MIKAH 5:3 - BUKUIT NE TILIL

³ Igoitoi anyun inendet ichek kot koit betut ne sigisiei inendet ne tinyei ng’wanindo: tun weekyingei anyun che king’et che bo tupchosiekyik, lagokab Israel.

Bukuit Ne Tilil

³ Igoitoi anyun ineendet icheek kot koit peetuut ne sigisyei ineendet ne tinyei ng'wanindo: tuun weekyingei anyun che ki ng'et che po tupchosyekyik, piigap Israel.

BUKUIT NE TILIIL Sireet ne Dutero Kanon

³ Igoitoi anyun ineendet icheek kot koit peetuut ne sigisyei ineendet ne tinyei ng'wanindo: tuun weekyingei anyun che ki ng'et che po tupchosyekyik, piigap Israel.

MIKAH 5:3 ပူးပေါင်းရင်းမြစ်များ

1 LAITORINIK 14:16

Ak metoi Israel amu tengekwogikab Jeroboam, che kiyai inendet, che kiibeete Israel si koyai tengekto.

2 ATEPTAP PEETUUSYEK 30:7

Amoige kwanisiekwok, ak tupchosiekwok, che kiingelelji Jehovah, Kamuktaindetab kwanisiekwak, kot kobagakta ichek koek che kikwong’e, ko u ye ogeere.

TIENWOGIKAL 67:3

Ingolosun bik, ee Kamuktaindet; Ingolosun bik tugul.

ISAIAH 11:11

Ak eng’ betunoto koyogoito Kiptaiyat eunnyi kogeny ne bo aeng’, kosor bikyik che tun ng’etu, eng’ Asuria, ak eng’ Misri, ak eng’ Patros, ak eng’ Kus, ak eng’ Elam, ak eng’ Sinar, ak eng’ Hamat, ak eng’ emotinwek che mi ngegusiek.

ISAIAH 49:6

ee, mwaei kole, Kiy ne ming’in iegu otwogindennyu, si kobiit ing’eet bororiosiek che bo Jakobo, ak iweech che kigirib che bo Israel: agonin kogeny iegu lapkeiyetab Bororiosiek, si kobiit iegu yetunennyu agoi tabanwekab ng’ony.

JEREMIA 23:5

Ogeero, bwanei betusiek, mwaei Jehovah, che ang’eetyini Daudi Temet ne bo iman, ak kolaitoran ko laitoriat, ak kobois eng’ ng’omnatet, ak koyai kiruoget ak imanda eng’ emet.

JEREMIA 31:1

Mwaei Jehovah kole, Aegu eng’ betusiechoto Kamuktaindetab ortinwek tugul che bo Israel, ak koek bikyuk.

EZEKIEL 34:16

Acheng’e ne kibet, ak amutu kogeny ne kigion, ak arob ne kiil, ak agimit ne kimiani: ak abar ne nerat koboto ne kim: abae ichek kiruoget.

HOSEA 11:8

Amuktoi ano ameten, inye Epraim? Amuktoi ano asorun, inye Israel? Amuktoi ano ayain iige Adma? Amuktoi ano ayain iige Seboim? Kagowalak muguleldanyu, kagorira mo.

HOSEA 2:14

Noto anyun, ogeero, agaigai inendet, ak amut inendet kwo ong’atet, ak amwachi ng’alek che agaigae.

HOSEA 2:9

Aweechi anyun bekyuk eng’ betusiekyik, ak aweech divaikyuk eng’ kenyisiekwak, ak arebe kororikyuk che bo kechirek ak mabutekyuk che kota tugegei.

AMOS 5:15

Owech yaitiet, ocham che miach, ak ogimit kiruoget eng’ ormarichet: abere imuchi korire Jehovah, Kamuktaindet ne bo lugosiek, che king’et che bo Josep.

MIKAH 4:4

Ago tebe chi tugul kelutab ketinnyi ne bo sabibuk, ak mogoiywennyi; ama mi chi ne imui: amu kagomwa Jehovah ne bo lugosiek ng’olyondonito.

MIKAH 4:7

ak ayai inendet ne ing’wali koek ne ng’etunot, ak ayai inendet ne kigetimda kolooit koek bororiet ne kim: ak koboi Jehovah ichek eng’ tulwetab Sion koboch yoto agoi koigeny.

MIKAH 5:7

Ak kotebe bik che king’et che bo Jakobo kwenutab bororiosiek che chang’ ko u rewot ne bunu Jehovah, ko u ropta ne inesyin suswek; ne maigeni chi, anan kogany werikab bik.

MIKAH 5:8

Ak kotebe bik che king’et che bo Jakobo kwenutab bororiosiek, kwenutab bororiosiek che chang’, ko u ye mi ng’etundo kwenutab tiong’ik che bo osnet, ko u ng’etundo ne neran eng’ kwenutab akwotisiekab kechirek: ne ye bunei kwen kotiegoti ak kotonatoni, ama mi chi ne soru.

MIKAH 6:14

Iamisiei, amebiyonyi; ak kotebenen kalilaneng’ung’: ak iuu, ago mesoru ne imuti; ak abare rotwetab chok inendet ne imuti.

MIKAH 7:13

Nganda u noto koegu emet karatia amu ichek che menyei oloto, amu logoekab boisionikwak.

SEKARIA 10:6

Ak agimit gotab Juda, ak asoru gotab Josep, ak amutu ichek kogeny, amu arire ichek; ak koigei ye kima amete ichek: amu a Jehovah Kamuktaindenywa, ak agas ichek.

MATAYO 1:21

Ak tun sichei werit; ak iguure kainennyi JESU; amu inendet ne soru bikyik eng’ tengekwogikwak.

MATAYO 12:50

Amu age tugul ne yaei magetab Baba ne mi kipsengwet, noto werit ne kitupche ak chepto ne kitupche, ak kamennyu.

MATAYO 25:40

Ak kowolji Laitoriat kolenji, Amwawok, iman, ale, Ko u ye kioyachi agenge eng’ tupchosiechuchuk, agot che mengechen eng’ tugul, ko kioyaiywa.

ROMANIK 8:29

Amu Jehovah ne kisib konai ichek, ko inendet ne kisib kolewen ichek si kogergeit ak itondab Werinnyi, si koek ne bo tai eng’ che tupcho che chang’: