILIIL Sireet ne Dutero Kanon

²⁷ Eng' peetuut ne ki kitabaane irimeetap Jerusalem, ko ki kicheeng' Lawiik eng' komoswekwak tugul ak kimut kobwa Jerusalem si koyai katabaanisyet eng' poiboiyet, kobooto mwaetap kongoi, eng' tyendo ak eng' sanisyegap sugunonik che kibirei, kibugandinik ak eng' ketubosyek.

NEEMIA 12:27 ပူးပေါင်းရင်းမြစ်များ

2 SAMUEL 6:12

Ak kigimwachi Daudi kelenji, Kigoberur Jehovah gotab Obed-edom, ak tugukyik tugul, amu moingetab Kamuktaindet. Ak kiwa Daudi koib moingetab Kamuktaindet eng’ boiboiyet eng’ gotab Obed-edom kotogos konyo nganasetab Daudi.

1 LAITORINIK 8:63

Ak kiigoito Solomon tiseiywek koek kagochinoikab kalyet, che kiigochi Jehovah, tuga elfusiek tiptem ak aeng’, ak kechirek elfusiek bogol ak tiptem. Kotaban anyun laitoriat koboto lagok tugul che bo Israel, gotab Jehovah.

1 ATEPTAP PEETUUSYEK 13:8

Ak kiureren Daudi koboto Israel tugul eng’ taitab Kamuktaindet eng’ kimnatenywa tugul: eng’ tienwogik, ak ketubosiek, ak kibugandinik, ak sugutisiek che mengechen, ak sanisiek che bo sugunonik che kibirei, ak iriagok.

1 ATEPTAP PEETUUSYEK 15:12

ak kilenji ichek, O kandoikab gorikab kwanisiek che bo Lawik: otililge okwek ak tupchosiekwok, si oibu moingetab Jehovah, Kamuktaindetab Israel, kotogos, konyo komosta ne koachopchi.

1 ATEPTAP PEETUUSYEK 15:16

Ak kimwachi Daudi che eechen che bo Lawik kolewen tupchosiekwak tienik, ak tuguk che kibutei, che choto ko kibugandinik, ak ketubosiek ak sanisiek che bo sugunonik che kibirei kebut kocheiyo mising’, ak kotienso eng’ kagasetab ge.

1 ATEPTAP PEETUUSYEK 15:28

Koib anyun Israel tugul moingetab arorutietab Jehovah kotogos kobolyonu kogasonugei, ak koguutonu iriagok, ak kobironu sanisiek che bo sugunonik, ak kobutonu kibugandinik ak ketubosiek.

1 ATEPTAP PEETUUSYEK 15:4

Ak kiiyum Daudi werikab Aron koboto Lawik:

1 ATEPTAP PEETUUSYEK 16:42

ak kimi koboto ichek Heman ak Jedutun che kitinyei iriagok ak sanisiek che bo sugunonik che kibirei, che bo ichek che birei kocheiyo mising’, ak tuguk che kibutei che bo tienwogikab Kamuktaindet: ak kotebe werikab Jedutun ormarich.

1 ATEPTAP PEETUUSYEK 16:5

ki ne o Asap, ak ki ne rubei Sekaria, Jeiel, Semiramot, Jehiel, Matitia, Eliab, Benaia, Obed-edom ak Jeiel, kobutei kibugandinik ak ketubosiek; ak kibirei Asap sanisiek che bo sugunonik, kocheiyo mising’;

1 ATEPTAP PEETUUSYEK 23:5

ak ki elfusiek ang’wan ribikab kurgotik; ak kiilosu Jehovah elfusiek ang’wanu eng’ kibugandinik che kiayae ane, si kilosune Jehovah.

1 ATEPTAP PEETUUSYEK 26:31

Che bo Hebronik, ko ki Jerija ne o, che bo Hebronik, ko u ibinwekwak, eng’ gorikab kwanisiek. Kigicheng’ bichoto eng’ kenyitab artam ne bo laitornatetab Daudi, ak kibiit eng’ ichek bik che kimen che nyigonen eng’ Jaser ne bo Gilead.

