MIKAH 5:2 - BUKUIT NE TILIL

² Ago inye, Bet-lehem Eprata, ne i ming’in eng’ kwenutab elfusiek che bo Juda, mong’unenen age ne nyonjina ne tun egu bounindetab Israel; ne kicham komong’u koboch keny, koboch koigeny.

Bukuit Ne Tilil

² Ago inyee, Bethlehem Ephratah, ne ii ming'in eng' kwenutap eliphuusyek che po Judah, mong'unenen age ne nyoonjino ne tuun egu pounindetap Israel; ne ki cham komong'u kobooch keny, kobooch koigeny.

BUKUIT NE TILIIL Sireet ne Dutero Kanon

² Ago inyee, Bethlehem Ephratah, ne ii ming'in eng' kwenutap eliphuusyek che po Judah, mong'unenen age ne nyoonjino ne tuun egu pounindetap Israel; ne ki cham komong'u kobooch keny, kobooch koigeny.

MIKAH 5:2 ပူးပေါင်းရင်းမြစ်များ

TAUNET 35:16

Kiba anyun eng’ Betel; ak kingo tom koit Eprat, koam moet Rael, ak kinyor bichiindo eng’ moonato.

TAUNET 35:19

Ak kime Rael, ak kigitupchi oret ne wendi Eprat (yoto ko Bet-lehem).

TAUNET 48:7

Ak kirebena meet Rael eng’ oret, eng’ oret eng’ Kanan abunu Padan, ye kita ko loo kitigin eng’ Eprat: ak kiatupchi oloto, oretab Eprat (noto ko Bet-lehem).

TAUNET 49:10

Maistoegei Juda siarit ne bo bounatet, Ak mabeti ne igoitoi ng’atutik eng’ iyotennyi, Agoi koit Silo; Ak kase it bik tugul inendet.

1 ATEPTAP PEETUUSYEK 2:54

Werikab Salma ko: Bet-lehem, Netopatik, ak Atrot-bet-Joab, koboto kebebertab Manahatik, Sorik.

1 ATEPTAP PEETUUSYEK 4:4

ak Penuel kwandab Gedor, ak Eser kwandab Husa. Chu ko werikab Hur, taitab Eprata, kwandab Bet-lehem.

1 ATEPTAP PEETUUSYEK 5:2

Amu kiiterteris Juda kosiir tupchosiekyik, ak kimong’une inendet bounindet; ago kibunji Josep etunatetab siget:)

TIENWOGIKAL 132:6

Ogeero, kigegas agobo noto eng’ Eprata: Kiginyorji kewet ne mi timdo.

TIENWOGIKAL 90:2

Ye kitom kobiit tulonok, Anan ye kitom iyai emet ak ng’onyut, I Kamuktaindet, koboch keny agoi koigeny.

KOMONG'U 18:21

Nyolu kogeny ilewenote, eng’ bik tugul, bik che kimen, che iywei Kamuktaindet, bikab imanit, che wechei tugukab ng’wen, ak inde ichek koboi bik, koek bounikab elfusiek, ak che bo bogolwogik, ak che bo konomusiek, ak che bo tamanusiek:

KOMONG'U 18:25

Ak kilewenot Musa bik che kimen eng’ Israel tugul, ak kiinde koboi bik, koek bounik che bo elfusiek, ak che bo bogolwogik, ak che bo konomusiek, ak che bo tamanusiek.

ISAIAH 11:1

Ak komong’une temet oretab Jesii, ak koi logoek temet ne biitune tigitikyik:

ISAIAH 53:2

Amu tun eetu eng’ tainnyi ko u ketit ne ng’arng’ar, ak eetu ko u tigitiot eng’ emet ne yaamat: matinyei iton anan kororonindo; ak ye kigeere inendet ko mami korornindo kot kecham.

ISAIAH 55:4

Ogeero, kiagoite inendet koek aboriat eng’ bororiosiek, koek kandoindet, ak ko ng’atindet ne bo bororiosiek.

ISAIAH 7:14

Konok anyun Kiptaiyat inendet kaborunet; ogeero, manachi bergeiyat, ak kosich werit, ak koguure kainennyi Imanuel.

JEREMIA 30:21

Ak kobiitune ichek bounindenywa, ak komong’une kwenunywa kiruogindenywa; ak agochini inendet korik, konyo korikya; amu ng’o inendet ne tinyei nyiganatet korikya? Mwaei Jehovah.

HOSEA 6:3

Ongenai anyun, ongetes tai kenai Jehovah; mong’u iman ko u ye eechei: ak nyonjinech ko u ropta, ko u ropta ne bo let ne ibisi ng’ony.

AMOS 9:11

Ang’eeti eng’ betunoto emaitab Daudi ne kigobut, ak agerate ole kibutok; ak atuuru karatwekyik, ak ateech koigei ne ki bo betusiek che bo keny.

MIKAH 4:10

Ingonamin ng’wanindo, ak igimu, ee cheptab Sion, ko u kwondo ne machei kosigis: amu imandoi anyun nguno eng’ nganaset, ak imeny mbar, ak iwe agoi Babulon; kisorun eng’ oloto; itiachin Jehovah eng’ oloto eng’ eutab buniguk.

SEKARIA 13:7

Ng’eet, ee rotwetab chok, borie mestowondennyu, borie chito ne kimi tuwai, mwaei Jehovah ne bo lugosiek: bir mestowot, si koiyesta kechirek; ak atokyi eunnyu che mengechen.

