MIKAH 7:18 - BUKUIT NE TILIL

¹⁸ Ng’o Kamuktaindet ne u inye, ne nyochin kaat bik amu tengekto, ak kosiirtoe bistoetab bik che king’et che bo borotennyi? Magonori neregekyik agoi, amu baibaitune rirenet.

Bukuit Ne Tilil

¹⁸ Ng'oo Kamuktaindet ne uu inyee, ne nyochin kaat piik amu tengekto, ak kosiirtoe pistoetap piik che ki ng'et che po porotennyi? Mateptoi nereegekyik agoi, amu paibaitune rireenet.

BUKUIT NE TILIIL Sireet ne Dutero Kanon

¹⁸ Ng'oo Kamuktaindet ne uu inyee, ne nyochin kaat piik amu tengekto, ak kosiirtoe pistoetap piik che ki ng'et che po porotennyi? Mateptoi nereegekyik agoi, amu paibaitune rireenet.

MIKAH 7:18 ပူးပေါင်းရင်းမြစ်များ

TAUNET 4:7

Ngot iyai ne mie, ko tos, magitaachin? Ago ngo meyai ne mie, komitei kurget tiseiywotab tengekto: ak tokyiningei magennyi ak ibou inendet.

1 LAITORINIK 8:23

ak kile, Ee Jehovah, Kamuktaindetab Israel, mami Kamuktaindet age ne u inye, eng’ barak kipsengwet, anan eng’ ng’ony orit; ne ribei kayomiset ak rirenet eng’ otwogiguk, che bendote taing’ung’ eng’ mugulelwekwak tugul:

2 ATEPTAP PEETUUSYEK 30:9

Amu ngoweekyige Jehovah, kosichei tupchosiekwok ak lagokwok rirenet eng’ taitab icheget che kiluul ichek, ak koweek kogeny kobwa emoni: amu tinyei Jehovah Kamuktaindeng’wong’ mieindo ak rirenet, ama ituktochinok batai, ngot oweekyige inendet.

2 ATEPTAP PEETUUSYEK 6:21

Ak igas somutikab otwogindeng’ung’, ak biguk Israel, ye saei kotokyingei yuto; ee kas anyun eng’ ole imenye, eng’ kipsengwet; ak ye igas, inyochi kaat.

NEEMIA 9:17

ak koesio kogas it, amata kobwat kwong’utiguk che kiiyai eng’ kwenunywa, ago kiiuuiit kaatinywa, ak eng’ ngelelnatenywa ko kilewen kiptaiyat komut ichek koweekyigei otwoknatenywa: ago i Kamuktaindet ne i chobot inyochi kaat, i bo mieindo ak ko nyiitat rirenet, ne ma sib konerechi, ak itinye chang’indab rirenet, ama imete ichek.

TIENWOGIKAL 103:13

Ko u ye rire kwanda lagokyik, Ko u noto rire Jehovah ichek che iywei inendet.

TIENWOGIKAL 130:4

Ago mitei nyoetab kaat eng’ inye, Si kobiit kiywein.

TIENWOGIKAL 35:10

Len kowekyuk tugul, Ee Jehovah, ng’o ne ogerge, Ne soru ne nyalili eng’ inendet ne kim kosiir, Ee, ne soru ne nyalili ak ne matinyei kiy eng’ inendet ne rebei tugukyik?

TIENWOGIKAL 65:3

Katemena tengekwogik: Ak iundoi inye bistaosiekyok.

TIENWOGIKAL 65:4

Baibai mising’ chito ne ileweni, ak imuti korikyin, Si kobiit komeny seremusieguk: Ak kebiye mieindab gong’ung’, Ole tilil eng’ hekalung’ung’.

TIENWOGIKAL 71:19

Toror agine imandang’ung’ mising’, ee Kamuktaindet; Inye ne kiiyai tuguk che eechen, Ee Kamuktaindet, ng’o ne ogerge?

