MIKAH 5:7 - BUKUIT NE TILIL

⁷ Ak kotebe bik che king’et che bo Jakobo kwenutab bororiosiek che chang’ ko u rewot ne bunu Jehovah, ko u ropta ne inesyin suswek; ne maigeni chi, anan kogany werikab bik.

Bukuit Ne Tilil

⁷ Ak kotebee piik che ki ng'et che po Jakobo kwenutap pororyosyek che chaang' ko uu rewoot ne punu Kamuktaindet ne Toroor, ko uu ropta ne inesyin susweek; ne ma igeni chii, anan kogany weeriigap piik.

BUKUIT NE TILIIL Sireet ne Dutero Kanon

⁷ Ak kotebee piik che ki ng'et che po Jakobo kwenutap pororyosyek che chaang' ko uu rewoot ne punu Kamuktaindet ne Toroor, ko uu ropta ne inesyin susweek; ne ma igeni chii, anan kogany weeriigap piik.

MIKAH 5:7 ပူးပေါင်းရင်းမြစ်များ

2 SAMUEL 17:12

Si keche inendet eng’ komosta ne kaginyorji, ak kibutyi inendet ko u ye ibutyin rewot ng’ony: ak magituuchi agot agenge, eng’ inendet ak bik tugul che mi koboto inendet.

TIENWOGIKAL 110:3

Chamdogei biguk eng’ betutab kimnateng’ung’: Eng’ kororonindab tililindo, ye machei koeech. Itinye rewotab ming’inateng’ung’.

TIENWOGIKAL 133:3

U rewotab Hermon, Che chorjingei tulonokab Sion: Amu oloto ole king’ate Jehovah kaberuret, Agot sobondab koigeny.

TIENWOGIKAL 72:6

Chorugei inendet ko u ropta ne chorjingei maleliet: Ko u ropta ne inesyin ng’ony.

KALEWANAIK 19:12

U borisenetab ng’etundo neregekab laitoriat; Ago u mieindanyi rewot ne mi suswek.

ISAIAH 32:15

agoi kerong’wech tamirmiriet eng’ barak, ak koek ong’atet mbaret ne rurei, ak kiroge mbaret ne rurei, osnet.

ISAIAH 44:3

Amu arong’jini beek ne amei melel, arong’jini ainosiek emet ne yaamat: arong’jini Tamirmiriennyu iyoteng’ung’, ak arong’jini berurtanyu lagoguk:

ISAIAH 55:10

Amu ko u ye roboni ak kobuti teluchi kobunu kipsengwet, ama weektagei oloto kogeny, ago ibisi ng’ony, ak kogochi tuguk kobityo ak kong’atyo, ak kogochi keswek letaindet, ak kogochi amitwogik chito ne amei;

ISAIAH 66:19

Ak ande kaborunet kwenunywa, ak ayokte che chilildos eng’ ichek koba bororiosiek, koba Tarsis, Pul ak Lud, che ng’iei kwanget, agoi Tubal ak Jaban, agoi ngegusiek che looen, che tom kogas agobo kalosunennyu, anan kogeer torornatennyu; ak komwaita torornatennyu eng’ bororiosiek.

JEREMIA 14:22

Tos mi age tugul eng’ tuguk che bo buch, che bo bororiosiek, ne imuchi kogon ropta? Anan imuch kipsengwetisiek kogon ropta ne inesi? Tos ma inyendet Jehovah Kamuktaindennyo? Kigenin anyun; amu kiiayi tuguchuto tugul.

EZEKIEL 14:22

Ago, ogeero, kituuchi bik che ng’etu che tun kimuti, werik koboto tibik: ogeero, mong’jinok, ak ogeer ortinwekwak ak boisionikwak: ak kigaigaak agobo yaitiet ne koaipchi Jerusalem, agobo tugul che koaipchi.

EZEKIEL 47:1

Ak kiimutwa aweek anyo kurgetab got; ak ogeero, kimong’une beek kureretab tugatugikab got che kitokyingei kong’asis, amu kitokyingei got kong’asis: ak kimong’une beek kurere, eng’ komostab tai ne bo got, eng’ murot ne bo tai ne bo kaptisisiet.

EZEKIEL 5:5

Mwaei Kiptaiyat Jehovah ko u ni kole, Nito ko Jerusalem: kiande kwenutab bororiosiek, ak mi emotinwek komoswekyik.

DANIEL 11:32

Ak komaas inendet eng’ mwaikutnatet che yaei yaitio kowechei kayomiset: ago kimegitu bik che ingen Kamuktaindenywa, ak koyai boisionik che kimen che kikwong’e.

HOSEA 14:5

Aigeitu rewot eng’ Israel: yiei inendet ko u taptet ne kararan, ak kowakta tigitikyik ko u Lebanon.

HOSEA 6:3

Ongenai anyun, ongetes tai kenai Jehovah; mong’u iman ko u ye eechei: ak nyonjinech ko u ropta, ko u ropta ne bo let ne ibisi ng’ony.

JOEL 2:32

Ak tun kisoru age tugul ne kuurei kainetab Jehovah: amu tun mitei che chilildos eng’ tulwetab Sion ak Jerusalem, ko u ye kigomwa Jehovah, ak tun kuurei Jehovah alak eng’ ichek che king’et.

