MIKAH 4:13 - BUKUIT NE TILIL

¹³ Ng’eet ak ibor, ee cheptab Sion: amu ayae kuineng’ung’ koek karnet, ak ayae sioguk koek sugunwet: ak itonaton bororiosiek che chang’: ak itabanji Jehovah kelunoikwak, ak itabanji tugukwak Kiptaiyat ne bo ng’ony komugul.

Bukuit Ne Tilil

¹³ Ng'eet ak iboor, ee cheptap Zion, amu ayae kuineng'ung' koek karnet, ak ayae sioguk koek sugunwet; ak itonaton pororyosyek che chaang', ak itabaanji Kamuktaindet ne Toroor kelunoikwak, ak itabaanji tuguukwak Kiptaiyat ne po ng'wony komugul.

BUKUIT NE TILIIL Sireet ne Dutero Kanon

¹³ Ng'eet ak iboor, ee cheptap Zion, amu ayae kuineng'ung' koek karnet, ak ayae sioguk koek sugunwet; ak itonaton pororyosyek che chaang', ak itabaanji Kamuktaindet ne Toroor kelunoikwak, ak itabaanji tuguukwak Kiptaiyat ne po ng'wony komugul.

MIKAH 4:13 ပူးပေါင်းရင်းမြစ်များ

TIENWOGIKAL 24:1

Bo Jehovah ng’ony, ak che nyiitat ng’ony; Ng’ony, ak che menyei oloto.

TIENWOGIKAL 68:29

Ibun laitorinik kagochinoik Amu hekalung’ung’ eng’ Jerusalem.

TIENWOGIKAL 72:10

Ibu kagochinoik laitorinikab Tarsus ak che bo ngegusiek; Igoitoi kagochinoik laitorinikab Sheba ak Seba.

ISAIAH 18:7

Kiipchin eng’ betunoto Jehovah ne bo lugosiek kagochinet ne bo bik che koen ak ko ng’orng’oren, ak eng’ bik che imuisei koboch taunenywa agoi; bororiet ne ikwaisei ak kotiegoti, ne pcheei ainosiek emenywa, agoi komostab kainetab Jehovah ne bo lugosiek, noto tulwetab Sion.

ISAIAH 21:10

Ee inye, kesisiennyu, ak bek che bo ole kituisie: kaamwawok che kiagas eng’ Jehovah ne bo lugosiek, Kamuktaindetab Israel.

ISAIAH 23:18

Ak koek mung’arennyi ak melektanyi tililindo eng’ taitab Jehovah: magigonori ama kibasei; amu bunjin mung’arennyi ichek che menyei taitab Jehovah, si koam kobiyong’so, ak kolaach ngoroik che bo telunatet.

ISAIAH 5:28

che ng’atiben kipchabonikwak, ak ko riigotin kwangokwak tugul; kirogendoi kelyekab mbartanyisiekwak koik che uuen, ak u cheptirokwak kipchurjuriet:

JEREMIA 51:20

Inye ko i aiywennyu ne bo boriet, ak karikab luget: ak atonatoni bororiosiek eng’ inye; ak abar bounatosiek eng’ inye;

JEREMIA 51:33

Amu mwaei Jehovah ne bo lugosiek, Kamuktaindetab Israel, ko u ni kole: u cheptab Babulon ruanyut ne kiborse eng’ betut ne kitiechei; tomo kitigin, si konyonji betutab kesisiet.

DANIEL 2:44

Ak tun lumdoi Kamuktaindetab kipsengwet eng’ betusiekab laitorinichoto bounatet ne magoi king’em, ama kigochin laitornatanato boror age; ago tuatui ak koges bounatosiechuto tugul, ak tononi koigeny.

HOSEA 10:11

Epraim ko roriat ne kiginet, ne chamei kobor bek; ago kiasiirte eng’ kaatinnyi ne kararan: aganapchini Epraim chito ne lanyei; ibatisiei Juda, birei Jakobo tindinyekyik.

MIKAH 5:7

Ak kotebe bik che king’et che bo Jakobo kwenutab bororiosiek che chang’ ko u rewot ne bunu Jehovah, ko u ropta ne inesyin suswek; ne maigeni chi, anan kogany werikab bik.

HABAKUK 3:12

Kiibun emet ineregoti, Kiibor bororiosiek ko u bek eng’ neregek.

SEKARIA 12:3

Ak ayae Jerusalem eng’ betunoto koek koita ne nyigis ne iimi bik tugul; nyoru berutik che chang’ ichek che kanabi koyato: ak koyumjigei inendet bororiosiek tugul che bo ng’ony.

SEKARIA 12:6

Ayae eng’ betunoto bounikab Juda koigei rokyietab mat ne mi kwenik, ak koigei kegenget ne mi kwenutab ratutikab bek; ak koges bik tugul che mi komoswek tugul che mi eutab tai ak che mi eutab katam: ak komeny Jerusalem kogeny komostanyi, noto ko Jerusalem.

SEKARIA 4:14

Kolenja anyun, Chuto ko werik aeng’ che bo mwanik, che tonone ole negite Kiptaiyat ne bo ng’ony komugul.

SEKARIA 6:5

Ak kiwol malaikaiyat kolenja, Chuto ko usonaik ang’wan che bo kipsengwet che bendi eng’ ole katonone eng’ taitab Kiptaiyat ne bo ng’ony komugul.

1 KORINTOEK 16:2

Ingogonor chi age tugul eng’ okwek eng’ betut ne bo tai ne bo wigit, ko u che te che kanyor, si mabiit kayumisiet ye tun anyo.

NG'ATUTIK 33:25

Egu kweoniguk karik ak sugunonik; Tebyei kimnateng’ung’ ko u betusieguk.

JOSHUA 6:19

Ago fedaisiek tugul, ak tahabu tugul, ak tuguk tugul che bo sugunonik, ak che bo karik, ko kigitabanji Jehovah: kiibu choto kobwa ole kigonore tugukab Jehovah.