MIKAH 4:8 - BUKUIT NE TILIL

⁸ Nyonjinin ng’olyondonito, ee inye, teekset ne koi ne bo akwetab kechirek, tulwetab cheptab Sion; ee, nyonei bounateng’ung’ ni ki bo tai, bounatetab cheptab Jerusalem.

Bukuit Ne Tilil

⁸ Nyonjinin ng'olyoondoniito, ee inyee, teekseet ne kooi ne po akweetap keechiirek, tulweetap cheptap Zion; ee, nyoonei pounateng'ung' ni ki po tai, pounatetap cheptap Jerusalem.

BUKUIT NE TILIIL Sireet ne Dutero Kanon

⁸ Nyonjinin ng'olyoondoniito, ee inyee, teekseet ne kooi ne po akweetap keechiirek, tulweetap cheptap Zion; ee, nyoonei pounateng'ung' ni ki po tai, pounatetap cheptap Jerusalem.

MIKAH 4:8 ပူးပေါင်းရင်းမြစ်များ

TAUNET 35:21

Kiu anyun Israel, ak kiteech emainnyi ole negite teekset ne koi ne bo Eder komosin.

2 SAMUEL 5:7

Ago kinam Daudi irimetab Sion; noto ko nganasetab Daudi.

NEEMIA 3:25

Kiteech kogeny Palal weritab Usai ole tokyingei ole weegegei irimet, ak teekset ne koi ne kiichumda eng’ got ne bo barak ne bo gotab laitoriat, ne negite seremutab ribik. Kiteech kogeny korub inendet Pedaia weritab Paros.

TIENWOGIKAL 24:7

Oyot met, okwek kurgotik; Oyot met, okwek kurgotik che bo koigeny: Si konyo orit Laitoriatab teegisto.

TIENWOGIKAL 48:3

Kigoborgei Kamuktaindet eng’ gorik che eechen che bo nganasanato koek ole kimwechin.

TIENWOGIKAL 61:3

Amu inye ko i ole amwechini, Ak ko i got ne koi ne kim ole aung’ege eng’ bunik.

TYENDO NE SIIREI TUGUL 4:4

U kaating’ung’ teekset ne koi ne bo Daudi ne kigiteekyi karikab luget, Ole kigartate long’onik che mengechen elfut, Long’onik tugul che bo bik che kimen.

ISAIAH 1:26

ak aweegu kiruogiguk ko u eng’ tai, ak aweegu kotigoniguk ko u eng’ tai: ye ibata noto keguurenen Nganasetab Imanda, nganaset ne kiyani.

ISAIAH 10:32

Tonone Nob eng’ betuni bo rani: ing’wereri tulwetab cheptab Sion, tulwetab Jerusalem.

ISAIAH 5:2

ak kibal keringet koyieme, ak koisto koik eng’ yoto, ak kominji ketik che kororon che bo sabibuk, ak koteech teekset ne koi eng’ kwenut, ak kobal kogeny ole kitue sabibuk eng’ yoto: ak kilen imuchi koi sabibuk, ak kii sabibuk che bo timin.

DANIEL 2:44

Ak tun lumdoi Kamuktaindetab kipsengwet eng’ betusiekab laitorinichoto bounatet ne magoi king’em, ama kigochin laitornatanato boror age; ago tuatui ak koges bounatosiechuto tugul, ak tononi koigeny.

DANIEL 7:18

Ago tun taachei bounatet bik che tililen che bo Inendet ne Toror Mising’, ak konam bounatet kobunji ichek koigeny ak koigeny.

OBADIA 1:21

Ak togosu sorunik tulwetab Sion koruokyi tulwetab Esau; ak kobunji bounatet Jehovah.

MIKAH 2:12

Ee Jakobo, ayumok iman okwek tugul; ayumi iman che king’et che bo Israel; ayumi ichek ko u kechirekab Bosra: ko u akwetab kechirek eng’ kwenutab ole agete, boldos kot amu chang’indab bik.

SEKARIA 9:10

Ak ang’em karitab luget eng’ Epraim, koboto mbartanyit eng’ Jerusalem, ak kiges kwangetab boriet; ak komwachi bororiosiek kalyet: ak iboch bounatennyi nyanjet age agoi nyanjet age, ak koboch Ainet agoi tabanwekab ng’ony.

SEKARIA 9:12

Oweekyige irimet, okwek kimonjororinik che otinye kamang’unet: agot rani amwae ale, ageerun konyil aeng’.

SEKARIA 9:9

Baibaitu mising’, ee cheptab Sion; waach, ee cheptab Jerusalem: keero, nyonjinin laitoriandeng’ung’: bo iman inendet, ak kotinyei yetunet; iming’inegei, ak kolong’onu sigiriet, moitab sigiriet ne kirgit.

KAITOSYEK 24:19

Laitorani ne mong’une Jakobo, Ak kong’em che king’et eng’ nganaset.

MATAYO 21:33

Ogas kalewenet age: Kimi chito age ne kitinyei got, ne kiminji sabibuk mbaret, ak kong’ot, ak kobal keringet ole kirurung’e logoek, ak koteech got ne koi, ak komanakyi meek ak kwo emet age.

MARIKO 12:1

Ak kitoi kong’alalji ichek eng’ kalewenaik kole, Kiminji chito age sabibuk mbaret, ak kong’ot, ak kobal keringet ole kirurung’e sabibuk, ak koteech got ne koi, ak komanakyi meek, ak kwo emet age.

EPESOEK 1:21

ne toror kosiir laitornatet tugul, ak bounatet, ak kamuktaet, ak kiptainatet, ak kainet age tugul ne mwaat, ma kityo eng’ kenyisiechu, ago eng’ choto bwanei:

NG'ANG'UTYET 22:5

Ama komi kemout kogeny; ama machei lapkeiyetab tait, anan ko lapkeiyetab asista; amu igochin ichek lapkeiyet Kiptaiyat Jehovah: ak laitorani ichek koigeny ak koigeny.