NEEMIA 1:3 - BUKUIT NE TILIL

³ Ak kimwawa kole, Tinyei nyalilda ne o, ak churisiet eng’ emonoto, bik che king’et eng’ che kiga keluul: ak kigobutok agine irimetab Jerusalem, ak kigebeel ormarichokyik.

Bukuit Ne Tilil

³ Kimwaiwo icheek kole, “Tinyei nyalilda ne oo ak churisyet eng' emonooto piik che ki ng'et eng' che kiga keluul. Ki kobutok agine irimeetap Jerusalem ak ki kebeel ormariichokyik.”

BUKUIT NE TILIIL Sireet ne Dutero Kanon

³ Kimwaiwo icheek kole, “Tinyei nyalilda ne oo ak churisyet eng' emonooto piik che ki ng'et eng' che kiga keluul. Ki kobutok agine irimeetap Jerusalem ak ki kebeel ormariichokyik.”

NEEMIA 1:3 ပူးပေါင်းရင်းမြစ်များ

1 LAITORINIK 9:7

ang’etoi Israel anyun eng’ emet ne kiagochi; ak goi kiatilil agobo kainennyu, aistoi eng’ tainnyu; si koek Israel kalewenet ak atindiot eng’ bik tugul:

2 LAITORINIK 25:10

Ak kibut luget tugul ne bo Kaldeik ne kimi koboto kiptaiyatab ribik, irimosiekab Jerusalem komoswek tugul.

2 ATEPTAP PEETUUSYEK 36:19

Ak kibeel gotab Kamuktaindet, ak kobut irimetab Jerusalem, ak kobeel gorik tugul che bo laitoriat, ak kong’em tuguk tugul che kororon che kimi gorjoto.

EZRAH 2:1

Chu anyun ko bikab emonoto, che kiga togos kobunu ole kiga kiluulji, che bo che kiga kiluul, che kiga luul Nebukadnesar laitoriatab Babulon koba Babulon, che kiweek koba Jerusalem ak Juda, kiwa chi tugul nganasennyi;

EZRAH 5:8

Ingonaak eng’ laitoriat kole, kigibe emetab Juda, agoi gotab Kamuktaindet ne o, ne kigiteege koik che eechen, ak kiginde baoinik inatusiek, ak wendi tai boisioni eng’ kagiiletab ge ak koberurot eng’ eunekwak.

NEEMIA 11:3

Chu ko bik che eechen che bo emotinwek che kimeny Jerusalem: ago kimeny chi tugul komostanyi eng’ nganasokab Juda eng’ nganasokwak, choto ko ki Israel, tisiik, ak Lawik, ak Netinik, ak lagokab otwogikab Solomon.

NEEMIA 2:13

Ak kiamande kemoi eng’ ormarichet ne bo atebwet, ne tokyingei kondab beek ne bo maswetit, agoi ormarichet ne bo ng’atatek, ak kiatoben irimoikab Jerusalem, che kiga kobutok, ak kiga kolalyo ormarichokyik.

NEEMIA 2:17

Yeityo alenji, Ogeere nyalili kimi, ko u ye kigoek karatia Jerusalem, ak kigolalyo ormarichyokyik: obwa keteech kogeny irimetab Jerusalem, si mata keegu che kichurei.

NEEMIA 2:3

Ak alenji laitoriat, Ingosob laitoriat agoi: kalya si ma arogen togennyu, ye kigoek karatia nganaset, oldab kererisiekab kwanisiekyuk, ak kigolalyo ormarichokyik?

NEEMIA 7:6

Chuto bikab emet, che kiga kotogos kobunu ole kiga kiluulji, che bo che kiga kiluul, che kiga luul Nebukadnesar laitoriatab Babulon, che kiweek kobwa Jerusalem ak Juda kiwa chi tugul nganasennyi;

ESTA 1:1

Eng’ betusiekab Aasuerus (Aasuerus-nito ko ne kilaitorani koboch India agoi Etiopia, kobou emotinwek bogol ak tiptem ak tisab:)

TIENWOGIKAL 79:4

Kigeegu che itewerotin eng’ bik che negitenech, Sasech ak kororechinech anyun, che mi komoswekyok tugul.

