NEEMIA 10:36 - BUKUIT NE TILIL

³⁶ ak kimutu kogeny taiywek che bo werikyok, ak che twotei tukyok, ko u ye sirat eng’ Ng’atutik, ak che twotei akwotisiekyok ak akwotisiekab kechirekyok, keget kobwa gotab Kamuktaindennyo, kobwa ole mi tisiik che boisiei eng’ gotab Kamuktaindennyo;

Bukuit Ne Tilil

³⁶ Ko uu ye siraat eng' Ng'atuutik, kimutu kogeny kiboretook che po weeriikyok ak kegetu che twatei tuukyok, ak che po akwotisyekyok, che po akwotisyegap keechiirekyok kobwa kootap Kamuktaindennyo, ole mi tisiik che poisyei eng' kootap Kamuktaindennyo.

BUKUIT NE TILIIL Sireet ne Dutero Kanon

³⁶ Ko uu ye siraat eng' Ng'atuutik, kimutu kogeny kiboretook che po weeriikyok ak kegetu che twatei tuukyok, ak che po akwotisyekyok, che po akwotisyegap keechiirekyok kobwa kootap Kamuktaindennyo, ole mi tisiik che poisyei eng' kootap Kamuktaindennyo.

NEEMIA 10:36 ပူးပေါင်းရင်းမြစ်များ

2 ATEPTAP PEETUUSYEK 31:5

Ak kingogasak ng’atutiet eng’ emet, kogoito lagokab Israel eng’ chang’indo tongoanikab bek, ak che bo divaik, ak mwanik, ak kumik, ak che bo ruratet tugul ne bo emet; ak kiib kebebertab taman ne bo tuguk tugul eng’ chang’indo.

NEEMIA 12:44

Ak kigilewen eng’ betunoto bik korib gorik che bo orit ole kigonore tuguk, kagochinoik che kinamjin barak, ak tongoanik, ak kebeberwekab taman, kiyumji gorjoto, kobee mbarenik che bo nganasok, kebeberwek che kiging’at eng’ ng’atutiet kobunji tisiik ak Lawik: amu kibaibait Juda agobo tisiik ak Lawik che kiboisiei.

NEEMIA 13:5

got ne kigigonore koboch keny, kagochinoik che bo busiek, ak ubani, ak terenik, ak kebeberwekab taman che bo bek, ak che bo divaik, ak che bo mwanik, che kimwa ng’atutik kole kigochi Lawik, ak tienik, ak ribikab kurgotik; ak kagochinoik che kinamjin barak che kigochin tisiik.

KOMONG'U 13:2

Itabanwa taiywek tugul, age tugul ne yatei iyotet eng’ lagokab Israel, eng’ bik ak eng’ che twatei tiong’ik; bunjina choto.

KOMONG'U 23:19

Kanyol iibu tuguk che bo tai eng’ tongoanik che bo emeng’ung’ kobwa gotab Jehovah Kamuktaindeng’ung’. Ameyoe aruet chegab kamet.

KOMONG'U 34:19

Chechuk tugul che yatei iyotet; ak tugul che twati tuga ak kechirek, che kirugik ak mengichik.

MALAKI 3:10

Oibu kebeberwek tugul che bo taman kobwa choge, si kobiit amitwogik eng’ gonnyu, ak otiema anyun eng’ noto, mwaei Jehovah ne bo lugosiek, si ogeer ngo mayatwok tirisiokab kipsengwet, ak arong’wok berurto, kot ko ma komi ole ondoi.

KAITOSYEK 3:13

Amu chechuk werik tugul che bo tai; kiatabanjige werik tugul che bo tai eng’ Israel, eng’ bik, ak che twatei che kiyagi, eng’ betut ne kiabar werik tugul che bo tai eng’ emetab Misri: egu chechuk choto; ane a Jehovah.

GALATYEK 6:6

Ago ingoyamda tuguk tugul che miachen inendet ne kineti ng’olyot, ak inendet ne inetisiei.

NG'ATUTIK 12:6

oib kagochinoikwok che kibeelei, ak tiseiywekwok, ak kebeberwekwok, ak kagochinetab eunekwok ne kinamjin barak, ak kaarortaosiekwok, ak kagochinoikab chamnyet, ak che twatei tukwok ak kechirekwok: