NAHUM 2:4 - BUKUIT NE TILIL

⁴ Kirgirendos karisiekab luget eng’ ortinwek, rusotegei eng’ ortinwek che baroen: u toogunenywa kegenganik, ruaei ko u kalyelyosiek.

Bukuit Ne Tilil

⁴ Kirgirendos kariisyegap lugeet eng' ortinwek, rusotegei eng' ortinwek che paroen. Uu tagunatennywa tochisyek, rwaei ko uu kalyelyosyek.

BUKUIT NE TILIIL Sireet ne Dutero Kanon

⁴ Kirgirendos kariisyegap lugeet eng' ortinwek, rusotegei eng' ortinwek che paroen. Uu tagunatennywa tochisyek, rwaei ko uu kalyelyosyek.

NAHUM 2:4 ပူးပေါင်းရင်းမြစ်များ

KALEWANAIK 31:21

Maiywei kole tos nyor bikyik kaititietab teluchi; Amu ilaachi bik tugul che bo gonnyi ngoroik che biriren.

ISAIAH 37:24

Koichot Kiptaiyat eng’ otwogiguk, ak koile, Anyone kot aitu baragutab tulonok koboto chang’indab karisiekyuk, kot aitu orit eng’ Lebanon; ak aluul taragonikyik che koen, ak biribirinikyik che kororon: ak achute komosta ne toror mising’, osnetab mbarennyi ne rurei.

ISAIAH 66:15

Amu ogeero, nyonei Jehovah eng’ mat, ak koigei karisiekyik che bo luget kipchurjuriet; koyaakta neregekyik eng’ koromnatet, ak koyaakta kerennyi bo kong’ eng’ liblibenetab mat.

JEREMIA 4:13

Ogeero, togosu ko u bolik, ak u kipchurjuriet karisiekyik che bo luget: chepcheb mbartanyisiekyik kosiir kipsichinik. Bwa eng’ achek! Amu kageng’emech.

JEREMIA 46:9

Otogoste, okwek, mbartanyisiek; ak ochakte okwek, karikab luget; ak ingoba bik che nyigonen: Kus ak Put, che tinyei long’onik; ak Ludik, che tinyei kwangok ak kong’iei.

EZEKIEL 23:24

Ak kobokyin kotinyei karik, karisiek che bo luget ak karisiek che lau tuguk, ak tuiyet ne bo bororiosiek: ibokyinin kotinyei long’onik che eechen ak che mengechen ak chepkuloikab luget eng’ komoswek tugul: ak agochi ichek kiruoget, si koruogun, ko u kiruogutikwak.

EZEKIEL 26:10

Tuchin temburiekab mbartanyisiekyik amu chang’indanywa: itumdumegei irimoiguk amu kirgirenetab mbartanyisiek che lanyei bik, ak ne bo karisiek che lau tuguk, ak ne bo karisiek che bo luget, ye tun bunei inendet ormarichoguk, ko u bik che bendi nganaset orit kobunei ole kigobutok.

EZEKIEL 26:7

Amu mwaei anyun Kiptaiyat Jehovah ko u ni kole: Ogeero, amuti Nebukadresar laitoriatab Babulon, inendet laitoriatab laitorinik, kobokyi Turo, kobunu murot ne bo katam, koboto mbartanyisiek, ak karisiekyik che bo luget, ak bik che lanyei mbartanyisiek, ak kweanet, ak bik che chang’.

DANIEL 11:40

Ak koborio ak inendet laitoriatab murot ne bo tai eng’ betusiek che bo let: ak kobokyi inendet laitoriat ne bo murot ne bo katam ko u kipchurjuriet, koboto karisiekab luget, ak bik che lanyei mbartanyisiek, ak melisiek che chang’; ak kwo kochwalda koyom emotinwek, ak kobun oloto.