AMOS 5:15

Owech yaitiet, ocham che miach, ak ogimit kiruoget eng’ ormarichet: abere imuchi korire Jehovah, Kamuktaindet ne bo lugosiek, che king’et che bo Josep.

MIKAH 2:12

Ee Jakobo, ayumok iman okwek tugul; ayumi iman che king’et che bo Israel; ayumi ichek ko u kechirekab Bosra: ko u akwetab kechirek eng’ kwenutab ole agete, boldos kot amu chang’indab bik.

MIKAH 4:13

Ng’eet ak ibor, ee cheptab Sion: amu ayae kuineng’ung’ koek karnet, ak ayae sioguk koek sugunwet: ak itonaton bororiosiek che chang’: ak itabanji Jehovah kelunoikwak, ak itabanji tugukwak Kiptaiyat ne bo ng’ony komugul.

MIKAH 4:7

ak ayai inendet ne ing’wali koek ne ng’etunot, ak ayai inendet ne kigetimda kolooit koek bororiet ne kim: ak koboi Jehovah ichek eng’ tulwetab Sion koboch yoto agoi koigeny.

MIKAH 5:3

Igoitoi anyun inendet ichek kot koit betut ne sigisiei inendet ne tinyei ng’wanindo: tun weekyingei anyun che king’et che bo tupchosiekyik, lagokab Israel.

MIKAH 5:8

Ak kotebe bik che king’et che bo Jakobo kwenutab bororiosiek, kwenutab bororiosiek che chang’, ko u ye mi ng’etundo kwenutab tiong’ik che bo osnet, ko u ng’etundo ne neran eng’ kwenutab akwotisiekab kechirek: ne ye bunei kwen kotiegoti ak kotonatoni, ama mi chi ne soru.

MIKAH 7:18

Ng’o Kamuktaindet ne u inye, ne nyochin kaat bik amu tengekto, ak kosiirtoe bistoetab bik che king’et che bo borotennyi? Magonori neregekyik agoi, amu baibaitune rirenet.

SEPANIA 3:13

Ma koyaei tengekto bik che king’et che bo Israel, ama komwaei lembechek; ama kinyorjin ng’olyot ne bo ng’alset kutuswekwak: amu tun amisiei ak koruiyo, ama biitu chi ne imui ichek.

SEKARIA 14:8

Ak tun mong’une beek che soptos Jerusalem eng’ betunoto; bendi kebeberta age kotokyingei nyanjet ne mi kong’asis, kobendi kebeberta age kotokyingei nyanjet ne mi cherongo: bendi ko u noto eng’ kemei ak iwot.

SEKARIA 9:13

Amu kiarikyige Juda ko u kwanget, ak agersach Epraim; ak ang’eet weriguk, ee Sion, kobargei ak weriguk, ee, emetab Yunanik, ak ayain iige rotwetab chok ne bo chito ne nyigan.

MATAYO 28:19

Noto anyun oba, ak oyai bikab bororiosiek tugul koek alamalaik, obatisan ichek eng’ kainetab Kwanda ak ne bo Werit ak ne bo Tamirmiriet ne Tilil;

POISYONIGAP CHE KIYOKTOI 11:15

Ak ye kingatau kang’alal, kochorjigei Tamirmiriet ne Tilil ichek, ko u ye kichorjech ge agachek eng’ taunet.

POISYONIGAP CHE KIYOKTOI 13:46

Kong’alal anyun Paulo ak Barnaba eng’ nyiganatet, kolen, Konyolu kemwawok korok ng’olyotab Jehovah. Amu ogirindoi, ak oruokyinige okwege ole manyolu onyoru sobondab koigeny, ogeero, kagibe oldab Bororiosiek.

POISYONIGAP CHE KIYOKTOI 16:9

Kinyonji anyun ng’ang’utiet Paulo kemoi; kimi chitab Makedonia ne kitononi, kogoigoi inendet, kolen, Long’u Makedonia, nyo toretech.

POISYONIGAP CHE KIYOKTOI 9:15

Ago kilenji Kiptaiyat, Ui inye: amu kinnyu inendet ne aboisie ne kialewen, si koib kainennyu taitab Bororiosiek ak laitorinik, ak lagokab Israel:

ROMANIK 10:20

Ak nyigan mising’ Isaia, ak mwaei kole, Kinyorua ichek che kima cheng’a; Kiatoogu eng’ ichek che ma teeba.

ROMANIK 11:12

Ngot koegu kabutenywa magornatosiekab ng’ony, ak koek lusenywa magornatosiekab Bororiosiek; kosiirei ne tia anyun nyiienywa?

ROMANIK 9:30

Kimwae nee anyun? Kimwae kele kigonor Bororiosiek imanda che kima kosubi imanda, noto ko imanda ne bo kayanet:

1 KORINTOEK 3:6

Kiagole, kobisi Apolo; ago kiibit Jehovah.

NG'ATUTIK 32:2

Rong’ugei konetisiennyu ko u ropta, Sou ng’alekyuk ko u rewot; Ko u ropta ne inesyin suswek che ng’orng’or, Ak ropta ne robonjin suswekab timin:

KIRUOGIK 6:36

Ak kilenji Gideon Kamuktaindet, Ngot isoru Israel eng’ eunnyu ko u ye kiimwa,