NEEMIA 10:37 - BUKUIT NE TILIL

³⁷ ak keibu makatinik che tuonen che bo tongoanik, ak kagochinoikyok che kinamjin barak, ak logoekab ketik alak tugul, ak divaik, ak mwanik, kobwa ole mi tisiik, agoi gorik che bo orit che bo gotab Kamuktaindennyo; ak keipchi Lawik kebeberwekab taman che bo tugukab mbarenikyok; amu iyumi Lawik kebeberwekab taman che bo kabatisiennyo eng’ nganasok tugul.

Bukuit Ne Tilil

³⁷ Ki ibuu magatiinik che tuonen che po tongoanik, kagoochinoikyok che kinamjin parak, logoegap keetiik alak tugul, divaik ak mwanik kobwa ole mi tisiik agoi kooriik che po oriit che po kootap Kamuktaindennyo. Ki ipchini Lawiik kebeberwegap taman che po tuguugap mbareenikyok, amu iyumi Lawiik kebeberwegap taman che po kabatisyennyo eng' nganasook tugul.

BUKUIT NE TILIIL Sireet ne Dutero Kanon

³⁷ Ki ibuu magatiinik che tuonen che po tongoanik, kagoochinoikyok che kinamjin parak, logoegap keetiik alak tugul, divaik ak mwanik kobwa ole mi tisiik agoi kooriik che po oriit che po kootap Kamuktaindennyo. Ki ipchini Lawiik kebeberwegap taman che po tuguugap mbareenikyok, amu iyumi Lawiik kebeberwegap taman che po kabatisyennyo eng' nganasook tugul.

NEEMIA 10:37 ပူးပေါင်းရင်းမြစ်များ

2 ATEPTAP PEETUUSYEK 31:6

Ak kiib agichek lagokab Israel ak Juda, che kimenyei nganasokab Juda, kebebertab taman ne bo eik ak kechirek, ak kebebertab taman ne bo tuguk tugul che itabanotin che kiga kigochi Jehovah Kamuktaindenywa, ak kiiyumat.

NEEMIA 13:10

Ak kianai ale ma kigochi Lawik kebeberwekwak; amu noto anyun ko kimwei age tugul kwo mbarennyi eng’ Lawik ak tienik che kiyaei boisiet.

NEEMIA 13:12

Kiib anyun Juda tugul kebeberwekab taman che bo bek ak che bo divaik ak che bo mwanik, konde ole kigonore tuguk.

NEEMIA 13:5

got ne kigigonore koboch keny, kagochinoik che bo busiek, ak ubani, ak terenik, ak kebeberwekab taman che bo bek, ak che bo divaik, ak che bo mwanik, che kimwa ng’atutik kole kigochi Lawik, ak tienik, ak ribikab kurgotik; ak kagochinoik che kinamjin barak che kigochin tisiik.

NEEMIA 13:9

Yeityo ang’at, ak kiitilil ichek gorik che bo orit: ak kiaib kogeny tugukab gotab Kamuktaindet koba yoto, koboto kagochinoikab busiek ak ubani.

KOMONG'U 13:12

itabani anyun kobunji Jehovah tugul che yatei iyotet ak che twatei tiong’ik; ak bunjin Jehovah ng’etik ak che kirugik.

KOMONG'U 13:2

Itabanwa taiywek tugul, age tugul ne yatei iyotet eng’ lagokab Israel, eng’ bik ak eng’ che twatei tiong’ik; bunjina choto.

ATEPTAP LAWIK 23:17

Oibu eng’ meng’otosiekwok makatinik aeng’ che kiongoi che yamei kebeberwek aeng’ che bo epah: egu busiek che tambulul, che kibeeldoi mermerek, koek tongoanik che bo Jehovah.

MALAKI 3:10

Oibu kebeberwek tugul che bo taman kobwa choge, si kobiit amitwogik eng’ gonnyu, ak otiema anyun eng’ noto, mwaei Jehovah ne bo lugosiek, si ogeer ngo mayatwok tirisiokab kipsengwet, ak arong’wok berurto, kot ko ma komi ole ondoi.

MALAKI 3:8

Tos chorei chi Kamuktaindet? Ago ochora. Ago omwae ole, Kigichorten ano? Kiochor kebeberwekab taman ak kagochinoik.

KAITOSYEK 18:15

Bunjinin age tugul ne yatei iyotet, eng’ bik ak eng’ che kiyagi, che igochin ichek Jehovah: ago itiachi iman che bo tai eng’ siget, ak itiachi che twatei che ng’wonen eng’ che kiyagi.

KAITOSYEK 18:18

Ak kobunjin banyekwak, ko u ye neng’ung’ tagatet ne keongoi, ak chatit ne bo komostab tai.

KAITOSYEK 18:21

Ogeero, kaagochi lagokab Lawi kebeberwek tugul che bo taman eng’ Israel koek borotenywa, kogeere boisienywa ne yaei, noto boisietab emait ne kituiyechin.

ROMANIK 11:16

Ak ngo tilil tongoaniat, ko tilil kit komugul agine: ak ngo tilil tigitiot, ko tililen agichek temenik.

NG'ATUTIK 14:22

Igoite iman kebebertab taman ne bo iyotet tugul ne bo kesweguk che biitu eng’ mbar kenyit age tugul.

NG'ATUTIK 18:4

Tongoanikab beguk, divaiguk, ak mwaniguk, ak kororik che bo tai che bo kechireguk, igochi inendet choto.

NG'ATUTIK 26:2

inam anyun eng’ tongoanik tugul che bo logoek che bo emet che iibu eng’ emeng’ung’ ne konin Jehovah Kamuktaindeng’ung’; inde kitonget, iib koba ole leweni Jehovah Kamuktaindeng’ung’ kole konde kainennyi.