SEKARIA 9:9

Baibaitu mising’, ee cheptab Sion; waach, ee cheptab Jerusalem: keero, nyonjinin laitoriandeng’ung’: bo iman inendet, ak kotinyei yetunet; iming’inegei, ak kolong’onu sigiriet, moitab sigiriet ne kirgit.

MATAYO 2:1

Ak ye kingo kagesich Jesu eng’ Betlehem ne bo Judea eng’ betusiek che bo laitoriat Herod, ogeero, kibwa Jerusalem bik che ng’omen kobunu kong’asis,

MATAYO 2:6

Ak inye, Betlehem, emetab Juda: Ma i ming’in mising’ eng’ kandoikab Juda, Amu mong’unenen bounindet, Ne tun egu mestowotab bikyuk Israel.

MATAYO 28:18

Ak kinyonji Jesu ichek ak kong’alalji, kolenji, Kigegona kimnatet tugul eng’ kipsengwet ak ng’ony.

LUKA 23:2

Ak kitoi anyun kotaam inendet, kole, Kiginyoru chichi komaasi bororiennyo, ak koetei kigochi Kaisari kodi, ak komwaei inendet kole, A Kristo laitoriat.

LUKA 23:38

Ak kimi sirutik metinnyi barak, che mwaei kolen, NI KO LAITORIAT NE BO YAHUDIK.

JOHANA 7:42

Ma mwa sirutiet, kole, mong’une Kristo keswek che bo Daudi, ak kobun Betlehem, nganaset ole kimi Daudi?

NG'ATUTIK 1:15

Kianam anyun kandoikab ortinwekwok, bik che ng’omen, ak ko toogunotin, ak kiagochi kondoikwok, koek kiptainikab elfusiek, ak kiptainikab bogolusiek, ak kiptainikab konomusiek, ak kiptainikab tamanusiek, ak bounik ko u ortinwekwok.

KOLOSAIK 1:17

ak bo tai inendet eng’ tuguk tugul, ak namegei tuguk tugul eng’ inendet.

HEBRANIK 13:8

Kergei Jesu Kristo eng’ amut ak ra, ak agoi koigeny.

HEBRANIK 7:14

Amu toogu kele kibunu Kiptaiyandennyo oretab Juda; bororiet ne kima mwaitae Musa ng’olyo age tugul eng’ ng’alekab tisiik.

1 JOHANA 1:1

Noto ne kimi koboch taunet, noto ne kigegas, noto ne kigegeer eng’ konyekyok, noto ne kigesue, ak konam eunekyok, agobo Ng’olyotab sobondo,

NG'ANG'UTYET 19:16

Ak kotinyei eng’ ngoriennyi ak eng’ kubestanyi kainet ne kigisir kole, LAITORIAT NE BO LAITORINIK, AK KIPTAIYAT NE BO KIPTAINIK.

NG'ANG'UTYET 2:8

Ak isirji malaikaiyatab kaniset ne mi Smurna, ilenji: Mwaei tuguchu inendet ne bo tai ak ko ne bo let, ne kime, ak kosob kogeny:

NG'ANG'UTYET 21:6

Ak kolenja, Kagosulda. A Alpha ak ko a Omega, taunet ak kagesunet. Agochini buch inendet ne amei melelda che bo kondametutab beekab sobondo.

KIRUOGIK 17:7

Ak kimi mureno age ne kibunu Bet-lehem-juda, ne bo oretab Juda, ne ki Lawindet, ak kimeny oloto koek toondet.

RUTH 1:1

Kibiit rubet eng’ emet eng’ betusiek che kiiruochi kiruogik. Kiwa chito age ne bo Bet-lehem-juda kwo komeny emetab Moab, ak osotiondennyi, ak werikyik aeng’.

RUTH 4:11

Kile anyun bik tugul che kimi ormarichet, koboto boisiek, Ki baorinik. Ingoyai Jehovah kwondo ne kanyo gong’ung’ koigei Rael ak Lea, choto aeng’ che kiteech gotab Israel: ak iegu ne nyolu eng’ Eprata, ak iegu ne toogunot eng’ Bet-lehem;

1 SAMUEL 10:19

ago kaoesie ra Kamuktaindeng’wong’, ne inendet ne soruok eng’ bichiinwekwok ak nyalilwogikwok tugul; ak kaolenji inendet, Achicha, ago inde laitoriat koboiywech. Obwa anyun taitab Jehovah obwanune bororiosiekwok ak elfusiekwok.

1 SAMUEL 17:12

Daudi ko ki weritab Epratindonoto bo Bet-lehem-juda, ne kainennyi ko ki Jesii; ak kitinyei werik sisiit: ak ki boiyot chichoto eng’ betusiekab Saul, kiga koosit eng’ kwenutab bik.

1 SAMUEL 17:18

ak iipchi mugunichu taman bo chego kiptaiyatab elfunywa, ak igeer ole chamdoigei tupchosieguk, ak iibu wolunenywa.

1 SAMUEL 23:23

Ogeer anyun ak onai komoswek tugul ole ung’egei, ak obwa kogeny yu ami, oibu ng’alek che bo iman, si kebe tugul: ak ngot komi emoni, acheng’oti eng’ elfusiek tugul che bo Juda.

1 SAMUEL 8:12

ak kolewenjigei icheget koek kiptainikab elfusiek ak kiptainikab konomusiek; ak kobat mbarenikyik alage, ak koges bekyik, ak kotany karikyik che bo luget, ak tugukab karisiekyik.