TIENWOGIKAL 86:15

Ago inye, ee Kiptaiyat, ko i Kamuktaindet ne nyiitat rirenet ak ko bo mieindo, Ne masib konerechi, ne tinyei chang’indab rirenetab ge ak imanit.

TIENWOGIKAL 86:5

Amu i mie inye Kiptaiyat, ak i chobot inyochi kaat, Ak itinye chang’indab rirenetab ge eng’ ichek che kuurin.

TIENWOGIKAL 89:6

Amu mi ng’o eng’ barak ne kirogendoe Jehovah? Tos mi ng’o eng’ werikab che kimen ne kergei ak Jehovah,

TIENWOGIKAL 89:8

Ee Jehovah, Kamuktaindet ne bo lugosiek, Ng’o ne bo kamuktaet ko u inye, ee JAH? Ak yiemin imandang’ung’.

KOMONG'U 15:11

Ee Jehovah, tos ngoro ne u inye eng’ cheptalelisiek? Tos ng’o ne u inye, ne konyitot eng’ tililindo, Ne kiywei eng’ kalosunet, ne yaei kwong’utik?

KOMONG'U 34:9

Ak kile, Ngo kaanyoru nguno chamet eng’ taing’ung’, Ee Kiptaiyat, asain ale, ingocham Kiptaiyat kebe tugul; amu uui kaat bichu; ak inyoiywech kaat tengekwogikyok ak chalwogikyok, ak inamech keegu boroteng’ung’.

ISAIAH 1:18

Obwa anyun, keng’alal, mwaei Jehovah: agot ngo biriren tengekwogikwok, koleelagitu ko u teluchi; agot ngo biriren mising’, koigeitu kororikab kechirek.

ISAIAH 33:24

Ak ma tun mwaei ne meng’isiei kole, Amiani: kinyochin kaat bik che menyei oloto, tengekwogikwak.

ISAIAH 38:17

Keero, kianyoru ng’wanindo ne o agobo kalyennyu: Ago kiisoru sobondanyu komong’une keringetab ng’emisiet amu ichame: Amu kiiwirte tengekwogikyuk koba let.

ISAIAH 40:18

Orogendoi ng’o anyun Kamuktaindet? Anan nee kergeindo ne orogendoi inendet?

ISAIAH 40:25

Orogendoa ng’o anyun, kot kegergeitu ak inendet? Mwaei Inendet ne Tilil.

ISAIAH 43:25

Ane, ee anendet ne aistoi bistaosieguk, amu kainennyu; amabwati tengekwogiguk.

ISAIAH 44:22

Kiaiste bistaosieguk, ko u boldet ne o, ak kiaiste tengekwogiguk, ko u boldet: weekyage; amu kiatiachin.

ISAIAH 55:7

ingometo kiptengekyot orennyi, ak ingometo inendet ne ma bo iman, kabwatutikyik: ak ingoweekyigei Jehovah, si korire; ak ingoweekyigei Kamuktaindennyo, amu nyochin kaat iman.

ISAIAH 57:10

Kiing’et amu koindab oreng’ung’; ago kima imwa ile, Mami kamang’unet: kiinyoru kasoobetab kimnateng’ung’; ma itanui anyun.

ISAIAH 57:16

Amu magibortosi agoi, ama kinerechi kotugul: amu katatanui tamirmiriet eng’ tainnyu, ak sobonwek che kiayai.

ISAIAH 62:5

Amu ko u ye ituni mureno bergeiyat, u noto tun itunin weriguk: ak ko u ye baibaitu sandet eng’ mureret, ko u noto, tun boiboitu Kamuktaindeng’ung’ eng’ inye.

ISAIAH 64:9

Amat inerech mising’, ee Jehovah, amat ibwat tengekto agoi: keero, keer komie, kisain, ki biguk achek tugul.

ISAIAH 65:19

Ak abaibaitune Jerusalem, abaibaitune bikyuk: ama kegasei ne rirei eng’ nganasanato, anan tuget ne bo rirek.

