MIKAH 6:4 - BUKUIT NE TILIL

⁴ Amu kiamutun itogosu imong’u eng’ emetab Misri, ak kiatiachin imong’une gotab otwognatet; ak kiayokte Musa, Aron, ak Miriam kondoun.

Bukuit Ne Tilil

⁴ Amu ki amutun itogosu imong'u eng' emetap Misiri, ak ki atyachin imang'une kootap otwoknateet; ak ki ayookte Musa, Aron, ak Miriam kondoun.

BUKUIT NE TILIIL Sireet ne Dutero Kanon

⁴ Amu ki amutun itogosu imong'u eng' emetap Misiri, ak ki atyachin imang'une kootap otwoknateet; ak ki ayookte Musa, Aron, ak Miriam kondoun.

MIKAH 6:4 ပူးပေါင်းရင်းမြစ်များ

2 SAMUEL 7:23

Ak ngoro bororiet ne kergei ak biguk, choto Israel, che kiwa Kamuktaindet kotiakyigei koek bikyik, ak koyachigei kainet, ak koyai tuguk che eechen agobo okwek, ak tuguk che bo kamuiset agobo emeng’ung’ eng’ taitab biguk che kiitiach eng’ Misri koek cheguk, eng’ bororiosiek ak cheptalelisiekwak?

TIENWOGIKAL 77:20

Kiimut biguk ko u akwetab kechirek, Eng’ eutab Musa ak Aron.

KOMONG'U 12:51

Ak kiimaanda Jehovah betunoto lagokab Israel eng’ emetab Misri eng’ lugosiekwak.

KOMONG'U 20:2

A Jehovah Kamuktaindeng’ung, ne kiimutun imong’une emetab Misri, eng’ gotab otwognatet.

KOMONG'U 3:10

Nyo anyun, si ayokten iwe gab Parao, si kobiit imoong’u bikyuk lagokab Israel eng’ Misri.

KOMONG'U 4:10

Ak kilenji Musa Jehovah, Bwa Kamuktaindet, mangen ang’alal, koboch agoi, anan koboch ngab ong’alal ak otwogindeng’ung’: amu mangen ang’alal ak ua kut.

KOMONG'U 4:16

Ak egu inendet ng’alalindet ne ng’alaljin bik: ak egu inendet kuting’ung’, ak iige Kamuktaindet eng’ inendet.

KOMONG'U 6:27

Chuto ko icheget che kimwachi Parao laitoriatab Misri, komaanda lagokab Israel eng’ Misri: icheget ko Musa ak Aron.

JEREMIA 32:21

ak kiimutu biguk Israel komong’ eng’ emetab Misri eng’ kaborunoik, ak kwong’utik, ak eng’ eut ne kim, ak eng’ eut ne chuulat, ak eng’ kamuiset ne o;

AMOS 2:10

Ak kiamutwak kogeny otogosu eng’ emetab Misri, ak andoiywok kenyisiek artam eng’ ong’atet, si kobiit onam emetab Amorik kobunjok.

KAITOSYEK 12:1

Kichaam anyun Miriam ak Aron Musa amu kobogoriotab Kus ne kiitun; amu kiitun Jepkusiot.

KAITOSYEK 33:1

Chu banwekab lagokab Israel, ye kingomanda eng’ emetab Misri eng’ lugosiekwak kondochin Musa ak Aron.

POISYONIGAP CHE KIYOKTOI 7:36

Kiimut chichi anyun ichek komanda, ye kingo kagoyai kwong’utik ak kaborunoik eng’ Misri, ak eng’ Nyanjet ne Birir, ak eng’ kenyisiek artam eng’ ong’atet.

NG'ATUTIK 15:15

Ak ibwat ile ki i otwogin eng’ emetab Misri, ak kiitiachin Jehovah Kamuktaindeng’ung’: kang’atin anyun agobo ng’olyondoni rani amu noto.

NG'ATUTIK 24:18

ago ibwat ile ki i otwogin eng’ Misri, kiitiachin Jehovah Kamuktaindeng’ung’ eng’ oloto: kang’atin anyun amu noto ale iyai kiito.

NG'ATUTIK 4:20

Ago konamak Jehovah, ak komutwak omong’une matab karnet, eng’ Misri, oegu bikab borotennyi, ko u rani.

NG'ATUTIK 4:34

Anan kitiem Kamuktaindet au komutyigei bororiet eng’ bororiet age, eng’ tiemisiosiek, eng’ kaborunoik, ak eng’ kwong’utik, ak eng’ boriet, ak eng’ eut ne kim, eng’ eut ne chuulat, eng’ kamuisosiek che eechen, ko u tugul che kiyaiywok Jehovah Kamuktaindeng’wong’ eng’ Misri eng’ taitab konyekwok?

NG'ATUTIK 5:6

A Jehovah Kamuktaindeng’ung’ ne kiamoong’un eng’ emetab Misri, eng’ gotab otwoknatet.

NG'ATUTIK 7:8

ago amu kichamak Jehovah, ak kimach korib kayosiet ne kiiyosiechi kwanisiekwok, kiimoong’wok anyun Jehovah eng’ eut ne kim, kotiachak eng’ gotab otwognatet, eng’ eutab Parao, laitoriatab Misri.

NG'ATUTIK 9:26

Ak kiasa Jehovah ale, Ee Kiptaiyat Jehovah, amewong’u biguk che boroteng’ung’, che kiitaach eng’ etunateng’ung’, che kiimong’u eng’ Misri eng’ eut ne kim.

1 SAMUEL 12:6

Ak kimwachi Samuel bik kolenji, Jehovah ne kileweni Musa ak Aron, ak ko ine ne kiimutu kwanisiekwok kotogos eng’ emetab Misri.