NAHUM 1:5 - BUKUIT NE TILIL

⁵ Botandos tulonok eng’ tainnyi, ak kochootyo tulonok che mengechen; sutoksei ng’ony eng’ tainnyi, ee, ng’ony, ak tugul che menyei oloto.

Bukuit Ne Tilil

⁵ Potandos tuloonook eng' tainnyi, ak kochootyo tuloonook che mengeechen; potani ng'wony eng' tainnyi, ee ng'wony ak tugul che menyei olooto.

BUKUIT NE TILIIL Sireet ne Dutero Kanon

⁵ Potandos tuloonook eng' tainnyi, ak kochootyo tuloonook che mengeechen; potani ng'wony eng' tainnyi, ee ng'wony ak tugul che menyei olooto.

NAHUM 1:5 ပူးပေါင်းရင်းမြစ်များ

2 SAMUEL 22:8

Kigirgiren ng’ony anyun ak kibotan, Kitwagei lumeiywekab kipsengwet Ak kotumdumgei, amu kinerech.

Kitabuutap JOB 26:11

Botandos tolochikab kipsengwet Ak kokwong’dos eng’ kerennyi bo kong’.

Kitabuutap JOB 9:5

Ne iuutoi tulonok, ama naei ichek, Ye igabui ichek eng’ neregekyik.

TIENWOGIKAL 104:32

Botani ng’ony ye kageer inendet; Twaei tulonok, si koiyenso.

TIENWOGIKAL 114:4

Kitorombenso tulonok ko u mengichik, Ak kitorombenso tulonok che mengechen ko u arekab kechir.

TIENWOGIKAL 114:6

Okwek tulonok, kot otorombenote ko u mengichik; Ak okwek tulonok che mengechen kot otorombenote ko u arekab kechir?

TIENWOGIKAL 18:7

Kigirgiren ng’ony anyun, ak kibotan, Kitwagei lumeiywekab tulonok, Ak kotumdumgei, amu kinerech.

TIENWOGIKAL 18:8

Kitogostae iyeto serunekyik, Ak kibeelso mat ne kimong’une kutinnyi: Kilalyo nesek eng’ maata.

TIENWOGIKAL 46:6

Kibolyo bororiosiek, ak kiwasgei bounatosiek: Kitwek inendet ak kichoot ng’ony.

TIENWOGIKAL 68:8

Kobotan ng’ony, Ak kororok kipsengwetisiek eng’ taitab Kamuktaindet: Kobotan Sinai noto eng’ taitab Kamuktaindet, Kamuktaindetab Israel.

TIENWOGIKAL 98:7

Ingomoror nyanjet, ak tuguk che nyiitat oloto; Ng’ony, ak icheget che menyei oloto;

KOMONG'U 19:18

Ak kiiyeni tulwet komugul ne bo Sinai, amu kichorjigei Jehovah tulwonoto eng’ mat: ak kitogosta iyetanyi ne u ne bo mat ne o mising’, ak kibotan tulwet komugul mising’.

ISAIAH 24:1

Ogeero, yaei Jehovah ng’ony koek ole mami kiy, koek surkwen, ak kogabui, ak koseer bik che menyei oloto.

ISAIAH 24:20

Terterioti ng’ony ko u chito ne kabogit, ak keistoot kwo komosi ak komosi ko u got; ak konyigisityi bistoennyi, ak kobut, ama kong’eetei kogeny.

ISAIAH 5:25

Kilalyo anyun neregekab Jehovah agobo bikyik, ak kiiyogoito eunnyi kogirinda ichek, ak kobir, ak kibotanso tulonok che mengechen, ak kiek muswekwak busagariek eng’ kwenutab ortinwek. Nganda u noto, ko ma istogei neregekyik, ago ta kochuulat eunnyi kora.

JEREMIA 10:10

Ago Jehovah ko Kamuktaindet ne bo iman; inendet ko Kamuktaindet ne sobei, ak ko laitoriat ne bo koigeny: botani ng’ony amu neregekyik: amaimuchi komuita bororiosiek eng’ neregekyik.

JEREMIA 4:24

Kiageer tulonok, ak ogeero, kibotandos, ak kiiyongoi tulonok tugul che mengechen.

EZEKIEL 38:20

kot kobotanso eng’ tainnyi njirenikab nyanjet, ak taritik che bo barak, ak tiong’ikab timin, ak tuguk tugul che ichuutegei ng’ony, koboto bik tugul che mitei ng’ony, ak kiluul tulonok, ak kong’isiogen ole keigei, ak kolul irimet age tugul.

JOEL 2:10

Botani emet eng’ tainywa; botandos kipsengwetisiek: imenitu asista ak arawet, ama koluu kecheik.

AMOS 9:5

Amu Kiptaiyat Jehovah ne bo lugosiek, ko inendet ne twaei emet si kochoot, ak koririo tugul che menyei oloto; ak ng’eetei emet komugul ko u Ainet; ak koteny kogeny ko u Ainet ne bo Misri.

MIKAH 1:4

Ak kochootyo tulonok eng’ kelyekyik, ak kobetogis atebwosiek, ko u ye chotei temeniet ko kauchi mat, ko u beek che kirandoi eng’ ole keigei.

HABAKUK 3:10

Kiiyweis tulonok ye kigeerin; Kisiirto usonetab nyanjet; Kitul riret, Ak konamji barak eunekyik.

SEKARIA 4:7

I ng’o, ee tulwoni o? Iegu warenget eng’ taitab Serubabel: ak konem koita ne bo barak kowaaktos kolen, Mieindo, mieindo, ingotebe baragunnyi.

MALAKI 4:1

Amu, ogeero, nyonei betut, ne lalei ko u mat ne o, ak koigei mobek menotik tugul, koboto ichek tugul che yaei tengekto: ak kobeel ichek betut ne nyonei, mwaei Jehovah ne bo lugosiek, kot ko mang’etyi tigitiot anan ko temet.

MATAYO 27:51

Ak ogeero, kigerer anget ne kigioiye hekalut koek aeng’ koboch barak agoi ng’ony; ak kibetogis ruandosiek;

MATAYO 28:2

Ak ogeero, kibotan ng’ony mising’; amu kichorgei eng’ kipsengwet malaikaiyatab Kiptaiyat, ak kinyo komilda koita, ak kotebe koyata.

NG'ANG'UTYET 20:11

Ak kiageer ng’echeret ne o ak ko leel ne bo laitornatet, ak inendet ne kitebe, ne kimwee togennyi ng’ony ak kipsengwet; ama kisikyi ole tebe.

NG'ANG'UTYET 6:14

Ak kigiisto kipsengwet ko u kartasit ne kimamani; ak kigiisto eng’ komoswekwak tulwet age tugul ak emet age tugul ne kiikwen beek.

KIRUOGIK 5:5

Kiroot tulonok kotenden eng’ taitab Jehovah, Agot Sinainin eng’ taitab Jehovah, Kamuktaindetab Israel.