MIKAH 5:8 - BUKUIT NE TILIL

⁸ Ak kotebe bik che king’et che bo Jakobo kwenutab bororiosiek, kwenutab bororiosiek che chang’, ko u ye mi ng’etundo kwenutab tiong’ik che bo osnet, ko u ng’etundo ne neran eng’ kwenutab akwotisiekab kechirek: ne ye bunei kwen kotiegoti ak kotonatoni, ama mi chi ne soru.

Bukuit Ne Tilil

⁸ Ak kotebee piik che ki ng'et che po Jakobo kwenutap pororyosyek, kwenutap pororyosyek che chaang', ko uu ye mi ng'etundo kwenutap tyong'ik che po timiin, ko uu ng'etundo ne neran eng' kwenutap akwotisyegap keechiirek: ne ye punei kween kotyegoti ak kotonatoni, ama mi chii ne saru.

BUKUIT NE TILIIL Sireet ne Dutero Kanon

⁸ Ak kotebee piik che ki ng'et che po Jakobo kwenutap pororyosyek, kwenutap pororyosyek che chaang', ko uu ye mi ng'etundo kwenutap tyong'ik che po timiin, ko uu ng'etundo ne neran eng' kwenutap akwotisyegap keechiirek: ne ye punei kween kotyegoti ak kotonatoni, ama mi chii ne saru.

MIKAH 5:8 ပူးပေါင်းရင်းမြစ်များ

TAUNET 49:9

Juda ko neranetab ng’etundo; Kaiwe werinnyu eng’ ole kaibarji tiondo: Kiing’uruk, koribis ko u ng’etundo, Ak ko u ng’etundo ne nyebuito; ng’o ne ing’eeti?

TIENWOGIKAL 104:20

Iyae mesundeito, ak koek kemoi, Eng’ noto anyun, koguiguiyon tiony age tugul ne bo timin komong’.

TIENWOGIKAL 44:5

Kitoortoi bunikyok eng’ inye: Ak kitieche eng’ kaineng’ung’ che machei kong’eetyech.

TIENWOGIKAL 50:22

Ara anyun obwat chuto, okwek che outie Kamuktaindet, Si matonak, ama biitu chi ne soruok:

KALEWANAIK 30:30

Choto ko chu: ng’etundo, ne kim kosiir tiong’ik tugul; Ama mwee tiony age tugul;

ISAIAH 5:29

u borisenenywa ne bo ng’etundo, borisendos ko u barnotikab ng’etunyik: ee, borisendos, ak konam luulenik, ak komut kochamegei, ama biitu chi ne soru.

EZEKIEL 39:10

kot ko ma kobutei ichek kwenik anan koluul ket age tugul eng’ osnosiek, amu tun ilaale mat karikab luget; ak koluul tugukab bik che kiga koluulei ichek, ak korebe tuguk bik che kiga korebe ichek, mwaei Kiptaiyat Jehovah.

HOSEA 5:14

Amu aigeitu ng’etundo eng’ Epraim, ak aigeitu ng’etundo ne neran eng’ gotab Juda: agereri anendet ak awe; amuti, ama biitu chi ne soru.

MIKAH 2:12

Ee Jakobo, ayumok iman okwek tugul; ayumi iman che king’et che bo Israel; ayumi ichek ko u kechirekab Bosra: ko u akwetab kechirek eng’ kwenutab ole agete, boldos kot amu chang’indab bik.

MIKAH 4:13

Ng’eet ak ibor, ee cheptab Sion: amu ayae kuineng’ung’ koek karnet, ak ayae sioguk koek sugunwet: ak itonaton bororiosiek che chang’: ak itabanji Jehovah kelunoikwak, ak itabanji tugukwak Kiptaiyat ne bo ng’ony komugul.

MIKAH 4:7

ak ayai inendet ne ing’wali koek ne ng’etunot, ak ayai inendet ne kigetimda kolooit koek bororiet ne kim: ak koboi Jehovah ichek eng’ tulwetab Sion koboch yoto agoi koigeny.

MIKAH 5:3

Igoitoi anyun inendet ichek kot koit betut ne sigisiei inendet ne tinyei ng’wanindo: tun weekyingei anyun che king’et che bo tupchosiekyik, lagokab Israel.

MIKAH 7:18

Ng’o Kamuktaindet ne u inye, ne nyochin kaat bik amu tengekto, ak kosiirtoe bistoetab bik che king’et che bo borotennyi? Magonori neregekyik agoi, amu baibaitune rirenet.

SEKARIA 10:5

Ak koigei bik che nyigonen, che tiechei bunikwak eng’ ng’atatekab ortinwek eng’ boriet; ak kobargei, amu mi Jehovah koboto ichek: ak kotoptobenso bik che lanyei mbartanyisiek.

SEKARIA 11:6

Amu ma arire kogeny bik che menyei emoni, mwaei Jehovah: ago keero, agoitoi chi tugul kwo eutab chitab kokwennyi, ak agoite kwo eutab laitoriandennyi: ak kobar emet, amasoru ichek eng’ eunywa.

SEKARIA 12:3

Ak ayae Jerusalem eng’ betunoto koek koita ne nyigis ne iimi bik tugul; nyoru berutik che chang’ ichek che kanabi koyato: ak koyumjigei inendet bororiosiek tugul che bo ng’ony.

SEKARIA 14:18

Ak ngot ko matogosta oretab gotab Misri, amabwa, ko marobonjin agichek; biitu koroito ne bire Jehovah bororiosiek che matogosta koba koyai igorta ne bo keriosiek.

SEKARIA 9:15

Ak korib Jehovah ne bo lugosiek ichek; ak koges, ak kotiekyi ng’ony koik che kiwirtoe borowet; ak koeeiso, ak kowaakyo ko u che kaee divaik: ak kinyiit ko u tabok, ko u luukwekab kaptisisiet.

MALAKI 4:3

Ak otiech kiptengeginik; amu egu orek eng’ keldebesaikab kelyekwok eng’ betut ne ayae nito, mwaei Jehovah ne bo lugosiek.

KAITOSYEK 24:9

Kiribis, koru ko u ng’etundo, Ak ko u ng’etundo ne kotoy; ng’o ne ing’eeti Iberurot age tugul ne iberurin, Ak chubot age tugul ne chubin.

MATAYO 10:14

Ak age tugul ne mataachok, anan kogas ng’alekwok, ko ye omande eng’ goyoto anan nganasanato, olelekte temburiek eng’ kelyekwok.

POISYONIGAP CHE KIYOKTOI 18:6

Ak ye kingogirindagei ak inendet, ak komwa ng’alek kochubis, koleglekta ngoriennyi, ak kolenji, Ingotebi korotikwok eng’ metowekwok; a tilil ane: koboch nguno ko kawe oldab Bororiosiek.

HEBRANIK 12:25

Ogeer, amoesie inendet ne ng’alali. Amu ngot ko kima chililyo ichek ye kingoesio inendet ne kiga koteeita eng’ ng’ony, kesiire ne tia anyun achek ngot keistoege inendet ne iteu eng’ kipsengwet:

HEBRANIK 2:3

kechilildoi ano anyun, ngemete yetunet ne o ne te ni? Ne kiga kisib kemwa eng’ Kiptaiyat, ak kiigimitwech ichek che kigas;