KALEWANAIK 25:28

U nganaset ne kigebut ama tinyei irimet, Chito ne maribegei.

ISAIAH 43:28

Amuruoni anyun bounik che bo ole tilil, ak ayae Jakobo koek ne chubot, ak ayae Israel koek ne kisasei.

ISAIAH 5:5

Ui anyun nguno; amwawok kit ne aitoi mbarennyu ne bo sabibuk: aistoi ng’otwennyi, si keam; abute irimennyi, si ketiech:

JEREMIA 24:9

agoitoi ichek koek che kiwirjin komosi ak komosi eng’ bounatosiek tugul che bo ng’ony si konyor taitiet; koek tewernatet, ak kalewenet, chotisiet ak sasisiet, eng’ komoswek tugul ole aonjini ichek.

JEREMIA 29:18

Ak asube ichek rotwetab chok, ak rubet, ak koroito, ak agoite ichek kewirji komosi ak komosi eng’ bounatosiek tugul che bo ng’ony, si koek che chubotin, ak che kikwong’e, ak che kirenyei, ak che kiteweri, eng’ bororiosiek tugul che kiaonji;

JEREMIA 39:8

Ak kibeel Kaldeik gotab laitoriat, ak gorikab bik, ak kobut irimoikab Jerusalem.

JEREMIA 42:18

Amu mwaei Jehovah ne bo lugosiek, Kamuktaindetab Israel, ko u ni kole; Ko u ye kigerong’ji neregekyuk ak neregekyuk che ng’wonen, bik che menyei Jerusalem, kerong’jinok anyun ko u noto neregekyuk che ng’wonen, ye obe Misri: ak oegu che kichubei, ak che kikwong’e ak che kisasei, ak che kichotei; ama ogeere olito kogeny.

JEREMIA 5:10

Otogoste irimoikyik, ak ong’em; ago mong’em ogesu: oiste temenikyik: amu ma bo choto Jehovah.

JEREMIA 52:14

Ak kibut luget tugul ne bo Kaldeik ne kimi koboto kiptaiyatab ribik, irimoik tugul che bo Jerusalem, komoswek tugul.

RIREKAB JEREMIA 1:7

Ibwati Jerusalem eng’ betusiekab nyalildanyi ak che bo bichiinwekyik Tugukyik tugul che kiiboiboi inendet koboch betusiek che bo keny: Ye kiibutyi bikyik eutab bunyot, ama toret chi inendet, Kigeer bounik inendet, kichot nyerotiosiekyik.

RIREKAB JEREMIA 2:9

Isuwe kobendi ng’ony ormarichokyik; king’em ak koiri temeleiywekyik: Mi laitoriandennyi ak bounikyik kwenutab bororiosiek ole mami ng’atutiet; Ee, manyoru maotikyik ng’ang’utiet ne bunu Jehovah.

RIREKAB JEREMIA 3:61

Kiigas inye chotisienywa, ee Jehovah, ak chobutikwak tugul che kichob agobo ane;

RIREKAB JEREMIA 5:1

Ibwat anyun, ee Jehovah, kit ne kagonyonjech: Keer, keer chotisiennyo.

ATEPTAP LAWIK 26:31

Ak ayai nganasokwok koek karotwek, ak ayai oldinwekwok che tililen koek kipkuberet; ma achame kong’ucha anyinyindab nyamdutikwok.

ATEPTAP LAWIK 26:33

Ak aiyestochok bororiosiek alak, ak ang’usu rotwetab chok kosubok: ak koguber emeng’wong’, ak koek karotwek nganasokwok.