NAHUM 1:3 - BUKUIT NE TILIL

³ Ma sib konerechi Jehovah, tinyei kamuget ne o, ama bagaktoi kiptengekyot age tugul: tinyei Jehovah orennyi eng’ kipchujuriet ak eng’ usonet ne o, ak bolik ko temburiekab kelyekyik.

Bukuit Ne Tilil

³ Ma sip konereechi Kamuktaindet ne Toroor, tinyei kimnateet ne oo ama pagaktoi kiptengekyot age tugul. Tinyei Kamuktaindet ne Toroor ooreennyi eng' kipchurchuryet ak eng' usoonet ne oo, ak poolik ko temburyegap keelyekyik.

BUKUIT NE TILIIL Sireet ne Dutero Kanon

³ Ma sip konereechi Kamuktaindet ne Toroor, tinyei kimnateet ne oo ama pagaktoi kiptengekyot age tugul. Tinyei Kamuktaindet ne Toroor ooreennyi eng' kipchurchuryet ak eng' usoonet ne oo, ak poolik ko temburyegap keelyekyik.

NAHUM 1:3 ပူးပေါင်းရင်းမြစ်များ

2 SAMUEL 22:10

Kiim kipsengwetisiek agichek, ak kochorgei inendet; Ak kimi mesundeito ne o kureretab kelyekyik.

NEEMIA 9:17

ak koesio kogas it, amata kobwat kwong’utiguk che kiiyai eng’ kwenunywa, ago kiiuuiit kaatinywa, ak eng’ ngelelnatenywa ko kilewen kiptaiyat komut ichek koweekyigei otwoknatenywa: ago i Kamuktaindet ne i chobot inyochi kaat, i bo mieindo ak ko nyiitat rirenet, ne ma sib konerechi, ak itinye chang’indab rirenet, ama imete ichek.

Kitabuutap JOB 10:14

Ngot ayai tengek, igeera, Amenyoiywa kaat agobo tengektanyu.

Kitabuutap JOB 38:1

Kiwolji anyun Jehovah Job eng’ kipchurjuriet, kolenji,

Kitabuutap JOB 9:4

Ng’om inendet eng’ muguleldo, ak kotinyei kamuktaet eng’ kimnatet: Ng’o ne kigouuiitgei eng’ tainnyi, ak kobor?

TIENWOGIKAL 103:8

Nyiitat Jehovah rirenet ak ko bo mieindo, Ama sib konerechi, ak tinyei chang’indab rirenet.

TIENWOGIKAL 104:3

Inendet ne indoi beek kimurtoinikab gorikyik; Inendet ne yaei bolik koek karinnyi; Ne wendote kebebaikab usonet:

TIENWOGIKAL 145:8

Jehovah ko ne bo mieindo, ak konyiitat rirenet; Masib konerechi, ak tinyei rirenet ne o.

TIENWOGIKAL 147:5

O Kiptaiyandennyo, ak tinyei kimnatet ne o kosiir; Magimuchi ketet ng’omnatennyi.

TIENWOGIKAL 50:3

Nyonei Kamuktaindennyo, ama sisei: Beelei mat eng’ tainnyi kowong’u, Ak komuut inendet usonet ne o.

TIENWOGIKAL 62:11

Kitwek Kamuktaindet konyil agenge, Kiagas noto konyil aeng’, Ale, bo kimnatet Kamuktaindet:

TIENWOGIKAL 66:3

Olenji Kamuktaindet, Bo kamuiset ne tia boisioniguk! Iming’injiningei buniguk amu etunatetab kimnateng’ung’.

ISAIAH 19:1

Lautietab Misri. Ogeero, lanyei Jehovah boldet ne chepcheb, ak nyonei agoi Misri: ak kiistoi kanamonikab Misri eng’ tainnyi, ak kochoot muguleldab Misri eng’ kwenunnyi.

ISAIAH 29:6

Nyonjin Jehovah ne bo lugosiek inendet eng’ tulet, ak eng’ botanetab ng’ony, ak bolatet ne o, ak kipchurjuriet ak usonet ne o, ak liblibenetab mat ne beelsei.

ISAIAH 66:15

Amu ogeero, nyonei Jehovah eng’ mat, ak koigei karisiekyik che bo luget kipchurjuriet; koyaakta neregekyik eng’ koromnatet, ak koyaakta kerennyi bo kong’ eng’ liblibenetab mat.

JEREMIA 4:13

Ogeero, togosu ko u bolik, ak u kipchurjuriet karisiekyik che bo luget: chepcheb mbartanyisiekyik kosiir kipsichinik. Bwa eng’ achek! Amu kageng’emech.

DANIEL 7:13

Kiageer eng’ ng’ang’utikab kemoi, ogeero, kinyo eng’ bolikab kipsengwet, age ne kergei ak weritab chi, ak kinyo ole mi inendet ne bo keny, ak kigimut inendet korik taitab inendet ne bo keny.

HOSEA 8:7

Amu kolei usonet, ak kesei kipchurjuriet: matinyei bek che tonondos; maiitos itikab bek; ngot koiiyo, koamei kipsagarek kotarei.

JOEL 2:13

ak ogerer mugulelwekwok, amogerer ngoroikwok, ak oweekyige Jehovah Kamuktaindeng’wong’: amu tinyei mieindo inendet ak ko nyiitat rirenet, masib konerechi, ak tinyei chang’indab rirenet, ak kowalei kabwatutikyik eng’ yaitiet.

JONAH 4:2

Ak kisa Jehovah kole, Asain, ee Jehovah, tos ma ng’olyondonito ne kigamwa ye kingota ami emennyu? Kiamwei anyun achakte awe Tarsis: amu kiangen ale i Kamuktaindet ne bo mieindo, ak ne nyiitat rirenet, ne ma sib konerechi, ak kotinyei chang’indab rirenet, ak iwale kabwatutiguk agobo yaitiet.

SEKARIA 9:14

Ak kotook Jehovah eng’ baragunywa, ak kwo ne kipchabennyi ko u kalyelet: ak koguut Kiptaiyat Jehovah iriaget, ak kwo koboto kipchurjurinik che bo murot ne bo tai.

KAITOSYEK 14:18

Masib konerech Jehovah, ak ko nyiitat rirenet, ne nyochin kaat tengekto ak bistoet, ama nyochin kaat buch kiptengekyot; ago iityin lagok agobo tengektab kwanisiekwak, agoi ibinda ne bo somok ak ne bo ang’wan.

MATAYO 26:64

Kolenji Jesu, Kaimwa: ago amwawok ale, Koboch nguno kotun ogeere Weritab chi kotebyei eng’ eutab tai ne bo kamuktaet, ak konyonei eng’ baragutab bolik che bo kipsengwet.

JAKOBO 1:19

Ongen ng’olyondoni, chamanikyuk che kitupche. Ago ingochepchebit chi age tugul kogas, amaek ne sib kong’alali, ama sib konerechi:

NG'ANG'UTYET 1:7

Ogeero, nyonei koboto bolik; ak tun keerei inendet konda age tugul, koboto ichek che kiga toor inendet; ak koteiyo bororiosiek tugul che bo ng’ony amu inendet. Ee, u noto, Amen.