MIKAH 7:12 - BUKUIT NE TILIL

¹² Bwanjinin ichek eng’ betunoto, kobunu Asuria ak nganasokab Misri, ak koboch Misri agoi Ainet, ak koboch nyanjet agoi nyanjet, ak koboch tulwet agoi tulwet.

Bukuit Ne Tilil

¹² Pwonjinin icheek eng' peetuunooto, kobunu Assyria ak nganasoogap Misiri, ak kobooch Misiri agoi aineet, ak kobooch nyanjet agoi nyanjet, ak kobooch tulweet agoi tulweet.

BUKUIT NE TILIIL Sireet ne Dutero Kanon

¹² Pwonjinin icheek eng' peetuunooto, kobunu Assyria ak nganasoogap Misiri, ak kobooch Misiri agoi aineet, ak kobooch nyanjet agoi nyanjet, ak kobooch tulweet agoi tulweet.

MIKAH 7:12 ပူးပေါင်းရင်းမြစ်များ

ISAIAH 11:11

Ak eng’ betunoto koyogoito Kiptaiyat eunnyi kogeny ne bo aeng’, kosor bikyik che tun ng’etu, eng’ Asuria, ak eng’ Misri, ak eng’ Patros, ak eng’ Kus, ak eng’ Elam, ak eng’ Sinar, ak eng’ Hamat, ak eng’ emotinwek che mi ngegusiek.

ISAIAH 11:16

Ak kobiit oret ne o ne bo bikyik che tun ng’etu eng’ Asuria; ko u ye kimi agobo Israel eng’ betut ne kitogosu komong’une emetab Misri.

ISAIAH 43:6

Amwachini murot ne bo katam, alenjini, Konu; ak amwachi murot ne bo tai, alenji, Ametuuch; omutu werikyuk kobun ole loo, ak omutu tibikyuk eng’ tabanwekab ng’ony;

ISAIAH 49:12

Ogeero, bunu chu ole loo: ak ogeero, bunu chu murot ne bo katam ak cherongo; ak bunu chu emetab Sinim.

JEREMIA 23:3

Ak ayum che king’et che bo akwennyu komong’ eng’ emotinwek tugul ole kigaonji, ak amutu kogeny kobwa biusiekwak; ak koiiyo kotesogis.

JEREMIA 3:18

Tun bendoti eng’ betusiechoto gotab Juda ak gotab Israel, ak kobwa tuwai komong’ eng’ emet ne bo murot ne bo katam, kobwa emet ne kiagochi kwanisiekwok kobunji.

JEREMIA 31:8

Ogeero, amutu ichek eng’ emet ne bo murot ne bo katam, ak ayum ichek eng’ tabanwekab ng’ony, koboto ne korat, ak ne ing’wali, koboto kwondo ne tamano, ak inendet ne machei kosigis: weeksei olito, ko tuiyet ne o.

JEREMIA 46:27

Ago meiywei, ee Jakobo otwogindennyu, anan iarogen, ee Israel; amu, keero, asorun eng’ ole loo, ak asoru iyoteng’ung’ eng’ emet ne kigiluulji; ak koweek Jakobo, ak komuuny ak kotebe kalyet, ama mi chi ne imui.

EZEKIEL 29:21

Abityini gotab Israel kuinet eng’ betunoto, ak agonin kitwegu eng’ kwenunywa; si konai kole a Jehovah.

EZEKIEL 37:21

Ak ilenji ichek, Mwaei Kiptaiyat Jehovah ko u ni kole: Ogeero, amutu lagokab Israel komong’ eng’ bororiosiek, ole kigoba, ak ayum ichek eng’ komosta agenge tugul, ak amutu ichek kobwa emenywa.

HOSEA 11:11

Bwanei kobotanionu ko u taritiet ne mong’une Misri, ak ko u cheptuget ne mong’une emetab Asuria: ak agochi ichek komeny gorikwak, mwaei Jehovah.