MIKAH 6:5 - BUKUIT NE TILIL

⁵ Ee bikyuk, obwat ne kisom Balak laitoriatab Moab, ak kit ne kiwolji Balaam weritab Beor inendet; obwat koboch Sitim agoi Gilgal, si kobiit onai boisionikab iman che bo Jehovah.

Bukuit Ne Tilil

⁵ Ee piikyuk, obwaat ne ki soom Balak laitoryatap Moab, ak kiit ne ki wolji Balaam weeriitap Beor ineendet; obwaat kobooch Shitim agoi Gilgal, si kobiit onai poisyonigap iman che po Kamuktaindet ne Toroor.

BUKUIT NE TILIIL Sireet ne Dutero Kanon

⁵ Ee piikyuk, obwaat ne ki soom Balak laitoryatap Moab, ak kiit ne ki wolji Balaam weeriitap Beor ineendet; obwaat kobooch Shitim agoi Gilgal, si kobiit onai poisyonigap iman che po Kamuktaindet ne Toroor.

MIKAH 6:5 ပူးပေါင်းရင်းမြစ်များ

TIENWOGIKAL 111:4

Kiyai Jehovah boisionikyik che kikwong’e, si kibwataat: Bo Jehovah mieindo ak ko nyiitat rirenet.

TIENWOGIKAL 143:11

Isooba, ee Jehovah, amu kaineng’ung’: Imoong’u sobondanyu eng’ nyalilda amu imandang’ung’.

TIENWOGIKAL 36:10

Ingotepto chamnyeng’ung’ ne tala ichek che ingenin; Ak ingotepto imandang’ung’ che bo iman eng’ mugulelwekwak.

TIENWOGIKAL 71:19

Toror agine imandang’ung’ mising’, ee Kamuktaindet; Inye ne kiiyai tuguk che eechen, Ee Kamuktaindet, ng’o ne ogerge?

ISAIAH 1:27

Tun kitiachi Sion eng’ kiruoget, ak kitiache eng’ imanda bikyik che sigu.

KAITOSYEK 22:41

Ak kingo kagoeech, komut Balak Balaam kotogosta kwo ole mi oldinwek che tororen che bo Baal, ak kigeer eng’ oloto ole bochin bik.

KAITOSYEK 23:27

Ak kilenji Balak Balaam, Nyo anyun amutin komosta age; tamangab kocham Kamuktaindet ichubwa bichoto eng’ oloto.

KAITOSYEK 25:1

Ak kimeny Israel Sitim, ak kitoi koipgei ak tibikab Moabik;

KAITOSYEK 25:2

amu kiguur bik koba ole kigochine kanamonikwak tiseiywek; ak kiamis bik, ak kogutung’ji kanamonik.

KAITOSYEK 31:16

Ogeero, chuto che kiigochi lagokab Israel kolelji Jehovah eng’ ng’olyotab Peor, eng’ ng’olyotab Balaam; ak kibiit koroito eng’ tuiyetab Jehovah amu noto.

KAITOSYEK 31:8

Ak kibar laitorinik che bo Midian, koboto chun alak che kiga kebar; Ebi, Rekem, Sur, Hur, ak Reba, choto laitorinik mut che bo Midian: kibar Balaam weritab Beor agine eng’ rotwetab chok.

KAITOSYEK 33:49

Ak kiimuung’e ole negite Jordan, koboch Bet-jesimot agoi Abel-sitim eng’ warengetab Moab.

EPESOEK 2:11

Noto anyun obwat, ole okwek, che kio Bororiosiek eng’ borto atkinye, che kiguurenok che Ma Kimuratan eng’ ichek che kiguure Kamuratanet, eng’ borto, ne kigiyae eunek;

NG'ATUTIK 16:3

Ameam makatinik che kiginde mermerek koboto paska, am eng’ betusiek tisab koboto makatinik che ma kinde mermerek, choto makatinikab nyalilda; amu kiimong’une emetab Misri eng’ kagirgiret: si ibwat betut ne kiimong’une emetab Misri kote isobe.

NG'ATUTIK 23:6

Amat icheng’ kalyenywa anan borotenywa eng’ betusieguk tugul koigeny.

NG'ATUTIK 8:18

Ago ibwat Jehovah Kamuktaindeng’ung’, amu inendet ne konin kimnatet ne inyorune magornatet: si kogimit kayomisennyi ne kiiyosiechi kwanisieguk, ko u rani.

NG'ATUTIK 8:2

Ak ibwat oret komugul ne kigomutunenen Jehovah Kamuktaindeng’ung’ eng’ kenyisiechu artam eng’ ong’atet, si koming’inin, kotiemin, konai kit ne mi muguleldang’ung’, ngichame irib ng’atutik, anan ngo mechame.

NG'ATUTIK 9:7

Ibwat, ameutie, chang’indab tagisiet ne kiitach Jehovah Kamuktaindeng’ung’ eng’ ong’atet: koboch betut ne kiimong’une emetab Misri, agoi oitu yu, ko kiongelelji Jehovah.

JOSHUA 2:1

Kiiyokto Josua weritab Nun bik aeng’ eng’ Sitim koba eng’ ung’ot kosegei emet, kolenji, Oba ogeer emet, ak Jeriko. Kiba anyun ichek, ak kiit gotab chepkugoniot, ne ki kainennyi ko Rahab, ak kiruiyo yoto.

JOSHUA 3:1

Kong’eet anyun Josua karon mising’, ak kiba eng’ Sitim, agoi koit Jordan, inendet ak lagokab Israel tugul; ak kiruiyo yoto kotom kolanda.

JOSHUA 4:19

Ak kitogos bik eng’ Jordan eng’ betutab taman ne bo arawetab tai, ak kiteech emaisiek eng’ Gilgal, ole bo kiwotetab Jeriko ne tokyingei kong’asis.

2 PETERO 2:15

kingobagakta oretab iman, koba komasta, kosub oretab Balaam ne bo gab Beor ne kicham melektab yaitiet;

1 JOHANA 1:9

Ngot keng’anye tengekwogikyok, koyanat ak ko bo imanda konyoiywech kaat tengekwogikyok, ak kotililech eng’ kiy tugul ne ma bo imanda.

JUDA 1:11

Bwa ichek! Amu kiisub oretab Kaen, ak kogochigei mastaetab Balaam komach melekto, ak kilusyo eng’ ngelelnatetab Kora.

NG'ANG'UTYET 2:14

Ago ating’enen ng’alek tutigin, amu itinye alak eng’ oloto che isubi konetisietab Balaam, ne kiinet Balak konde kanagutiet taitab lagokab Israel, si koam tuguk che kigochin kanamonik, ak kosokso.

KIRUOGIK 11:25

Tos i kaigai inye eng’ kiy age tugul isiir Balak weritab Sipor, laitoriatab Moab? Tos kiborio ak Israel, anan kobargei ak ichek?

KIRUOGIK 5:11

Che looen eng’ cheetab mwogik, eng’ komoswek che kirame beek, Yoto ye mwaitoe boisionikab imanda che bo Jehovah, Boisionikab imanda che bo bounatennyi eng’ Israel. Yeityo korekto bikabo Jehovah koba kot koit ormarichok.

1 SAMUEL 12:7

Otononse anyun nguno, si kobiit ateeiywok eng’ taitab Jehovah agobo boisionik tugul che bo imanda che bo Jehovah, che kiyaiywok ak kwanisiekwok.