2 ATEPTAP PEETUUSYEK 29:25

Ak kiinde Lawik gotab Jehovah, kotinyei sanisiekab sugunonik che kibirei, ak kibugandinik ak ketubosiek, ko u ng’atutietab Daudi, ak ne bo Gad keerindetab laitoriat, ak maotiot Natan: amu kibunu ng’atutionoto Jehovah eng’ maotikyik.

2 ATEPTAP PEETUUSYEK 29:30

King’at kogeny laitoriat Hesekia ak bounik, Lawik kotienji Jehovah kalosunoik eng’ ng’alekab Daudi, ak che bo Asap keerindet. Ak kitien kalosunoik eng’ kagasetab ge, ak kiing’urukso ak kolos.

2 ATEPTAP PEETUUSYEK 5:13

ak kingoyomogei bik che kuutei iriagok ak tienik koek agenge, si kotien cheet agenge kegas eng’ kalosunet ak komwachin Jehovah kongoi; ak kingotien eng’ kutit ne o eng’ iriagok ak sanisiekab sugunonik, ak kibugandinikab tienwogik, ak kolos Jehovah, kole, Amu mie inendet; bo koigeny rirenennyi: konyi got anyun boldet, ne noto ko gotab Jehovah,

2 ATEPTAP PEETUUSYEK 7:6

Ak kitononso tisiik kobee boisionikwak; koboto Lawik che kitinyei kibungandinikab tienwogik che bo Jehovah, che kiga koyai Daudi laitoriat che kimwachine kongoi Jehovah, amu bo koigeny rirenennyi, ye kiilosu Daudi eng’ otisienywa: ak kiguutei iriagok tisiik eng’ tainywa; ak kitononso Israel tugul.

EZRAH 6:16

Ak kiitaban eng’ boiboiyet lagokab Israel, tisiik koboto Lawik, ak lagok tugul che ki luulenik che kiweeksei, goyoto bo Kamuktaindet.

NEEMIA 11:20

Ak che king’et che bo Israel, eng’ tisiik, ak Lawik, ko kimi nganasok tugul che bo Juda, chi age tugul eng’ ole mi borotennyi.

NEEMIA 12:43

Ak kiigoito betunoto tiseiywek che eechen, ak koboiboitu; amu kiigochi Kamuktaindet ichek koboiboitu eng’ boiboiyet ne o; ak kiboiboitu agichek kwonyik ak lagok: kot kegasune boiboiyetab Jerusalem ole loo.

NEEMIA 8:17

Ak kiteekyigei keriosiek tuiyet tugul ne bo bik che kiweeksei che kiga kiluul, ak komeny keriosiechoto: amu kitom koyai lagokab Israel ko u noto koboch betusiekab Jesua weritab Nun. Ak kibiit boiboiyet ne o.

TIENWOGIKAL 149:3

Ingolos kainennyi ye urerendos: Ingotienji inendet kalosunoik eng’ sugutit ne ming’in ak ketubet.

TIENWOGIKAL 30:1

Alosun, ee Jehovah; amu kiieeta, Ama igochi bunikyuk kogasenagei.

NG'ATUTIK 16:11

ak ibaibaitu eng’ taitab Jehovah Kamuktaindeng’ung’, inye, ak wering’ung’, ak cheptang’ung’, ak otwogindeng’ung’ ne muren, ak otwogindeng’ung’ ne tie, ak Lawindet ne mi kurgotiguk, ak toondet, ak ne matinyei kwanda, ak mosoget, che mi koboten, eng’ ole leweni Jehovah Kamuktaindeng’ung’ kotebe kainennyi.

NG'ATUTIK 20:5

yeityo kong’alalji bik kandoik, kolenji, Ng’o ne kateech got ne leel, ama igochi Kamuktaindet? Ingoweek kwo gonnyi, si mame eng’ boriet, ak kogochi chito age Kamuktaindet gonnyi.

PILIPIK 4:4

Oboiboitu eng’ Kiptaiyet kotugul: ak amwae kogeny ale, Oboiboitu.

NG'ANG'UTYET 5:8

Ak ye kingo kagoib bukuinoto, kobutyi taitab Aruet tiong’ichoto ang’wanu soptos ak boisiechoto tiptem ak ang’wan, kotinyei age tugul ketubet, ak tabok che bo tahabu che nyiitotin nyamdutik che kebeelei, che choto ko sautikab bik che tililen.