MIKAH 7:19 - BUKUIT NE TILIL

¹⁹ Tun weeksei kogeny ak korirenech; tun tiekyin ng’ony tengekwogikyok: ak iwirji tengekwogikwak tugul rirosiekab nyanjet.

Bukuit Ne Tilil

¹⁹ Tuun weeksei kogeny ak korirenech; tuun istoiwech tengekwogikyok: tuun iwiirchini tugul rirosyegap nyanjet.

BUKUIT NE TILIIL Sireet ne Dutero Kanon

¹⁹ Tuun weeksei kogeny ak korirenech; tuun istoiwech tengekwogikyok: tuun iwiirchini tugul rirosyegap nyanjet.

MIKAH 7:19 ပူးပေါင်းရင်းမြစ်များ

2 SAMUEL 24:14

Ak kilenji Daudi Gad, Ami eng’ bichindo ne o: ngibutyi eutab Jehovah; amu chang’ rirenosiekyik: ameng’abutyi eutab chi.

TIENWOGIKAL 103:12

Ko u ye loochin kong’asis ak cherongo, Ko u noto kigoistoenech chalwogikyok kolooegitu.

TIENWOGIKAL 130:8

Ak kitiachi inendet Israel Eng’ tengekwogikyik tugul.

TIENWOGIKAL 85:3

Kiiste neregeguk tugul: Kiituktochi batai koromnatetab neregeguk.

ISAIAH 33:24

Ak ma tun mwaei ne meng’isiei kole, Amiani: kinyochin kaat bik che menyei oloto, tengekwogikwak.

ISAIAH 38:17

Keero, kianyoru ng’wanindo ne o agobo kalyennyu: Ago kiisoru sobondanyu komong’une keringetab ng’emisiet amu ichame: Amu kiiwirte tengekwogikyuk koba let.

ISAIAH 43:25

Ane, ee anendet ne aistoi bistaosieguk, amu kainennyu; amabwati tengekwogiguk.

JEREMIA 31:20

Tos werinnyu ne achame, Epraim? Tos inendet ko lakwet ne kiboiboitune? Amu ye ang’alali kotugul arenye inendet, abwati inendet mising’ kora: iima moennyu amu inendet; arire inendet iman, mwaei Jehovah.

JEREMIA 31:34

Ama koneti kogeny chi age tugul chitab kokwennyi, ama koneti chi age tugul ng’etab kamet, kolenjin, Nai Jehovah: amu tun naa ichek tugul, koboch ne ming’in eng’ ichek agoi ne o, mwaei Jehovah: amu anyochini kaat amun yaitienywa, ama abwati tengektanywa kogeny.

JEREMIA 33:8

Ak aun ichek eng’ tengektanywa tugul, che kigoyaiywa; ak anyochi kaat amu tengekwogikwak tugul, che kigoyaiywa, ak che kigongeleljinena.

JEREMIA 50:20

Kicheng’ei tengektab Israel eng’ betusiechoto ak eng’ kenyisiechoto, mwaei Jehovah, ama kinyoru; ak kicheng’ei tengekwogikab Juda, ama kinyoru: amu anyochini kaat ichek che abagaktoi kong’et.

RIREKAB JEREMIA 3:22

Ki rirenosiekab Jehovah kityo si ma kigeswech, amu mararu rirenosiekyik.

RIREKAB JEREMIA 3:32

Amun agot nga kon arogenet, kota korire ko u chang’indab rirenosiekyik.

EZEKIEL 18:22

Magiityin inendet agot agenge eng’ bistaosiekyik che kigoyai: sobei inendet eng’ imandanyi ne kigoyai.

EZEKIEL 39:29

ama aung’e ichek togennyu kogeny; amu kaarong’ji tamirmiriennyu gotab Israel, mwaei Kiptaiyat Jehovah.

DANIEL 9:24

Kaging’atyi biguk wigisiek tamanwogik tisab koboto nganaseng’ung’ ne tilil, si kiges bistoet, ak kiges tengekwogik, ak keyai katuiyet agobo tengekto, ak keib imanda ne bo koigeny, ak keng’och ng’ang’utiet ak maoinatet, ak kiil, kitaban ole tilil mising’.

HOSEA 14:2

Ib ng’alek, ak iweekyige Jehovah: ilenji inendet: Iste tengekwogik tugul, ak itaach che miach: kigoitoi anyun kagochinetab kutuswekyok ne kata kigoitoi kirugik.

HOSEA 14:4

Asoobi kachuchugeng’wong’ bo ge, achame ichek mising’: amu kogoistoegei inendet neregekyuk.

SEKARIA 3:4

Ak kiwol inendet kolenji ichek che kitonone tainnyi, Oreegune inendet ngoroikyik che muruonen. Ak kimwachi inendet kolenji, Keero, kaistoenen tengektang’ung’, ak alaagun ngoroik che kororon.

ROMANIK 6:14

Amu matinyei tengek bounatet eng’ okwek: amu ma omi eng’ Ng’atutik, ago eng’ mieindo.

ROMANIK 8:13

amu ngosubi borto, obegu matiny; ago ngobar eng’ Tamirmiriet boisionikab borto, osoptosi.

NG'ATUTIK 30:3

kowal anyun Jehovah Kamuktaindeng’ung’ luulet ne kigiluulin ak korirenen, ak koweek koyumin eng’ bororiosiek tugul, ole kiiyestochin Jehovah Kamuktaindeng’ung’.

NG'ATUTIK 30:6

Ak komuratan Jehovah Kamuktaindeng’ung’ muguleldang’ung’, ak mugulelwekab iyoteng’ung’, si icham Jehovah Kamuktaindeng’ung’ eng’ muguleldang’ung’ komugul, ak eng’ sobondang’ung’ komugul, si isob.

NG'ATUTIK 32:36

Amu iruokyinechin Jehovah bikyik, Ak korir mo agobo otwogikyik; Ye keer kole kagowandagei kimnatenywa, Ama mi ne kong’et ne ratat anan ne ma ratat.

TITO 2:14

ne kiigoitogei agobo achek, si kobiit kotiachech eng’ tengekto tugul, ak kotililjigei bik koek chechik, che lewenotin, che igiilegei eng’ boisionik che miach.

HEBRANIK 8:12

Amu tun arire ichek amu tengekwogikwak, Ama tun abwati tengekwogikwak agoi.

1 JOHANA 3:8

inendet ne yaei tengek ko bo oindet; amu kiyai oindet tengek koboch taunet. Kigeng’any Weritab Jehovah amu noto, si kobiit kong’em boisionikab oindet.