JEREMIA 3:12

Ui mwachi ng’alechu komostab murot ne bo katam, ilenji, Weege, inye Israel ne kiiweekyige let, mwaei Jehovah; ma ageerok eng’ neregek: amu atinye rirenet, mwaei Jehovah, manerechi agoi.

JEREMIA 3:5

Tos nerechi inendet agoi? Nerechi agoi kagesunet? Keero, kiing’alal, ak kiiyai tuguk che yaachen ak kiisub oreng’ung’.

JEREMIA 31:20

Tos werinnyu ne achame, Epraim? Tos inendet ko lakwet ne kiboiboitune? Amu ye ang’alali kotugul arenye inendet, abwati inendet mising’ kora: iima moennyu amu inendet; arire inendet iman, mwaei Jehovah.

JEREMIA 31:34

Ama koneti kogeny chi age tugul chitab kokwennyi, ama koneti chi age tugul ng’etab kamet, kolenjin, Nai Jehovah: amu tun naa ichek tugul, koboch ne ming’in eng’ ichek agoi ne o, mwaei Jehovah: amu anyochini kaat amun yaitienywa, ama abwati tengektanywa kogeny.

JEREMIA 32:41

Ee, aboiboitune ichek ayachi ne mie, ak amin ichek eng’ emoni iman eng’ muguleldanyu komugul ak eng’ sobondanyu komugul.

JEREMIA 33:8

Ak aun ichek eng’ tengektanywa tugul, che kigoyaiywa; ak anyochi kaat amu tengekwogikwak tugul, che kigoyaiywa, ak che kigongeleljinena.

JEREMIA 38:8

komanda Ebed-melek eng’ gotab laitoriat, ak komwachi laitoriat kolenji,

JEREMIA 50:20

Kicheng’ei tengektab Israel eng’ betusiechoto ak eng’ kenyisiechoto, mwaei Jehovah, ama kinyoru; ak kicheng’ei tengekwogikab Juda, ama kinyoru: amu anyochini kaat ichek che abagaktoi kong’et.

JEREMIA 9:24

ago ingolosgei eng’ ng’olyondoni inendet ne ilosugei, kole, ingena ak konaa, kole, a Jehovah ne boisie chamnyet ne tala, kiruoget, ak imanda eng’ ng’ony: amu aboiboitune tuguchuto, mwaei Jehovah.

EZEKIEL 18:23

Tos abaibai eng’ meetab kiptengekyot? Mwaei Kiptaiyat Jehovah: tos ma abaibai ngo week kometo orennyi si kosob?

EZEKIEL 33:11

Mwachi ichek ilenji, Ko u ye asobe, mwaei Kiptaiyat Jehovah, ko mabaibaitune meetab kiptengekyot; ago abaibai ngo week kiptengekyot kometo orennyi, ak kosob: oweege, oweege, omete ortinwekwok che yaach; amu nee si obegu, ee gotab Israel?

EZEKIEL 33:16

Magiityin inendet agot agenge eng’ tengekwogikyik che kigoyai: kigoyai inendet kit ne bo iman ak ko litit; sobei iman.

DANIEL 9:9

Bo Kiptaiyat Kamuktaindennyo rirenosiek ak nyoetab kaat; amu kigingelelji inendet;

HOSEA 14:2

Ib ng’alek, ak iweekyige Jehovah: ilenji inendet: Iste tengekwogik tugul, ak itaach che miach: kigoitoi anyun kagochinetab kutuswekyok ne kata kigoitoi kirugik.

HOSEA 14:5

Aigeitu rewot eng’ Israel: yiei inendet ko u taptet ne kararan, ak kowakta tigitikyik ko u Lebanon.

JOEL 2:32

Ak tun kisoru age tugul ne kuurei kainetab Jehovah: amu tun mitei che chilildos eng’ tulwetab Sion ak Jerusalem, ko u ye kigomwa Jehovah, ak tun kuurei Jehovah alak eng’ ichek che king’et.

