NAHUM 3:3 - BUKUIT NE TILIL

³ bik che lanyei mbartanyisiek, kalyeletab rotwetab chok, ak ng’otit ne lilei bich; ak chang’indab che kagebar, karurugutiet ne o ne bo muswek: maigesugei muswek; riichei muswekwak ichek:

Bukuit Ne Tilil

³ Piik che ketei paraisisyek, kalyeleetap rotwetap chok ak ng'otit ne liilei piich; ak chaang'indap che kagebar, karurugutyet ne oo ne po muuswek; ma igeesugei muuswek, riichei muuswekwak icheek!

BUKUIT NE TILIIL Sireet ne Dutero Kanon

³ Piik che ketei paraisisyek, kalyeleetap rotwetap chok ak ng'otit ne liilei piich; ak chaang'indap che kagebar, karurugutyet ne oo ne po muuswek; ma igeesugei muuswek, riichei muuswekwak icheek!

NAHUM 3:3 ပူးပေါင်းရင်းမြစ်များ

TAUNET 3:24

Kion anyun chichoto komanda, ak konde Kerubik kotebe komostab kong’asis ne bo mbaretab Eden, ak rotwetab chok ne ilyeli ne tokyingei komosi ak komosi, koribe oret ne wendi oldab ketitab sobondo.

2 LAITORINIK 19:35

Ak kimanda malaikaiyatab Jehovah kemounoto, ak kobar bik elfusiek bogol ak tamanwogik sisiit ak mut eng’ nganasetab Asuriek: ak kingong’eetyo bik karon, ogeero, ki muswek tugul, che kogobek.

ISAIAH 34:3

Kiwirtoi bikwak che kigebar, ak buldos muswekwak, ak kochootyo tulonok amu korotikwak.

ISAIAH 37:36

Ak kimanda malaikaiyatab Jehovah, ak kobar bik elfusiek bogol ak tamanwogik sisiit ak mut eng’ nganasetab Asuriek: ak kingong’eetyo bik karon, ogeero, ki muswek tugul, che kogobek.

ISAIAH 66:16

Amu iruoksechin Jehovah bik tugul eng’ mat ak eng’ rotwennyi bo chok: ak kochang’a che barei Jehovah.

EZEKIEL 39:4

Ibutyini tulonokab Israel, inye ak lugosieguk tugul, koboto bororiosiek che mi koboten: ak agochin taritik alak tugul che amei banyek, koboto tiong’ikab timin, koamin.

ATEPTAP LAWIK 26:37

Ak koriichgei ichegei eng’ ichegei, ko u eng’ taitab rotwetab chok, ye mami ne onei: ak monyoru kimnatet ne otononie eng’ taitab bunikwok.

NAHUM 2:4

Kirgirendos karisiekab luget eng’ ortinwek, rusotegei eng’ ortinwek che baroen: u toogunenywa kegenganik, ruaei ko u kalyelyosiek.

HABAKUK 3:11

Kitononso asista ak arawet eng’ meng’otenywa, Eng’ lapkeiyetab kipchaboniguk kobendi, Eng’ kaluunetab ng’oting’ung’ ne ilyeli.