AMOS 1:11

Mwaei Jehovah ko u ni kole: Maaweechi biret ne abire Edom, amu bistaosiekyik somok, ee agot ang’wan; amu kione tupchennyi rotwetab chok, ak kiisto rirenetab ge tugul, ak kinerechi mising’ kotugul, ak kigonor neregekyik koigeny:

AMOS 7:8

Ak kilenja Jehovah, Amos, igeere nee? Ak kiale, Ageere borowet ne kilititisie. Kile anyun Kiptaiyat, Keero, andoi borowet ne kilititisie kwenutab bikyuk Israel; ma abune kogeny ole mi ichek:

AMOS 8:2

Ak kilenja, Amos, igeere nee? Ak kialenji, Ageere kitongetab logoek che bo kemeut. Kilenja anyun Jehovah, Kanyonji kagesunet bikyuk Israel; ma abune kogeny ole mi ichek.

JONAH 4:2

Ak kisa Jehovah kole, Asain, ee Jehovah, tos ma ng’olyondonito ne kigamwa ye kingota ami emennyu? Kiamwei anyun achakte awe Tarsis: amu kiangen ale i Kamuktaindet ne bo mieindo, ak ne nyiitat rirenet, ne ma sib konerechi, ak kotinyei chang’indab rirenet, ak iwale kabwatutiguk agobo yaitiet.

MIKAH 2:12

Ee Jakobo, ayumok iman okwek tugul; ayumi iman che king’et che bo Israel; ayumi ichek ko u kechirekab Bosra: ko u akwetab kechirek eng’ kwenutab ole agete, boldos kot amu chang’indab bik.

MIKAH 4:7

ak ayai inendet ne ing’wali koek ne ng’etunot, ak ayai inendet ne kigetimda kolooit koek bororiet ne kim: ak koboi Jehovah ichek eng’ tulwetab Sion koboch yoto agoi koigeny.

MIKAH 5:3

Igoitoi anyun inendet ichek kot koit betut ne sigisiei inendet ne tinyei ng’wanindo: tun weekyingei anyun che king’et che bo tupchosiekyik, lagokab Israel.

MIKAH 7:14

Iyage biguk eng’ kiroktang’ung’, akwetab boroteng’ung’, che meng’isiei ichegei, eng’ osnet ne mi kwenutab Karmel: ingoagetyo eng’ Basan ak Gilead, ko u betusiek che bo keny.

SEPANIA 3:17

Mi kwenung’ung’ Jehovah Kamuktaindeng’ung’, inendet ne bo kamuktaet, ne soru: boiboitunenen eng’ boiboiyet, sisei eng’ chamnyennyi, boiboitunenen eng’ tiendo.

KAITOSYEK 23:21

Tomo kogeerji Jakobo tengekto, Ama keerji Israel kiy ne imaasat. Mi koboto inendet Jehovah Kamuktaindennyi, Ak mi cheetab laitoriat kwenunywa.

LUKA 15:32

Ago kanyolu keboiboitu ak kigasge: amu kiga kome weri otupche, ago kagosob kogeny; kiga kobet, ago kagobiit.

LUKA 24:47

ak keamdaat eng’ bororiosiek tugul sigunet ak nyoetab kaat ne bo tengekwogik eng’ kainennyi, kitaune Jerusalem.

ROMANIK 11:4

Ago lenjin nee wolunetab Jehovah? Kaatukyige murenik elfusiek tisab, che ma kutung’ji Baal.

NG'ATUTIK 33:26

Ee, Jesurun, mami ne u Kamuktaindet, Ne lanyei kipsengwetisiek si kotoretin, Ak lanyei barak eng’ telunatennyi.

JAKOBO 2:13

Amu matinyei kiruoget rirenetab ge eng’ inendet ne ma ibor rirenetab ge: itororegei rirenetab ge kogirindoi kiruoget.

KIRUOGIK 10:16

Ak kiisto kanamonik che too eng’ kwenunywa, ak koot Jehovah: ak kiarogen sobondanyi amu nyalildab Israel.